Ma꞉tiu 5:22 - Panake Pi La: Ula: Buka pita: Kine Pieke Buka

²² Pa ameta꞉ I̱ma꞉ iki pa꞉ta꞉ alota꞉ Epima꞉ ipika꞉ yankeke pa꞉ta꞉ mineke pankea꞉ka꞉na꞉ta꞉ kota꞉ ipikita꞉ pi yokaaluna꞉ mea haena꞉ lelieke. Kutupa hali ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ I̱ma꞉ dopi taapeke ekie lea꞉ka꞉na꞉ta꞉ kota꞉ koto someta꞉ Ka̱le̱sete tieke pa꞉ta꞉ mea haena꞉ lelieke. Kutaa make ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ you hoke hone wopu na wiki someo lea꞉ka꞉na꞉ta꞉ kota꞉ koto someta꞉ ti to hala꞉ pa꞉ta꞉ pua꞉peke ya꞉la꞉eki teke pa꞉ta꞉ hala꞉me.

Ma꞉tiu 5:22 Mawu Ofanana

Kini Pieke 37:4

Kutupa mo ipika꞉ hameke tonuma꞉ ika꞉ atekema꞉ Diosepe pa꞉ta꞉ homeke puki tiekema꞉ wopu homeekeeki hando haota꞉ kota꞉ ika꞉ kame pa꞉ta꞉ta꞉ honditi pitolo hata꞉ homu piki pi manuma꞉ na la halemekeme.

Kini Pieke 37:8

Koto leeke mo hameke tonuma꞉ lota꞉ pitolo alota꞉ Naka꞉ honema꞉ta꞉ neketa꞉ kini hali hata꞉ niki handeteke halipikie hone witelepe lemekeme. Koto ekina꞉ mo ipika꞉ upamanu tonka꞉na꞉ mo ipikana꞉ma꞉ a꞉pa la꞉tiki pieke pimanu tonka꞉na꞉ opia꞉tiki pitolo hata꞉ ikana꞉ma꞉ ota꞉ hoke mineke panka꞉tiki pimikime.

Ma꞉tiu 10:17

Mo haliwekima꞉ iki pa꞉ta꞉ pulu peleme ekimanu wopu handeteke hao hapa꞉peke. Ikana꞉ma꞉ iki da꞉ka꞉pa꞉ mina pi yokaaluna꞉ mea pua make mo ika꞉ pi hotu haleme da pa꞉ta꞉manu iki yombilimikie.

Ma꞉tiu 10:28

Mo ika꞉ loke lia homalo pa꞉lemepate ika꞉ temoko lia homaaluekema꞉ wataapeke na ya꞉la꞉ wanda꞉hali pa꞉ta꞉ paala꞉ma꞉ na homo hapa꞉peke. Pate mo ika꞉ loke pita꞉ temoko yaapo ti to hala꞉ ale pa꞉ta꞉ tapao hoeyaapeke Koda꞉ pa꞉ta꞉ homeke ota꞉ paala꞉ma꞉ homo hapa꞉peke.

Ma꞉tiu 12:24

Do lota꞉ lota꞉ pimiki pimanu opua mo Pa꞉tisi haliwekima꞉ hombo peaaso alota꞉ Do somema꞉ hoke temokomanu tolu hala꞉ ekita꞉ mo hoke temoko paeyaona꞉ you temoko Bielisibuluna꞉ welema꞉ kone pia꞉ka꞉ta꞉me lemekeme.

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Ma꞉tiu 18:21

Koto toma꞉na꞉ta꞉ Pidama꞉ Yesu pa꞉ta꞉ a꞉pa lota꞉ pitolo alota꞉ Tekehalio. Yaka kamema꞉ I̱ pa꞉ta꞉ hoke hau pea꞉tiki pu haya꞉ka꞉na꞉ta꞉ kota꞉ I̱ma꞉ tana꞉ ekipu paeyaaluepe. Tana꞉ wataake hata꞉ ana꞉ pa꞉la꞉pe laa lota꞉ piekepate

Ma꞉tiu 18:35

Yesuma꞉ do onkoluma꞉ pi lo a꞉mbolo hata꞉ alota꞉ Ikana꞉ma꞉ ika꞉ yankekena꞉ hoke hau pimiki ekimanu ika꞉ pukima꞉ ota꞉ hone na yonka꞉laemeka꞉na꞉ta꞉ kota꞉ yaka hepeni hala꞉ Apa꞉ma꞉ mo hande Kini halima꞉ pieke tupa꞉ kone iki paeyao pa꞉ta꞉ make koto mandake tupa꞉ kone pilieke leekeme.

