Ma꞉tiu 6:1 - Panake Pi La: Ula: Buka pita: Kine Pieke Buka

¹ Koda꞉na꞉ pi miniki haleme wanda꞉halima꞉ ika꞉ tamba꞉ mina꞉la꞉ haumanu pea꞉pekeeki wanda꞉halima꞉ handena꞉ handaena꞉ tupa꞉ puluekema꞉ hone ota꞉ na wiki yopu kone pea꞉pa꞉peke. Pa ekipeke. Wanda꞉halima꞉ handena꞉yeke handaena꞉ hau pimika꞉na꞉ta꞉ kota꞉ mo naka꞉ hepeni hala꞉ Apa꞉ma꞉ kia꞉ka꞉na꞉ mulu peleme epeke yenkita꞉ homeke siki a꞉nda꞉ make ota꞉ na milimikie.

Ma꞉tiu 6:1 Mawu Ofanana

Ma꞉tiu 16:27

Wanda꞉halina꞉ Eiyeke ipika꞉ Atekena꞉ pa̱a̱ taapuna꞉ ipika꞉ enisolo hatuku a̱i̱ kutaa kone ipilieke. Kutaata꞉ wanda꞉hali homeke homekema꞉ ika꞉ pu haeme hau manuna꞉ ana꞉ piki yenki kone iki pa꞉ta꞉ hale hale pilieke.

Ma꞉tiu 16:6

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi Sa꞉dusi tapake yaapona꞉ palaowa pombei yaasa꞉eki wotu handa꞉pa꞉peke leekeme.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Ma꞉tiu 23:5

Ika꞉ pu haleme hau paeyaota꞉ pa wanda꞉halima꞉ handaena꞉ pu halememe. Ika꞉ you taado manda pokede nu dake petipekemanu wepu make kutupa mo kiki maketopa꞉ yaapona꞉ make homeke tupa꞉ kone pokede nu dakemanu wepiaata꞉ Koda꞉na꞉ pi tunkula ula꞉ ekimanu wape pea panko hopa꞉liao yamaata꞉ ta pomua꞉tiki piteme handa꞉e. Kutupa make ika꞉ dau tumiki kake nina꞉ta꞉ ota꞉ haka꞉ta꞉pao au laaseme pu honiki honiki make taa piteme handa꞉e.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Ma꞉tiu 5:46

Ikana꞉ma꞉ mo iki pa꞉ta꞉ pukima꞉ homeleme wanda꞉hali homeke pa꞉ta꞉ a꞉nda꞉ pukima꞉ homemeka꞉na꞉ta꞉ pa ekipeke Koda꞉ma꞉ iki pa꞉ta꞉ epeke yenki kina꞉pe. Mo hande dakisi mu hala꞉ haliwekima꞉ kone kutu piki hau pu halememe.

Ma꞉tiu 5:48

Ikana꞉ma꞉ ika꞉ hepeni hala꞉ Apa꞉ta꞉ ota꞉ tondepe wopu pea hala꞉ tupa꞉ iki make tondepe pea hao hapa꞉peke ya꞉la꞉me.

Ma꞉tiu 6:16

Ikana꞉ma꞉ nee pi a꞉nda꞉ wimika꞉na꞉ta꞉ kota꞉ mo ika꞉ puki pa꞉ta꞉ ula꞉ haumanu a꞉mbaaso hata꞉ mo makeaaso hau piteme haliweki ika꞉ hoke wenoko haseme tupa꞉ na hapa꞉peke. Mo haliwekima꞉ta꞉ wanda꞉halima꞉ handolo hata꞉ ikita꞉ nee pi ula꞉ some ya꞉ka꞉ta꞉me hone wina꞉ ika꞉ loke handeteke hala꞉ hau mina꞉pa꞉latiki pu halememe. I̱ma꞉ iki pa꞉ta꞉ ota꞉ pi alome. Koto haliwekima꞉ ika꞉ mulumeke hone wilimi aleta꞉ ame do hata꞉ mu paeyaasememe.

Ma꞉tiu 6:9

Yeni pimika꞉na꞉ta꞉ kota꞉ do tupa꞉ pea꞉pa꞉peke. Nika꞉ hepeni hala꞉ Apa꞉o. Naka꞉ yako piki bikita꞉ ota꞉ manda wia haena꞉e.

Maka 8:15

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi haliwekina꞉ palaowa pombei yaasa꞉eki make Hetodina꞉ palaowa pombei yaasa꞉eki make wotu handa꞉pa꞉peke leekeme.

