Ma꞉tiu 5:20 - Panake Pi La: Ula: Buka pita: Kine Pieke Buka

²⁰ I̱ma꞉ iki pa꞉ta꞉ ota꞉ pi alome. Ika꞉ hauna꞉ tikitiki pa꞉la꞉ ekima꞉ta꞉ mo hande Pa꞉tisi haliwekina꞉ hau pita꞉ mo Lo Pi Ula꞉eki wala꞉la꞉ haliwekina꞉eki make ota꞉ lombei na pia꞉ka꞉na꞉ta꞉ kota꞉ ikita꞉ mo hepenina꞉ Kilu Tombuao Hala꞉eki pa꞉ta꞉ ota꞉ pua꞉peke na yelimikie.

Ma꞉tiu 5:20 Mawu Ofanana

Ma꞉tiu 16:12

Koto pi opitolota꞉ mo disaipolo haliwekima꞉ Yesuma꞉ leeke kinki pita꞉la꞉ pita꞉ mo palaowa pa꞉ta꞉ ula꞉ yisitina꞉ na leekepate ota꞉ mo Pa꞉tisi Sa꞉dusi tapake yaapona꞉ waleme mana꞉ pimanu pa꞉ta꞉ lea꞉ka꞉ta꞉me hone wimikime.

Ma꞉tiu 18:5

Ma꞉nda꞉ epima꞉ dupiki weki siki ya bikina꞉ ta꞉na꞉ma꞉ homolo hata꞉ handa꞉ mia꞉ka꞉na꞉ta꞉ kota꞉ I̱ make ta꞉na꞉ma꞉ homaa handa꞉ milieke.

Ma꞉tiu 3:10

Mo timanu ika꞉ teke yoka꞉ poka꞉ bepe peaapeke teita꞉ do tikitiki yao ula꞉ handa꞉e. Ti homeke homekema꞉ ipika꞉ epeke kiliki na eiyo haya꞉ka꞉na꞉ta꞉ kota꞉ pokaa tina꞉ yankilieke.

Ma꞉tiu 7:21

Mo I̱ pa꞉ta꞉ Tekehali Tekehali lo haleme wanda꞉hali paeyaoma꞉ oli hepenina꞉ Kilu Tombuao Hala꞉ pa꞉ta꞉ na pelimikie. Kotoeki na pulu pelemepate mo ya hepeni hala꞉ Apa꞉na꞉ hone pa꞉la꞉ hau pu haleme wanda꞉hali homeke homeke honda꞉ pambaa pelimikie.

Maka 10:15

Iki pa꞉ta꞉ ota꞉ pi alome. Wanda꞉hali epima꞉ mo wekiwandiki sunuma꞉ Koda꞉na꞉ Kilu Tombuao Hala꞉eki minolo piteleme tupa꞉ na mimika꞉na꞉ta꞉ kota꞉ ikita꞉ koto pa꞉ta꞉ ana꞉na꞉ na hondo pambilimikie leekeme.

Maka 10:25

Kemolo ma꞉na꞉ta꞉ no̱i̱ ka꞉ka꞉na꞉ pa꞉ta꞉ pea꞉ka꞉na꞉ta꞉ yapa꞉ pa꞉la꞉pate hamoko halima꞉ Koda꞉na꞉ Kilu Tombuao Hala꞉eki pa꞉ta꞉ poluekema꞉ ka꞉nda꞉ pilieke leekeme.

Luku 11:44

Ika꞉ hoke yenki tiekena꞉ I̱ paala꞉e. Ikita꞉ wanda꞉halima꞉ mo patehau na pa꞉la꞉ hali lapa꞉ma꞉ handeke nono pelemeke handa tumbao pomu haleme haliwekima꞉ lapa꞉ma꞉ handelememe leekeme.

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 18:17

Doeki hone wopu u hapa꞉peke. Wekiwandiki sunuma꞉ Koda꞉na꞉ Kilu Tombuao Hala꞉eki minolo piteleme tupa꞉ na mimika꞉na꞉ta꞉ kota꞉ ikita꞉ koto pa꞉ta꞉ ana꞉na꞉ na hondo pambilimikie leekeme.

2 Kotindi 3:9

Mo hoke yenki mea ipula꞉ Lo Pina꞉ hauta꞉ ota꞉ yole pia꞉pate pa mo da꞉taapeke pa꞉ta꞉la꞉la꞉eki mea a꞉pa꞉la꞉ ekita꞉ ota꞉ lombei pikieki yole pa꞉la꞉me.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.

Hibulu 12:14

Wanda꞉hali paeyao ame̱le̱ a꞉nda꞉ pelia haluekema꞉ taapo hapa꞉peke. Kutaata꞉ ika꞉ halo pelemeeki tonka꞉na꞉ yako peao haluekema꞉ taapo hapa꞉peke. Pa ekipeke. Koto hau na piki wanda꞉hali homeke a꞉nda꞉ma꞉ta꞉ mo Tekehali ota꞉ na handilimikie.

Peneme Yaeyekeeki 21:27

Pate mo ha̱i̱ piki ala꞉ta꞉ ma꞉nda꞉ koto daoni pa꞉ta꞉ na honda꞉ pambilieke. Koto tupa꞉ kone ma꞉nda꞉ epima꞉ yaala꞉piki haumanu pu o yayapiki pi lo hala꞉ some make na honda꞉ pambilieke. Mo Sipisipi Ma꞉na꞉ Ikiki ipika꞉ da꞉ta꞉la꞉ tapakena꞉ biki ula꞉ bukana꞉ biki laala꞉ wanda꞉hali homeke koto daoni pa꞉ta꞉ honda꞉ pambilimikie.