Ma꞉tiu 5:11 - Panake Pi La: Ula: Buka pita: Kine Pieke Buka

¹¹ Ikita꞉ ya hoki nane tolu haleme ekina꞉ mandane wanda꞉hali ika꞉ pima꞉ iki yaala꞉ma꞉ homao make iki pa꞉ta꞉ tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone kota꞉

Ma꞉tiu 5:11 Mawu Ofanana

Ma꞉tiu 10:18

Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Ma꞉tiu 10:22

Ikana꞉ma꞉ ya e pokaaseme haliweki hata꞉ ya biki miniki haleme ekina꞉ta꞉ wanda꞉hali paeyaoma꞉ iki hoki wala kialimikie. Kutu pilimipate kone mo haumanu ipulu haena꞉ kone mo paelo pa꞉la꞉ nate opolo epena꞉ yu wia hata꞉ honkopu hao bepolatiki pu halia꞉ someta꞉ da꞉taa haena꞉ lelieke.

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Ma꞉tiu 10:39

Ma꞉nda꞉ hali epima꞉ ipika꞉ honkopuma꞉ kone ipika꞉ da꞉ta꞉la꞉eki muluekema꞉ taapo haya꞉ka꞉na꞉ta꞉ kota꞉ ipika꞉ da꞉ta꞉la꞉eki alupalieke. Pate ya e amba꞉la pokaaluekema꞉ ipika꞉ da꞉ta꞉la꞉eki amba꞉la hone na wia꞉ka꞉na꞉ta꞉ kota꞉ koto somena꞉ da꞉ta꞉la꞉ ekita꞉ pa u halieke.

Ma꞉tiu 19:29

Kutaa make mo mandaali epi a꞉nda꞉ma꞉ I̱ teliolo hata꞉ ika꞉ da o ika꞉ hameketiti o ana꞉titi o apa꞉ ama꞉ o weki wandiki sunu o kenkemanu make mina꞉pa꞉laemeka꞉na꞉ta꞉ kota꞉ do kenkena꞉ hata꞉ kone mo ika꞉ mina꞉pa꞉laleme ale manuta꞉ paa 100 tupa꞉ lombei peao meata꞉ deto hala꞉eki make milimikie.

Ma꞉tiu 24:9

Koto haumanu pilia꞉ toma꞉na꞉ta꞉ mandane haliwekima꞉ iki pa꞉ta꞉ ka꞉nda꞉manu ku make lu puluekema꞉ iki da꞉ka꞉pa꞉ mina꞉ bepi pilimikie. Ikita꞉ yaeki haleme ekina꞉ wanda꞉hali wopuma꞉ iki honditi wopu pilimikie.

Ma꞉tiu 27:39

Pota꞉na꞉ lombei pu pa pa pu yapemeke wanda꞉halima꞉ Yesu ki ta ta pu amboke wankeatiki pitolo hata꞉ alota꞉

Maka 13:13

Yaka biki menelemeke handaa wanda꞉hali paeyaoma꞉ iki ota꞉ kiaalimikie. Kutu pilimipate hali epima꞉ kima꞉ na homeke paelo pa꞉la꞉ tombona꞉ opolo puaata꞉ deto hala꞉eki milieke leekeme.

Maka 13:9

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

Maka 8:35

Kutu pa꞉la꞉ ekima꞉ hali epima꞉ ipika꞉ hao hala꞉eki miniki hao haluekema꞉ hone wia꞉ka꞉na꞉ta꞉ kota꞉ ipika꞉ hao hala꞉eki kone alupilieke leekeme. Kutu piliepate I̱ pa꞉ta꞉ make do handa꞉ Pi Seliapo pa꞉ta꞉ make hone witolo hata꞉ ipika꞉ hao hala꞉eki alupaasa꞉ halima꞉ ota꞉ da꞉taa halieke leekeme.

Luku 21:12

Dupiki haumanu puluekema꞉ haena꞉ta꞉ niki amba꞉la mina꞉ yombuata꞉ oni pi hotu haleme da pa꞉ta꞉ niki pi yokaalu puemena꞉ hala꞉ moneaota꞉ dipula mea pitalimikie. Kutupa ikita꞉ yaka bikina꞉ kone mo kini haliwekimanu make handeteke pilimi haliwekina꞉ leke popelekena꞉ hatuku ipilimikie.

Luku 21:17

Yaka biki melemeke handaa wanda꞉hali paeyaoma꞉ iki ota꞉ kiaalimikie.

