Ma꞉tiu 5:26 - Panake Pi La: Ula: Buka pita: Kine Pieke Buka

²⁶ Koto pa꞉ta꞉ta꞉ naka꞉ pu hauna꞉ yenki paeyao ota꞉ a̱i̱ na haleka꞉na꞉ta꞉ pa pitu halipikie.

Ma꞉tiu 5:26 Mawu Ofanana

Ma꞉tiu 10:29

Hosiki ba siki yaapota꞉ makedina꞉ yenki 10 toea sikima꞉ hamba꞉peke ba siki yaapo yolo pa꞉la꞉pate mo Apa꞉ Koda꞉ma꞉ mo basunu homeke ma꞉nda꞉ honda꞉pa pene waleke na wina꞉ lea꞉ka꞉na꞉ta꞉ kota꞉ homeke a꞉nda꞉ kenkena꞉ honda꞉pa na lopilieke.

Ma꞉tiu 18:34

mo Kini halima꞉ mineke tieke pankolo hata꞉ mo hande somema꞉ ipika꞉ mieke tondiki ota꞉ paeyao ana꞉na꞉ kone epeao paeyaena꞉ handeteke hata꞉ panisi pina꞉ dipula mea lopaeyekeme.

Ma꞉tiu 25:41

Kota꞉ mo ipika꞉ hoe nanema꞉ halimi wanda꞉hali iki pa꞉ta꞉ta꞉ dupa lelieke. Ikita꞉ Koda꞉na꞉ hoeyaalo pa꞉la꞉ wanda꞉hali yeleme ekina꞉ I̱ ame̱le̱ na hake mina꞉pa꞉lao pupe laa Ikita꞉ mo Sadani ipika꞉ enisolo tonka꞉na꞉ mina꞉yeke Koda꞉ma꞉ wepia ula꞉ na paelo pa꞉la꞉ ti to hala꞉ ale pa꞉ta꞉ pupe laa lelieke.

Ma꞉tiu 25:46

Koto wanda꞉halita꞉ honiki na paeyo hala꞉ hoke yenki mu hala꞉ pa꞉ta꞉ tapaalieke. Pate mo tikitiki wopu piki wanda꞉hali ikita꞉ honiki na paeyo deto hala꞉ pa꞉ta꞉ pelimikie leekeme.

Maka 12:42

Wetepena꞉ natehali kosa꞉piki wanda꞉ sikima꞉ a꞉paata꞉ manisiki yaapo 2 toeama꞉ handekeeki mea a꞉pa lopaeyekeme.

Luku 12:58

Hali ma꞉nda꞉ma꞉ neketa꞉ pi yokaaluna꞉ hatuku poluekema꞉ pia꞉ka꞉na꞉ta꞉ kota꞉ a̱i̱ na peke hata꞉ kone nakana꞉ma꞉ tiki tiki yaaluekema꞉ taapa꞉peke. Nakana꞉ma꞉ koto hau na pika꞉na꞉ta꞉ kota꞉ ipikana꞉ma꞉ neketa꞉ oli pi yokaalu pu hala꞉ hali teke pa꞉ta꞉ yola꞉ mea puaata꞉ pa koto halima꞉ta꞉ mo polisi haliwekina꞉ kikina꞉ mea halaata꞉ neketa꞉ dipula da pa꞉ta꞉ mea pitalieke.

Luku 12:59

Kutupa neke pa꞉ta꞉ Mo opisi hamba꞉e lelia꞉ tupa꞉ a̱i̱ na hambo paeyaeka꞉na꞉ta꞉ kota꞉ neketa꞉ koto pa꞉ta꞉ pa pita꞉ pelia halipikie leekeme.

Luku 16:26

Kotoeki manuta꞉ koto ya꞉la꞉pate ma꞉nda꞉ta꞉ nika꞉ haloma꞉eki tukiki pa꞉ta꞉ hombo tieke ula꞉ ekima꞉ do diki halopa꞉ nane haloma꞉ wanda꞉hali ma꞉nda꞉ta꞉ ta neke hale nane ipuluekema꞉ taapelemepate a꞉pa꞉peke na ya꞉lieke. Kutupa neke hale nane haleme wanda꞉hali ma꞉nda꞉ta꞉ doane ipuluekema꞉ taapea꞉ka꞉na꞉ta꞉ a꞉pa꞉peke na ya꞉lieke leekeme.

2 Desalonaika 1:9

Koto wanda꞉hali ika꞉ tanda pa꞉la꞉ yenkita꞉ dupa. Hoetolo hoetolo haena꞉ hao halimikie. Koto ekina꞉ Tekehali ame̱le̱ make ipika꞉ honkopu seliapo haasa꞉eki taapuna꞉ na hake tekilipa hao halimikie.

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.