Ma꞉tiu 5:39 - Panake Pi La: Ula: Buka pita: Kine Pieke Buka

³⁹ Pate ame I̱ma꞉ iki pa꞉ta꞉ la kitolo ekita꞉ dupa. Ma꞉nda꞉ma꞉ neke tekipuleke laeya꞉ka꞉na꞉ta꞉ nakana꞉ma꞉ hombo na peapeke. Hali ma꞉nda꞉ma꞉ naka꞉ popeke nanema꞉ pakena꞉ dakapoma꞉ lia꞉ka꞉na꞉ta꞉ kota꞉ mo hoe nane pakena꞉ make lina꞉ la꞉ka꞉lapeke.

Ma꞉tiu 5:39 Mawu Ofanana

Ma꞉tiu 5:40

Hali ma꞉nda꞉ma꞉ naka꞉ sedi muluekema꞉ neke pi yokaaluna꞉ mea haena꞉ lea꞉ka꞉na꞉ta꞉ kota꞉ naka꞉ kosa꞉ aka꞉ make mina꞉ hala꞉peke.

Luku 22:64

Kutupa make mo haliwekima꞉ Yesuna꞉ leke popeleke a꞉mbao lota꞉ pitolo alota꞉ Neke lia꞉ halina꞉ biki lakie lemekeme.

Luku 6:7

Mo wape pea ula꞉ Lo Pi walo haemeke haliweki make Pa꞉tisi haliwekima꞉ make Do nika꞉ Hoto Pila꞉ Natena꞉ Yesuma꞉ ma꞉nda꞉ mea epeaalia꞉pe laa handa꞉hake wimikime. Yesuma꞉ pi yamba꞉lea꞉me loluekema꞉ yeke pimikime.

Dioni 18:23

Yesuma꞉ ipika꞉ pi hombo peaaso alota꞉ I̱ma꞉ pi lo hoeyaowa꞉eki opika꞉na꞉ta꞉ kota꞉ do haliweki paeyao opina꞉ la hala꞉e laata꞉ kutupulu pelepate ota꞉ pi loa꞉ ekina꞉ kone pika꞉na꞉ kota꞉ I̱ta꞉ ekipeke lipe leekeme.

1 Kotindi 6:7

Ikana꞉ma꞉ pa iki kone pi yokaalu puluekema꞉ mea pulimieki manuta꞉ kota꞉ iki ota꞉ lopa halememe laa peneme yaasa꞉me. Mo iki hoeya꞉ pa꞉la꞉eki manuta꞉ pa wina꞉ paapa꞉peke alee. Kutupa mo pake nala꞉ ekimanu make pa wina꞉ paapa꞉peke alee.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

Hibulu 12:4

Mo hoke hau ame̱le̱ a꞉nda꞉ta꞉ pelemepate mo a꞉nda꞉ pelemeeki peneme yaena꞉ta꞉ ika꞉ lokena꞉ we a꞉nda꞉ na yapa꞉la꞉me.

Dia꞉mesi 5:6

Mo handeeki a꞉nda꞉ na pa꞉la꞉ halima꞉ta꞉ iki pa꞉ta꞉ a꞉nda꞉ na pita꞉la꞉pate ikana꞉ma꞉ amba꞉ pi yokaalu pea lilimime.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.