Luku 6:22

Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Luku 9:24

Pa ekipeke. Hali ma꞉nda꞉ epima꞉ ipika꞉ deto hala꞉eki alupaama꞉na꞉ yeke hone wotu wia꞉ka꞉na꞉ta꞉ kota꞉ ipika꞉ deto hala꞉ ekita꞉ alupalieke. Kutu pulu pa꞉la꞉pate I̱ pa꞉ta꞉ hone witolo hata꞉ ipika꞉ deto hala꞉eki alu pina꞉ lea꞉ka꞉na꞉ta꞉ kota꞉ koto halita꞉ ipika꞉ deto hala꞉ ekita꞉ paa miniki halieke.

Dioni 15:21

Ikita꞉ yakaeki halemeke handaa do haumanu paeyao iki pa꞉ta꞉ pilimikie. Kutupa make I̱ tapaala꞉ hali na handolo hata꞉ pilimikie.

Dioni 9:28

Koto leeke handaa mo haliwekima꞉ ipiki kitaaso hata꞉ alota꞉ Neketa꞉ mo hande halina꞉ disaipolo hali halepate nikita꞉ Mosesina꞉ disaipolo haliweki haloma꞉me.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Loma꞉ 8:36

mo hande Baibolo bukana꞉ wape pa꞉la꞉ tupa꞉ Nikana꞉ma꞉ naka꞉eki peaasoma꞉ ekina꞉ wanda꞉halima꞉ nate paeyao niki luekema꞉ taapo halememe. Sipisipi ma꞉na꞉manu luekema꞉ piteleme tupa꞉ wanda꞉halima꞉ta꞉ niki pa꞉ta꞉ make hoke hau puluekema꞉ taapo halememe laa wape pa꞉la꞉me.

1 Kotindi 4:10

Ketisona꞉ biki daeyaena꞉ loluekema꞉ nikita꞉ hone na wiki haliweki haloma꞉pate ikita꞉ Ketisona꞉ hauna꞉ hone wotu wilimi haliweki halememe. Nikita꞉ honkopu na haloma꞉pate ikita꞉ honkopu wotu halememe. Ika꞉ biki laasemepate pa niki pa꞉ta꞉ biki na ula꞉ haliwekie la alememe.

2 Kotindi 4:11

Yesuna꞉ ekina꞉ nika꞉ hatia puluma꞉ ale pa꞉ta꞉ manuta꞉ homa꞉la꞉eki teke pa꞉ta꞉ hao haloma꞉me. Pa ekipeke ipika꞉ deto hala꞉ ekita꞉ nika꞉ do kenke loke pa꞉ta꞉ handena꞉yeke pitoloma꞉me.

Pilipai 1:29

Ikana꞉ma꞉ Ketisona꞉ e pokawamena꞉ yeke Koda꞉ma꞉ iki pa꞉ta꞉ epeke waleke ka꞉la꞉me. Do e pokawaluekema꞉ pa ika꞉ hone tulaaso ombu halo peleme ekima꞉ dia꞉ ya꞉la꞉pate pa Ketiso ipika꞉ hauna꞉ ka꞉nda꞉ make meawaso ombu halimi ekima꞉ tonka꞉na꞉ ipika꞉ e pokalimikie.

1 Pida 2:23

Kutupa haliwekima꞉ ipiki pa꞉ta꞉ hoke pi alo ipika꞉ loke manda꞉ meaemeketa꞉ ipikana꞉ma꞉ hoke pi la hombo na peayekeme. Kutupa ipikana꞉ma꞉ ika꞉ ka꞉nda꞉ mieke dina꞉ta꞉ dupiki hoke yenki milimikie la hombo na peayekepate Koda꞉ta꞉ tikitiki yao hala꞉ pi yoka꞉ alu pita꞉la꞉ hali pa꞉ta꞉ hone ti lao hayekeme.

1 Pida 4:14

Ikita꞉ Ketisona꞉ telia꞉la꞉ wanda꞉hali haleme ekina꞉ ma꞉nda꞉ma꞉ iki pa꞉ta꞉ hoke pi lemeka꞉na꞉ta꞉ ta꞉na꞉ma꞉ homa꞉pa꞉peke ya꞉la꞉me. Koto lemeka꞉na꞉ta꞉ kota꞉ mo pa̱a̱ piki temokota꞉ Koda꞉na꞉ temoko kone iki pa꞉ta꞉ pitia꞉ka꞉ta꞉me.

Peneme Yaeyekeeki 2:3

Ikita꞉ homu pea yu wia halememe. Kutupa ikita꞉ yaka ekina꞉ kone tanda nalo hata꞉ na kiaalememe.