Ma꞉tiu 23:15

Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ pa mo hande homeke hali mea ika꞉ tapakena꞉ tunao haena꞉e laa lapeke ekina꞉ kone mo da yu paeyao lia lopao pomu haleme haliwekie. Kutaa mo some handa꞉ wia꞉ka꞉na꞉ta꞉ kota꞉ ipikita꞉ iki mo ti to hala꞉ ekina꞉ eiyeke tonu halemeeki ota꞉ lombei peao haena꞉ lelimikie.

Ma꞉tiu 23:33

Ikita꞉ keto manuna꞉ eiyeke tonu kone keto halememe. Ikana꞉ma꞉ta꞉ iki mo ti to hala꞉ ale pa꞉ta꞉ pomena꞉ tapaalo pa꞉la꞉ ekita꞉ ekieki pa wendulumeke hone wilimipe.

Ma꞉tiu 25:41

Kota꞉ mo ipika꞉ hoe nanema꞉ halimi wanda꞉hali iki pa꞉ta꞉ta꞉ dupa lelieke. Ikita꞉ Koda꞉na꞉ hoeyaalo pa꞉la꞉ wanda꞉hali yeleme ekina꞉ I̱ ame̱le̱ na hake mina꞉pa꞉lao pupe laa Ikita꞉ mo Sadani ipika꞉ enisolo tonka꞉na꞉ mina꞉yeke Koda꞉ma꞉ wepia ula꞉ na paelo pa꞉la꞉ ti to hala꞉ ale pa꞉ta꞉ pupe laa lelieke.

Ma꞉tiu 26:59

Mo hande yeni peao hayeke you hali make tondiki haliweki paeyaoma꞉ make Yesu lu homaaluekema꞉ ipika꞉ pa꞉la꞉ hau doe laa makeaaso hata꞉ ma̱leke lulu peleme haliweki weimikime.

Ma꞉tiu 3:17

Kutaa oli ya nanema꞉ pi ho̱la̱꞉make homekema꞉ pi alo alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeyekeme.

Ma꞉tiu 5:34

Pate ame I̱ma꞉ iki pa꞉ta꞉ la kitolo ekita꞉ dupa. Ikana꞉ma꞉ la꞉ wita꞉la꞉ pi la꞉ wimika꞉na꞉ta꞉ kota꞉ mo hali keke witolo pimanu apa꞉tao na la꞉ wia꞉pa꞉peke. Kutupa mo Hepenina꞉ biki laa hali keke wita꞉la꞉ pi na lapa꞉peke. Pa ekipeke. Hepenita꞉ Koda꞉na꞉ pitu hala꞉ ale yeleke loa꞉me.

Ma꞉tiu 5:44

Pate ame I̱ma꞉ iki pa꞉ta꞉ la kitolo ekita꞉ dupa. Ika꞉ a꞉nda꞉ tunkuliki haliweki pa꞉ta꞉ pukima꞉ homo make mo iki tanda kiteme wanda꞉hali epeaena꞉ Koda꞉ pa꞉ta꞉ yeni peao hapa꞉peke.

Maka 14:55

Yeni peao haemeke you haliweki make ka̱le̱sete haliweki paeyaoma꞉ make Yesu lu homaaluekema꞉ pota꞉ weimikipate ota꞉ na handa꞉ wimikime.

Maka 15:1

Da ka꞉la꞉paaso siki yeni peao haemeke you haliwekima꞉ make tondiki haliwekima꞉ make wape pea wala꞉tiki pu haemeke haliwekima꞉ make ka̱le̱sete haliweki paeyaoma꞉ make pi hotimikime. Kutupa mo haliwekima꞉ Yesu tonkao mea Pailedi pa꞉ta꞉ hatuku pemekeme.

