Ma꞉tiu 5:19 - Panake Pi La: Ula: Buka pita: Kine Pieke Buka

¹⁹ Kutu piliepate pa hali homeke ma꞉nda꞉ma꞉ mo Lo Pi Ula꞉ ekina꞉ hosiki pi siki kone yoka꞉ mea bao make o mandane wanda꞉halima꞉ make kutu pina꞉ wala꞉ tiaeya꞉ka꞉na꞉ta꞉ kota꞉ ipika꞉ bikita꞉ oli hepenina꞉ Kilu Tombuao Hala꞉eki pa꞉ta꞉ta꞉ ota꞉ hosiki siki ya꞉lieke. Pate pa hali homeke ma꞉nda꞉ma꞉ mo Lo Pi Ula꞉eki miniki hata꞉ mandane wanda꞉halima꞉ make kutu pina꞉ wala꞉ tiaeya꞉ka꞉na꞉ta꞉ kota꞉ ipikana꞉ma꞉ oli hepenina꞉ Kilu Tombuao Hala꞉ ekina꞉ biki tieke milieke.

Ma꞉tiu 5:19 Mawu Ofanana

Ma꞉tiu 11:11

I̱ma꞉ ota꞉ pi alome. Mo hande bapitaisi peao haya꞉ hali Dionita꞉ mo amba꞉ haemeke hali paeyao ota꞉ lombei piki some hala꞉me. Pate mo hepenina꞉ Kilu Tombuao Hala꞉ ekina꞉ ota꞉ biki na ula꞉ some a꞉nda꞉ma꞉ta꞉ Dioni lombei pa꞉la꞉me.

Ma꞉tiu 19:28

Yesuma꞉ hombo peaaso alota꞉ I̱ma꞉ ota꞉ pi alome. Mo paa kini pilia꞉ panake di kini pia꞉ka꞉na꞉ta꞉ kota꞉ mo wanda꞉halina꞉ Eiyekema꞉ ipika꞉ ota꞉ seliapo piki pa̱a̱ tiekema꞉ hopiliaasa꞉ you halina꞉ sea manda pitia꞉ka꞉na꞉ta꞉ kota꞉ koto toma꞉na꞉ta꞉ iki yaka 12 disaipolo haliweki make mo Isulaina꞉ 12 tapake handeteke haluekema꞉ ikana꞉ma꞉ mo iki handeteke hala꞉ sea manda pitilimikie.

Ma꞉tiu 20:26

pa ikana꞉ma꞉ta꞉ iki tukiki pa꞉ta꞉ ma꞉nda꞉ma꞉ mo koto hau pina꞉ na lelimikie. Dia꞉me. Iki pa꞉ta꞉ hali epima꞉ I̱ tieke halueke hone wia꞉ka꞉na꞉ta꞉ kota꞉ ipikita꞉ iki paeyaona꞉ e pokaasa꞉ hali halieke.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Luku 1:15

mo weki daeya hata꞉ta꞉ Koda꞉na꞉ leke popelekena꞉ hata꞉ hali tieke halieke laata꞉ Ipikana꞉ma꞉ta꞉ mo waini ikali make mo hoke ikali make na nelieke. Kutupa ipikita꞉ inkikina꞉ weleke pa꞉ta꞉ pitina꞉ kone mo Holi Sipitidi tumbaalieke.

Luku 11:42

Pa꞉tisi haliwekio. Ika꞉ hoke yenki tiekena꞉ I̱ paala꞉e. Ikana꞉ma꞉ta꞉ ika꞉ hande ena꞉ hala꞉ ale tekia꞉ o totopo piki tanima꞉ handeke ale sunuta꞉ kiki yaapo telipata꞉ putupa homeke sikita꞉ Koda꞉ pa꞉ta꞉ halo halemepate mo Koda꞉ teke pa꞉ta꞉ta꞉ puki hala꞉pekeeki make epeke tikitiki piki hau manuta꞉ hone yonka꞉lalememe. Dupiki hau manuta꞉ ota꞉ pea꞉tiki pitolo hata꞉ mo mandaneeki make na mina꞉pa꞉lapeke.

Luku 9:48

iki pa꞉ta꞉ alota꞉ Ma꞉nda꞉ epima꞉ yaka bikina꞉ dupiki weki siki handa꞉ mia꞉ka꞉na꞉ta꞉ kota꞉ I̱ kone handa꞉ mina꞉la꞉me. Kutupa hali epima꞉ I̱ handa꞉ mia꞉ka꞉na꞉ta꞉ kota꞉ I̱ tapaeya꞉ hali make handa꞉ mina꞉la꞉me leekeme. Iki tukiki pa꞉ta꞉ta꞉ biki na wiki hali ma꞉nda꞉ haya꞉ka꞉na꞉ta꞉ kota꞉ ipikana꞉ma꞉ iki paeyaosiki lu ankulala꞉me leekeme.

