Ma꞉tiu 5:24 - Panake Pi La: Ula: Buka pita: Kine Pieke Buka

²⁴ kota꞉ naka꞉ mo pa hameke hala꞉pekeeki koto pa꞉ta꞉ kone mina꞉pa꞉laota꞉ koto kone a̱i̱ la꞉ka꞉la pua naka꞉ kame yaapo a꞉nda꞉ pelia꞉pa꞉peke. Kutupa paeya꞉ka꞉na꞉ta꞉ la꞉ka꞉la a꞉pa mo naka꞉ pa hameke hala꞉pekeeki Koda꞉ pa꞉ta꞉ hala꞉peke.

Ma꞉tiu 5:24 Mawu Ofanana

Ma꞉tiu 23:23

Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ ika꞉ ne tende peaasa꞉ tekia꞉ o pa꞉sa꞉ta꞉ma꞉ handeke ale sunu kiki yaapo telipata꞉ putupa homeke Koda꞉ pa꞉ta꞉ taiti haluekema꞉ yeke epeke telipuluekema꞉ hone wopu u halememe. Kutu pu halemepate kone pa mo wanda꞉halina꞉ ka꞉nda꞉manu epeao epeke tupa꞉ telipeao make a꞉ta꞉ma꞉ homo make ota꞉ tikitiki hau pita꞉la꞉ ekimanu make koto mo hande Lo Pi ula꞉ ekina꞉ ota꞉ titina꞉ pimanu paeyao ota꞉ hone yonka꞉lalememe. Dia꞉me. Kotoeki manuta꞉ ota꞉ pea꞉tiki pitolo hata꞉ mo mandanekeeki make na mina꞉pa꞉lapa꞉peke.

Ma꞉tiu 5:23

Koto ekina꞉ta꞉ nakana꞉ma꞉ naka꞉ pa hameke hala꞉pekeeki Koda꞉na꞉ oloda pa꞉ta꞉ mea ipulu hata꞉ naka꞉ honema꞉ Ya kamema꞉ta꞉ I̱ pa꞉ta꞉ ka꞉nda꞉ piki pi ma꞉nda꞉ ala꞉me hone wika꞉na꞉ta꞉

Maka 9:50

Epita꞉ a꞉pa꞉la꞉pate ipika꞉ tende pa꞉la꞉eki a꞉nda꞉ alu pia꞉ka꞉na꞉ta꞉ kota꞉ ikana꞉ma꞉ mo epita꞉ ekipa paa tende peaalipikipe leekeme. Ika꞉ kone epi wia hapa꞉peke leekeme. Kutupa ika꞉ ika꞉ kone a꞉nda꞉ pelia homu pu alu alu pea꞉pa꞉peke leekeme.

1 Kotindi 11:28

Koto ekina꞉ wanda꞉hali paeyaoma꞉ ika꞉ piteleme hau amba꞉la wotu handaata꞉ hande palaowa kapona꞉ make napa꞉peke alee.

1 Timodi 2:8

I̱ma꞉ Siosi paeyao pa꞉ta꞉ halima꞉ yeni pina꞉ hone pa꞉la꞉me. Hali epima꞉ ma꞉nda꞉ pa꞉ta꞉ mineke pankolo o kake neli pita꞉la꞉ hau na piki ota꞉ yako piki hone u paleke hala꞉ hali manuma꞉ mo siosina꞉ mombilimi pa꞉ta꞉ kiki a꞉meiyao yeni pina꞉e.

Dia꞉mesi 5:16

Koto ekina꞉ yeni tandela haluekema꞉ ika꞉ hoke hau peleme ekimanu ka꞉la꞉pa alualu peata꞉ kutupa ika꞉ kone Koda꞉ pa꞉ta꞉ yeni pitolo hata꞉ tamba꞉ mu alualu pea꞉pa꞉peke. Tikitiki yao hala꞉ halima꞉ yeni pia꞉ka꞉na꞉ta꞉ kota꞉ wele wotu pilieke.