Ma꞉tiu 4:24 - Panake Pi La: Ula: Buka pita: Kine Pieke Buka

²⁴ Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Ma꞉tiu 4:24 Mawu Ofanana

Ma꞉tiu 12:22

Koto pita꞉ma꞉ta꞉ mandane wanda꞉halima꞉ hali homeke Yesu pa꞉ta꞉ hatuku mea epemekeme. Koto some ipika꞉ puki pa꞉ta꞉ hoke temoko pitieke ekima꞉ leke holu peao pi na lao piekeme. Yesuma꞉ mo some wamo pieketa꞉ ipika꞉ leke kila handolo hata꞉ pi epeke tupa꞉ leekeme.

Ma꞉tiu 14:1

Mo hande Ka꞉lili kenke handeteke hayeke hali Hetodima꞉ta꞉ Yesuma꞉ pieke ekina꞉ pi laemeke ekimanu opuaata꞉

Ma꞉tiu 15:22

Koto kenke nane hayeke Keinani wanda꞉ homeke Yesu pa꞉ta꞉ e̱ wi laa a꞉pa alota꞉ Deipidina꞉ eiyekeo. Ya wandiki pa꞉ta꞉ hoke temoko pila꞉ ekima꞉ ipiki ota꞉ epeke tupa꞉ na ula꞉me. Koto ekina꞉ I̱ pa꞉ta꞉ a꞉ta꞉ma꞉ homa꞉peke leekeme.

Ma꞉tiu 17:15

alota꞉ Tekehalio. Ya weki pa꞉ta꞉ a꞉ta꞉ma꞉ homa꞉peke laata꞉ Ipikita꞉ lu lopao mea keao weki yaalo tana꞉ eleke eleke ti tala꞉ pa꞉ta꞉ make ikali pa꞉ta꞉ make lu lopatiki pu hala꞉me.

Ma꞉tiu 17:18

Kutupa Yesuma꞉ Mo hoke temoko hando alo hata꞉ mo weki mina꞉pa꞉lae leeke handaata꞉ mo hoke temokoma꞉ mo weki mina꞉pa꞉layekeme. Kutu pieketa꞉ pa koto toma꞉na꞉ kone mo weki epea tiao hayekeme.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Ma꞉tiu 8:28

Yesuma꞉ mo hande ikali leke mone tea꞉na꞉ wieke kenke Kedata nane opolo ipulu haena꞉ta꞉ hali hoiyu hayeke tikene da pa꞉ta꞉ haepeke hali yaapoma꞉ Yesu a꞉pa manda꞉ hande pipikime. Mo hali yaapo pa꞉ta꞉ta꞉ hoke temokomanu pitieke ekima꞉ ipilikita꞉ ota꞉ ka꞉la꞉ta꞉ wopu piki some yaapo haepekeme. Koto ekima꞉ta꞉ wanda꞉halima꞉ mo hali yaapo haepeke ale teke pa꞉ta꞉ wieke pota꞉na꞉ pua꞉peke na yekeme.

Ma꞉tiu 8:33

Kutupa mo ma꞉na꞉ titi handeteke haemeke hali manuma꞉ ika꞉ teke da nane pindipa puaata꞉ mo hande pieke hau paeyao make hande hoke temoko pitiki hali yaapo pa꞉ta꞉ pieke haumanu tonka꞉na꞉ paeyao wanda꞉hali pa꞉ta꞉ moka꞉laemekeme.

Ma꞉tiu 8:6

Tekehalio. Ya e pokaasa꞉ halita꞉ kiki anke lupa wiki yeni mea pota꞉ pomua꞉peke na yaalo tanda tieke mea ya da pa꞉ta꞉ u peli pelia hala꞉me leekeme.

Ma꞉tiu 9:26

Koto wandiki mea tiaeyeke ekina꞉ pita꞉ koto kenke paeyao pa꞉ta꞉ kende tupa꞉ wiekeme.

Ma꞉tiu 9:35

Yesuma꞉ta꞉ koto pa꞉ta꞉ haemeke da paeyao pa꞉ta꞉manu pomu lopeekeme. Ika꞉ teke da tieke pa꞉ta꞉ make ika꞉ da teke pa꞉ta꞉manu make pomu lopo piekeme. Kutaata꞉ ika꞉ yeni pu haemeke damanu pa꞉ta꞉ make pi walo hayekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ make mo ta꞉ta꞉ ta꞉ta꞉ piki yeni haemeke wanda꞉halina꞉ yeni tekemanu tonka꞉na꞉ wamo peatiki pomu hayekeme.

Maka 1:28

Koto ekina꞉ koto kone Ka꞉lili nane paeyao Yesuna꞉ biki kende tupa꞉ wiekeme.

Maka 1:32

Koto dina꞉ welealo nate pambolo haena꞉ta꞉ yeni ta꞉ta꞉ ta꞉ta꞉ haemeke wanda꞉hali make weleke pa꞉ta꞉ hoke temoko pitimiki wanda꞉hali make paeyao Yesu pa꞉ta꞉ hatuku a꞉paata꞉ daoni wanda꞉hali paeyao make Yesu hayeke pota꞉ kake pa꞉ta꞉ a꞉pa penke haemekeme.