Luku 12:5

Ikana꞉ma꞉ mo hali homeke ma꞉nda꞉ liaata꞉ ipika꞉ temokota꞉ oni ti to hala꞉ ale pa꞉ta꞉ baapeke ya꞉la꞉ wele pa꞉la꞉ Koda꞉ pa꞉ta꞉ paala꞉ma꞉ homa꞉pa꞉peke. Iki pa꞉ta꞉ ota꞉ loa꞉ma꞉ Ipiki pa꞉ta꞉ homeke paala꞉ma꞉ homa꞉pa꞉peke aleo.

Luku 22:66

Da kelepeeketa꞉ mo Diu haliwekina꞉ ka̱le̱sete mombuluekema꞉ mo tondiki haliweki make yeni peao haemeke teke haliweki make Lo Pi walo haemeke haliweki paeyao mombololo hata꞉ Yesu hatuku epemekeme.

Dioni 11:47

Koto ekina꞉ mo Pa꞉tisi haliweki make mo yeni peao haemeke you haliweki make mo Ka̱le̱sete tapake ame̱le̱ momba꞉lalo hata꞉ alota꞉ Nikana꞉ma꞉ta꞉ eki pumana꞉pe. Do hande halima꞉ wele wotu pa꞉la꞉ ekimanu pita꞉la꞉me.

Dioni 15:25

Kutu pitelemepate ika꞉ Lo Pi manuna꞉ wape pa꞉la꞉eki ota꞉ yaaluekema꞉ pita꞉la꞉me. Dupae. Pa hameke kone I̱ pa꞉ta꞉ honditi pimime.

Dioni 7:20

Mo wanda꞉hali paeyaoma꞉ ipika꞉ pi hombo peaaso alota꞉ Neke tukiki pa꞉ta꞉ hoke temoko pila꞉me. Neketa꞉ epima꞉ luekema꞉ taapa꞉la꞉pe lemekeme.

Dioni 8:48

Mo Diu haliwekima꞉ Yesuna꞉ pi hombo peaaso alota꞉ Nikana꞉ma꞉ neketa꞉ Sametia hali neke pa꞉ta꞉ hoke temoko pita꞉ pa꞉la꞉me loma꞉ ekita꞉ paeki loma꞉ekea.

Aposolo 17:18

Kutupa mandane Epikutiani Sitoiki sukulu tapake yaapona꞉ haliwekima꞉ Polo manda꞉hande pea alota꞉ Do hande pi wopu ala꞉ halima꞉ eki leliepe lemekeme. Mandaneeki manuma꞉ alota꞉ Da ma꞉nda꞉ nane koda꞉ manuna꞉ hau wala꞉la꞉ hali ya꞉ka꞉ta꞉me lemekeme. Poloma꞉ Yesu pa꞉ta꞉ make mo hande wanda꞉hali homa pa tiaalo piekeeki waleeke handa lemekeme.

Aposolo 22:30

Kutupa da kelepeeketa꞉ mo Diu haliwekima꞉ Polo ba꞉sa꞉ pimiki ekina꞉ ota꞉ teke lota꞉ pu handuluekema꞉ mo a꞉nda꞉ tumiki halima꞉ Polona꞉ tonkaemekeeki ka꞉la꞉paka꞉na꞉ta꞉ mo Diuna꞉ yeni peao haemeke you haliweki make ika꞉ ka̱le̱sete haliweki paeyao make mombelena꞉ laata꞉ Polota꞉ mo haliweki pa꞉ta꞉ hatuku mea a꞉pa haena꞉ leekeme.

Aposolo 23:1

Kutupa Poloma꞉ mo ka̱le̱sete haliweki wotu handake witolo hata꞉ alota꞉ Kametitio. Hokeeki na piki Koda꞉ pa꞉ta꞉ epeke tupa꞉ hatiki pea ame make hata꞉ pua꞉me leekeme.

Aposolo 24:20

Do haleme haliwekima꞉ make I̱ma꞉ta꞉ ika꞉ ka̱le̱sete haliweki pa꞉ta꞉ hata꞉ yaka pi loa꞉ pita꞉ta꞉ I̱ma꞉ pu hoeyao hau ma꞉nda꞉ handa꞉ wimi ekita꞉ lemeka꞉na꞉ta꞉ epelieke.

