Ma꞉tiu 5:37 - Panake Pi La: Ula: Buka pita: Kine Pieke Buka

³⁷ Ikana꞉ma꞉ta꞉ pa Aowe o Dia꞉me homeke lapa꞉peke. Mandane pi apa꞉taemeka꞉na꞉ta꞉ kota꞉ kotota꞉ hoke Sadanima꞉ wala꞉la꞉ pie.

Ma꞉tiu 5:37 Mawu Ofanana

Dia꞉mesi 5:12

Ya kametitio. Pi tieke doe. Ikana꞉ma꞉ pi la꞉ wimika꞉na꞉ta꞉ oli hepenina꞉ biki make do kenkena꞉ biki make ala꞉ta꞉ ma꞉nda꞉na꞉ biki make na la꞉ wia꞉pa꞉peke. Kutupa Aowe loluekema꞉ta꞉ pa Aowe pi homeke lapa꞉peke. Kutupa make Dia꞉me loluekema꞉ta꞉ pa Dia꞉me pi homeke lapa꞉peke. Tekehalima꞉ iki pa꞉ta꞉ pi yokaalu pilieke la loa꞉me.

Kolosi 4:6

Ika꞉ aleme pi manuta꞉ tende peao make ta꞉na꞉ma꞉ homa꞉tiake tupa꞉ lapa꞉peke. Kutupa ikana꞉ma꞉ paeyao pa꞉ta꞉ epeke hombo peaasa꞉eki hala꞉la꞉ ekita꞉ hone wopu wia꞉peke ya꞉la꞉me.

Kolosi 3:9

Ma꞉nda꞉ pa꞉ta꞉ yayapiki pi na lapa꞉peke. Pa ekipeke ika꞉ amba꞉ hau pita꞉ ipika꞉ hande lu wiayeke pu haeme ekita꞉ amba꞉ holo baaso hata꞉

Dioni 8:44

Ikita꞉ ika꞉ apa꞉ Sadanina꞉ eiyeke titi halememe. Koto peleme ekina꞉ ika꞉ apa꞉na꞉ hone pa꞉la꞉ ekimanu puluekema꞉ pitelememe. Titi panake pa꞉ta꞉ kone ipikita꞉ hali lita꞉la꞉ hali hayekeme. Ipiki pa꞉ta꞉ ota꞉ hau pita꞉la꞉eki ma꞉nda꞉ na ula꞉ ekina꞉ ipikana꞉ma꞉ ota꞉ hau pea꞉peke na ya꞉la꞉me. Yayapiki pi lea꞉ka꞉na꞉ta꞉ ipika꞉ pita꞉la꞉eki kone ala꞉me. Ipikana꞉ma꞉ yayapiki pi lo hala꞉ ekina꞉ make ipikita꞉ yayapiki pi ala꞉ teke hali hala꞉ ekina꞉ make loa꞉me.

Epesese 4:25

Koto ekina꞉ yayapiki pi ala꞉eki paapa꞉peke. Nikita꞉ Ketiso ipika꞉ lokena꞉ tunao homekeeki yolo hata꞉ nika꞉ kame pa꞉ta꞉ ota꞉ pi la꞉tiki pulumeke.

2 Desalonaika 3:3

Mo Tekehalima꞉ hone homeke u haleke handa ikita꞉ wele pealieke. Kutupa make Sadanima꞉ iki hoeyaapa꞉na꞉ handeteke halieke.

Ma꞉tiu 13:19

Mo hande Koda꞉na꞉ Kilu Tombuao Hala꞉ ekina꞉ pi wala꞉la꞉ ekina꞉ pi opitelemepate hone wopu wia na mea mendieleme wanda꞉hali ikita꞉ mo hande pota꞉na꞉ lopeeke wae manuma꞉ handelememe. Ika꞉ puki pa꞉ta꞉ nokopeeke pi manuta꞉ Sadanima꞉ a̱i̱ a꞉pa yoka꞉ mea pula꞉me.

Ma꞉tiu 13:38

Kutupa mo e tupa꞉ta꞉ do kenkee. Mo epeke waemanu tupa꞉ta꞉ mo Koda꞉na꞉ Kilu Tombuao Hala꞉ pa꞉ta꞉ haleme wanda꞉halie. Mo hande hoke ambumanu tupa꞉ta꞉ mo hoke Sadanina꞉ wanda꞉halie.

1 Dioni 5:18

Nikana꞉ma꞉ mo Koda꞉na꞉ weki wandikima꞉ta꞉ hoke hau pa na pitolo ombu hala꞉me laa hone uluma꞉me. Pa ekipeke mo Koda꞉na꞉ Eiyekema꞉ iki handeteke hala꞉me ekita꞉ mo Hoke Temokoma꞉ iki hoeyaapeke na ya꞉la꞉me.

Ma꞉tiu 6:13

Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

1 Dioni 2:13

Yaka apa꞉titio. Iki pa꞉ta꞉ do pi laaso ekita꞉ pa mo ota꞉ titina꞉ kini pea a꞉pa pa hao hala꞉ someta꞉ ikana꞉ma꞉ hone wilimi ekina꞉ loa꞉me. Panake haliweki iki pa꞉ta꞉ do pi laasome. Paa ekipeke ikana꞉ma꞉ta꞉ mo Hoke Temoko bepolaleme ekina꞉ loa꞉me.

1 Dioni 3:12

Nikita꞉ mo hande Keinima꞉ na hando hapa꞉peke ya꞉la꞉me. Ipikita꞉ mo Hoke Temokona꞉eki hata꞉ ipika꞉ hameke Eipolo kone lu homaeyekeme. Pa ekipeke lu homaeyekepe. Do ekina꞉yeke loa꞉me. Mo ipika꞉ pieke hau manuta꞉ tikitiki na pitolo haena꞉ ipika꞉ hamekena꞉ hau manuta꞉ tikitiki pikieki yaalo piekeme.

Dioni 17:15

I̱ma꞉ do honke alo ekita꞉ do haliweki kenke pa꞉ta꞉ na haena꞉ yoka꞉ muelena꞉ laa na loa꞉pateta꞉ hande Hoke Halima꞉ iki hoeyaama꞉na꞉ nakana꞉ma꞉ handeteke halena꞉yeke honke alome.

Ma꞉tiu 15:19

Kota꞉ koto some ipika꞉ puki pa꞉ta꞉ pita ipula꞉ hoke hone manuma꞉ta꞉ dupiki haumanu pu tialieke. Hali ma꞉nda꞉ lina꞉ lo o wanda꞉ pake na꞉na꞉ lo o hali yankeke pa꞉ta꞉ kone hoke hau pina꞉ lo o pake na꞉na꞉ lo o yapiki hau pina꞉ lo o wanda꞉halina꞉ biki hoeyaena꞉ lo

Ma꞉tiu 5:36

Ika꞉ you lo kone ota꞉ na lapa꞉peke. Pa ekipeke. Ikana꞉ma꞉ ika꞉ itiki homeke siki kone topo pea hake o punu na peapeke ya꞉la꞉ ekina꞉ loa꞉me.

Epesese 6:16

Hanka꞉ta꞉ hoto paeyao mina pominolo hata꞉ hone tulaasa꞉eki mina pomua꞉pa꞉peke. Kotoeki mina꞉ hata꞉ta꞉ mo hoke Sadanima꞉ ipika꞉ ti tala꞉ a꞉ndelimanu pila꞉la꞉ ekita꞉ ana꞉na꞉ a꞉mbaalimikie.