Maka 2:3

Kutupa Yesuma꞉ iki pa꞉ta꞉ pi walolo haena꞉ tonkopu haliwekima꞉ Yesu pa꞉ta꞉ kiki anke homa꞉ pa wieke some homeke meatia epemekeme.

Maka 2:4

Ipulu hata꞉ handemekepate wanda꞉hali wopu haemeke handaata꞉ Yesu teke pa꞉ta꞉ mea tia pua꞉peke na yaalo hata꞉ da holu akolo puluekema꞉ a꞉meimikime. Kutupa ka꞉ka꞉na꞉ wiaota꞉ mo hande kiki anke homa꞉ pa wieke some tili tonka꞉na꞉ mea lopa꞉niaemekeme.

Maka 2:9

Eki epi aloeki yapa꞉ pa꞉la꞉pe laa kiki anke homa꞉ pa ula꞉ some pa꞉ta꞉ loa꞉ka꞉na꞉ta꞉ Naka꞉ hoke hau paeyao paeyaalome aloeki yapa꞉ pa꞉la꞉pe o Tiae. Naka꞉ tili meatia pue aloeki yapa꞉ pa꞉la꞉pe leekeme. Hando ekipe laa

Luku 2:2

Koto titina꞉ biki mimiki pita꞉ta꞉ mo Sitia nane handeteke hayeke kapomani tieke halita꞉ Kuliniasi hayekeme.

Luku 4:14

Mo Holi Sipitidina꞉ honkopuma꞉ Yesu handeteke haena꞉ laa Yesu mo Ka꞉lili nane paa peekeme. Kutupa koto da yu paeyao pa꞉ta꞉ haemeke wanda꞉halima꞉ Yesuna꞉ biki kende tupa꞉ wina꞉ lemekeme.

Luku 4:38

Yesu mo Koda꞉na꞉ pi hotu haemeke da mina꞉pa꞉laota꞉ Saimonona꞉ da pa꞉ta꞉ peekeme. Saimonona꞉ meiyeke wanda꞉ta꞉ titipu yeni tiekema꞉ homa꞉pa wieke handaa ikana꞉ma꞉ Yesu pa꞉ta꞉ mo wanda꞉na꞉ yeni hayeke tupa꞉ la halemekeme.

Luku 5:15

Koto pi leeke pateta꞉ wanda꞉hali paeyaoma꞉ Yesuma꞉ pieke ekimanu da yu paeyao pa꞉ta꞉ la꞉tiki pomimikime. Koto ekina꞉ta꞉ wanda꞉hali aneke hapuma꞉ Yesu ipika꞉ leeke pimanu opua make ipikana꞉ma꞉ ika꞉ yenimanu mea epeaena꞉ yeke epemekeme.

Luku 5:24

I̱ma꞉ iki pa꞉ta꞉ta꞉ Wanda꞉halina꞉ Eiyekema꞉ do kenkena꞉ hata꞉ hoke haumanu paeyaapeke wele wia halo ekita꞉ ame peneme yanoma꞉ handa꞉pa꞉peke leekeme. Koto ekina꞉ta꞉ Yesuma꞉ mo hande kiki anke lupa wiki hali pa꞉ta꞉ alota꞉ I̱ma꞉ neke pa꞉ta꞉ alome. Ame tiao. Naka꞉ tilita꞉ da pa mea tia pue leekeme.

Luku 7:17

Do hande Yesuma꞉ pieke ekina꞉ pi manuta꞉ koto kenke paeyao pa꞉ta꞉ make mo kenke honiki honiki paeyao pa꞉ta꞉manu latia pomimikime.

Dioni 10:21

mandane haliwekima꞉ alota꞉ Hoke temoko pila꞉ halima꞉ dupiki pi lapeke na ya꞉la꞉me laa hoke temokoma꞉ta꞉ leke holupiki haliwekina꞉ leke ekipa kilaaliepe laa lea꞉tiki pimikime.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Aposolo 15:41

Kutupa puata꞉ Sitia Silisia yaapo nane siosi wanda꞉hali honkopu haena꞉ alo hata꞉ pomu haepekeme.

Aposolo 28:9

Kutu pieke handa mo hokina꞉ yeni haeme wanda꞉hali paeyao epemepate ika꞉ yeni make tandelena꞉ lea꞉me.

Aposolo 8:7

Wanda꞉hali wopuna꞉ weleke pa꞉ta꞉ pitimiki hoke temokomanu e̱ wi la꞉ paleke paleke pea opolu bepi pea yapemekeeki make kiki anke homa pa wieke wanda꞉hali wopu make ankena꞉ pua꞉peke na yeke wanda꞉hali wopu make tiaemekeeki handolota꞉ ipika꞉ pi opimikime.