Aposolo 4:15

Koto ekina꞉ mo hali tepo pa꞉ta꞉ alota꞉ Do ka̱le̱sete da mina꞉pa꞉lao pupe laata꞉ mo haliwekima꞉ ika꞉ ika꞉ kone alota꞉

Aposolo 5:21

Mo hande aposolo haliwekima꞉ koto leeke pi opuaata꞉ da panake ka꞉la꞉polo haena꞉ mo tembolo da tukiki pa꞉ta꞉ honda꞉ pamba pua pi walemekeme. Mo yeni peao haemeke you haliwekina꞉ you halima꞉ ipiki ame̱le̱ mandakena꞉ haemeke haliweki tonka꞉na꞉ ikana꞉ma꞉ Diu ka̱le̱sete haliweki paeyaoma꞉ pi tieke hotuluekema꞉ mombelena꞉ lemekeme. Kutupa mo dipula da nane make pi tapaaso alota꞉ Koto hande haliwekita꞉ niki pa꞉ta꞉ hatuku mea ipupe laa lemekeme.

Aposolo 5:27

Mo aposolo haliweki hatuku mea a꞉pa mo ka̱le̱sete haliwekina꞉ leke minekena꞉ haena꞉ leekeme. Kutupa mo yeni peao haemeke you haliwekina꞉ you halima꞉ iki lota꞉ pitolo alota꞉

Aposolo 6:12

Kutupa mo haliwekima꞉ wanda꞉hali make tondiki haliweki make wape pea wala꞉tiki pu haemeke haliweki make sutiaemeke handaata꞉ Sidipeni pua minata꞉ ka̱le̱sete haliweki pa꞉ta꞉ yola꞉ mea pemekeme.

Aposolo 6:15

Kutupa mo ka̱le̱sete haliweki paeyaoma꞉ ipiki handa hake wimikipate ipika꞉ leke popeleketa꞉ enisolona꞉ ekima꞉ handemekeme.

Aposolo 7:37

Ipikana꞉ma꞉ mo Isulai wanda꞉hali pa꞉ta꞉ hali ma꞉nda꞉na꞉ dupa leekeme. Koda꞉ma꞉ I̱ tapaeya꞉ tupa꞉ iki pa꞉ta꞉ potopede hali ma꞉nda꞉ make tapaalieke. Koto someta꞉ ika꞉ tapake hali kone tapaalieke laa leekeme.

Loma꞉ 12:10

Ikana꞉ma꞉ ika꞉ Ketiso kametiti ame̱le̱ ika꞉ kone pukima꞉ homa alualu pea hapa꞉peke. Kutupa ika꞉ ika꞉ kone lu mina꞉nia alualu puluekema꞉ taapo hapa꞉peke.

1 Kotindi 6:10

mo pake no haleme wanda꞉hali make pasa꞉tei hau pu haleme wanda꞉hali make kutupa hoke ikali naa keao haleme wanda꞉hali make pi la la pu haleme wanda꞉hali make dupiki hau pu haleme wanda꞉hali homeke a꞉nda꞉ ota꞉ Koda꞉na꞉ Kilu Tombuao Hala꞉eki pa꞉ta꞉ na pelieke.

1 Kotindi 6:6

Koto hau na piki pa Ketiso hali ma꞉nda꞉ma꞉ ipika꞉ Ketiso yankeke kone pi yokaaluna꞉ mea puata꞉ pa mo pi na miki haliwekima꞉ kone ipilika꞉ pi yokaalu peaena꞉ la꞉la꞉me.

1 Desalonaika 4:6

Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.

Taitasi 3:2

Ikana꞉ma꞉ ma꞉nda꞉ pa꞉ta꞉ hoke pimanu na leketa꞉ a꞉nda꞉ pelia ta꞉ma꞉ni pea hata꞉ hoto paeyaota꞉ paeyao pa꞉ta꞉ yopu a꞉ta꞉ma꞉ homolo hata꞉ hapa꞉peke lapeke.