Luku 11:35

Koto ekina꞉ta꞉ mo naka꞉ lokena꞉ pa̱a̱ pa꞉la꞉ ekita꞉ timba꞉ na la꞉na꞉ leketa꞉ ota꞉ wopu handeteke hapeke

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 12:15

Koto laa Yesuma꞉ paeyao pa꞉ta꞉ alota꞉ Handeteke hapa꞉peke. Hande pasa꞉tei hau ta꞉ta꞉ ta꞉ta꞉ pikieki a꞉paapa꞉na꞉ ika꞉ kone wopu handeteke hata꞉ leke leke lo hapa꞉peke. Wanda꞉hali paeyaoma꞉ hamoko tieke ekipa haena꞉ kone ika꞉ da꞉ta꞉la꞉ ekina꞉ teketa꞉ ika꞉ wia haleme alemanu pa꞉ta꞉ na ula꞉me leekeme.

Luku 16:15

Koto ekina꞉ Yesuma꞉ iki pa꞉ta꞉ alo hata꞉ alota꞉ Ikita꞉ kenke wanda꞉halina꞉ leke popelekena꞉ ota꞉ epeke tupa꞉ haleme tapakema꞉ handolo pelemepate Koda꞉ma꞉ta꞉ ika꞉ puki hone paeyaota꞉ hone ula꞉me. Do kenke wanda꞉halima꞉ Ota꞉ hau tieke ale manue laa hone witeleme ale manuta꞉ Koda꞉na꞉ leke popelekena꞉ta꞉ pa pa alee hone ula꞉me leekeme.

Dioni 12:43

Koda꞉ma꞉ ika꞉ pi laena꞉ hone na wiki kenke haliwekima꞉ laena꞉ hone wopu wimikime.

Dioni 5:44

Ikana꞉ma꞉ ika꞉ ika꞉ kone ika꞉ pi lao alualu piteleme ekita꞉ hone pa꞉la꞉pate hande homeke hala꞉ Koda꞉ma꞉ ika꞉ pi laasa꞉ ekita꞉ hone na witelememe. Kutu piteleme ekina꞉ ika꞉ honeta꞉ I̱ pa꞉ta꞉ ekipa tulaalimikipe.

Aposolo 3:12

Pidama꞉ doeki handa mo haliweki pa꞉ta꞉ alota꞉ Isulai haliwekio. Do ekina꞉ ekipeke leke opo handa꞉hake wia yopilimipe o diki make ekipeke handa꞉hake witemepe. Dikana꞉ma꞉ dika꞉ wele pita꞉la꞉ ekina꞉ o nika꞉ yakopiki hauma꞉ do hali mea pota꞉ pena꞉ lolopa꞉pe leekeme.

Ka꞉leisia 6:12

Mo ikana꞉ma꞉ sekemesaisi hau puemena꞉ yeke ti aleme wanda꞉halima꞉ta꞉ ika꞉ biki mea a꞉meiyaaso hata꞉ kone pa mo yonkeleke manda pita꞉la꞉ hauna꞉ hakoko liki pimanu loluekema꞉ yeke alememe. Kutu pita꞉la꞉ ekita꞉ ikana꞉ma꞉ mo Yesu homeeke kolosuna꞉ pi walaemeka꞉na꞉ta꞉ mandane Diu tapakema꞉ iki pa꞉ta꞉ ka꞉nda꞉ halaama꞉na꞉ yeke pa yanaaso do manda yonkelekena꞉ pita꞉la꞉ hau pu halememe.

Hibulu 11:26

Ipika꞉ honema꞉ta꞉ I̱ma꞉ mo Ketiso bikina꞉ yaala꞉ma꞉ homoa꞉ka꞉na꞉ta꞉ kota꞉ koto hauma꞉ta꞉ mo Idiepi nane ula꞉ mani make koloma꞉ wepiki alemanu paeya tapao ota꞉ lombei pa꞉la꞉me hone wiekeme. Kutu pieke ekita꞉ ipikana꞉ma꞉ mo wetepe mulu pieke epeke yenkina꞉ hone u hayekeme.

Hibulu 2:1

Koto ekina꞉ta꞉ niki ipilipa lopa mo opuma꞉ ota꞉ pimanu mina꞉pa꞉lao puaama꞉na꞉ma꞉ koto pita꞉ hone ota꞉ wopu wia miniki hamana꞉ pea꞉peke alee.

Hibulu 6:10

Koda꞉ta꞉ homeke pa꞉ta꞉ homeke hone ula꞉ Koda꞉ dia꞉me. Ipikana꞉ma꞉ mo ika꞉ epeke e poka꞉lemekeeki make ika꞉ Ketiso kame tonu tamba꞉ mimieki make ame do pa tamba꞉ mu haleme ekima꞉ make koto hau pa꞉ta꞉ yama꞉ta꞉ ika꞉ Koda꞉ pa꞉ta꞉ pukima꞉ homelemeeki peneme yaasa꞉me. Koto piteme ekita꞉ Koda꞉ma꞉ hone na yonka꞉lapeke ya꞉la꞉me.

2 Dioni 1:8

Koto ekina꞉ leke leke lo hapa꞉peke. Pa ekipeke mo hande mulueke laa e pokeleme ekita꞉ ma꞉nda꞉ na alupaake pa ana꞉na꞉ kone miomena꞉ yeke loa꞉me.