Aposolo 1:1

Diopilusio. I̱ma꞉ta꞉ titina꞉ buka wape pua꞉ ekina꞉ Yesuma꞉ ipika꞉ e kini pea mea pokeeke natena꞉ kini pea pua kutupa pa ipiki oli hepeni nane peeke natena꞉ ipikana꞉ma꞉ piekeeki make wala꞉tiki piekeeki make paeyao wape pua꞉me.

Loma꞉ 3:8

Koto ekina꞉ mandane wanda꞉halima꞉ alota꞉ Epekeeki epena꞉ma꞉ kota꞉ hokeeki pumana꞉e laa alememe. Mandane wanda꞉halima꞉ I̱ la la pitolo hata꞉ kone alota꞉ Poloma꞉ kutupiki pi ombu la꞉tiki pu hala꞉me laa lelememe. Koto pi leleme wanda꞉halita꞉ Koda꞉ma꞉ hoke yenki halea꞉ka꞉na꞉ta꞉ tikitiki hau pitolo hata꞉ kone pilieke.

Loma꞉ 6:1

Koto poloma꞉ ekina꞉ nikana꞉ma꞉ eki pi loluma꞉pe. Koda꞉ma꞉ pa hameke a꞉ta꞉ma꞉ homa꞉la꞉eki daeya꞉tia pena꞉yeke nikana꞉ma꞉ hoke haumanu pa pu tia pomana꞉pe.

Loma꞉ 6:15

Koto ekina꞉ eki pumana꞉pe. Hande Lo Pi manuma꞉ dupa꞉pe laa wala꞉la꞉eki nika꞉ wenokona꞉ na wiki hande Koda꞉na꞉ pa a꞉ta꞉ma꞉ homa꞉la꞉eki homeke nika꞉ wenokona꞉ wina꞉ aloma꞉ ekina꞉ hoke hau pumana꞉pe. A꞉pa꞉e. Dia꞉me.

1 Timodi 6:11

Nakana꞉ma꞉ Koda꞉na꞉ hali hata꞉ta꞉ koto hau manuta꞉ mone hata꞉ pina꞉ kiao papate leke hapeke. Kutu puluekema꞉ta꞉ kota꞉ nakana꞉ma꞉ mo tikitiki piki hau make Koda꞉na꞉ hau leke pita꞉la꞉ hau make hone tulaasa꞉ hau make pukima꞉ homa꞉la꞉ hau make ki hone na wiki pita꞉la꞉ hau make kimele piki hau pita꞉la꞉ hau make koto hau paeyao ota꞉ muluekee hone u paleke pu hapeke.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

1 Pida 5:4

Kutupa mo sipisipi ma꞉na꞉ handeteke hala꞉ Titina꞉ Hali opolo epea꞉ka꞉na꞉ta꞉ ipikana꞉ma꞉ iki pa꞉ta꞉ mo pa̱a̱ na alu pulu pa꞉la꞉ namba ota꞉ seliapo pikieki kia꞉ka꞉na꞉ milimikie.

1 Dioni 3:4

Ma꞉nda꞉ epita꞉ hoke hau pia꞉ka꞉na꞉ta꞉ Koda꞉na꞉ pi ula꞉eki yamba꞉la꞉la꞉me. Pa ekipeke hoke hauta꞉ Koda꞉na꞉ pi ula꞉eki yamba꞉la꞉la꞉ ekie.

Peneme Yaeyekeeki 2:20

Koto pelemepate I̱ma꞉ iki pa꞉ta꞉ alo pita꞉ dupa. Ikana꞉ma꞉ta꞉ mo wanda꞉ Diesibeleta꞉ iki ame̱le̱ pa haena꞉ kiaalememe. Koto wanda꞉ma꞉ta꞉ ipikita꞉ Koda꞉na꞉ pi mea ipulu wanda꞉e lo hala꞉pate ipika꞉ wala꞉la꞉ ekima꞉ta꞉ yaka e pa hameke pokaaseme tapakema꞉ ika꞉ loke hoeyaasa꞉ hau pina꞉ make mo hoke temoko pa꞉ta꞉ hala꞉la꞉ nemanu nena꞉ hatuku pu hoeyao hala꞉me.