Hibulu 12:25

Mo iki pa꞉ta꞉ pi ala꞉ somena꞉ pita꞉ na kiaake yopusiki hata꞉ opua꞉pa꞉peke. Mo hande Koda꞉ma꞉ la꞉niaeyeke pimanu la꞉mea halao haemekeeki na opimiki wanda꞉halita꞉ Koda꞉na꞉ hoeyaasa꞉eki na wendimikime. Ikana꞉ma꞉ na wendimiki yeke handaata꞉ nikana꞉ma꞉ oli hepeni nanema꞉ pi la kita꞉la꞉ hali hoki walaa kiaoma꞉ka꞉na꞉ta꞉ kota꞉ niki make ota꞉ na wondulumeke.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

Dia꞉mesi 2:20

Neketa꞉ hone na wiki halio. Hande ota꞉ hau na piki pa pima꞉ homeke Ketiso pa꞉ta꞉ hone tulao halome ala꞉ ekita꞉ paeki pita꞉la꞉me la walonope.

Dia꞉mesi 3:6

Kutupa kekeke make ti tala꞉ ekima꞉ handa꞉la꞉me. Nika꞉ loke pa꞉ta꞉ witolo hata꞉ hoke hau pita꞉la꞉ honemanu u tiaapeke ya꞉la꞉me. Kutupa loke paeyao hoeyao hala꞉me. Kutupa loke pa꞉ta꞉ ti tala꞉ ekima꞉ hando hala꞉me. Kutupa nika꞉ pota꞉ pominoloma꞉eki make yanko hala꞉me. Dupiki ti tala꞉ ekita꞉ ti to hala꞉ alena꞉ ipu hala꞉me.

1 Pida 2:23

Kutupa haliwekima꞉ ipiki pa꞉ta꞉ hoke pi alo ipika꞉ loke manda꞉ meaemeketa꞉ ipikana꞉ma꞉ hoke pi la hombo na peayekeme. Kutupa ipikana꞉ma꞉ ika꞉ ka꞉nda꞉ mieke dina꞉ta꞉ dupiki hoke yenki milimikie la hombo na peayekepate Koda꞉ta꞉ tikitiki yao hala꞉ pi yoka꞉ alu pita꞉la꞉ hali pa꞉ta꞉ hone ti lao hayekeme.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.

1 Dioni 2:9

Ma꞉nda꞉ epima꞉ ipikita꞉ mo pa̱a̱ pa꞉la꞉eki pa꞉ta꞉ halome alo kone ipika꞉ kame honditi pia꞉ka꞉na꞉ta꞉ kota꞉ ipikita꞉ ame do make timba꞉ leke pa꞉ta꞉ ha pelia hala꞉me.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.

1 Dioni 5:16

Iki ame̱le̱ homekema꞉ ipika꞉ hamekema꞉ mo homena꞉ na la꞉la꞉ hoke hau ma꞉nda꞉ pita꞉la꞉eki handea꞉ka꞉na꞉ta꞉ kota꞉ mo somena꞉eki Koda꞉ pa꞉ta꞉ yeni peaapeke ya꞉la꞉me. Kutupa Koda꞉ma꞉ ipiki da꞉taena꞉ lelieke. Koto hauta꞉ pa mo homena꞉ lapeke na ya꞉la꞉ hoke hau pu haleme wanda꞉hali pa꞉ta꞉ loa꞉me. Pate mo homa꞉la꞉eki pa꞉ta꞉ hatuku polo pa꞉la꞉ hoke hauta꞉ ta꞉ta꞉ ma꞉nda꞉e. Koto hauna꞉ I̱ma꞉ta꞉ Koda꞉ pa꞉ta꞉ yeni pea꞉peke laa na loa꞉me.

Diudi 1:9

Hande you enisolo Maikoloma꞉ kone kotoeki na piekeme. Ipikana꞉ma꞉ta꞉ Sadani yaapo mo Mosesina꞉ tokota꞉ epima꞉ milia꞉pe laa kake neli pitolo hata꞉ kone Maikoloma꞉ta꞉ mo Sadani pa꞉ta꞉ yaala꞉ peake pimanu na leekepate pa Tekehalima꞉ neke hando lena꞉e leekeme.

Peneme Yaeyekeeki 20:14

Kutupa homa꞉la꞉eki pita꞉ homo hala꞉ kenke yaapota꞉ oni ti uleke pa꞉ta꞉ yola꞉ mea lopaeya꞉me. Do ti uleke kiaketa꞉ yaapo peao homa꞉la꞉ekie.