Ma꞉tiu 4:23 - Panake Pi La: Ula: Buka pita: Kine Pieke Buka

²³ Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Ma꞉tiu 4:23 Mawu Ofanana

Ma꞉tiu 11:5

Hande leke holu piki wanda꞉hali ameta꞉ ki lelememe. Dola꞉pake wanda꞉hali make tiao pominelememe. Kindi yeni haeme wanda꞉hali make ameta꞉ epea halememe. Katake pokeme wanda꞉halina꞉ katake make lumbula꞉me. Homea꞉ wanda꞉hali make paa da꞉taa tiao haena꞉ la꞉la꞉me. Kutupa mo Pi Seliapota꞉ natehali wanda꞉hali pa꞉ta꞉ wala꞉la꞉me.

Ma꞉tiu 12:9

Yesuma꞉ koto pa꞉ta꞉ mina꞉pa꞉lao pulu hata꞉ mo Diu haliwekina꞉ yeni peao haemeke da ma꞉nda꞉ tukiki pa꞉ta꞉ honda꞉ pambaata꞉

Ma꞉tiu 13:19

Mo hande Koda꞉na꞉ Kilu Tombuao Hala꞉ ekina꞉ pi wala꞉la꞉ ekina꞉ pi opitelemepate hone wopu wia na mea mendieleme wanda꞉hali ikita꞉ mo hande pota꞉na꞉ lopeeke wae manuma꞉ handelememe. Ika꞉ puki pa꞉ta꞉ nokopeeke pi manuta꞉ Sadanima꞉ a̱i̱ a꞉pa yoka꞉ mea pula꞉me.

Ma꞉tiu 13:54

ipika꞉ teke da nane paa peekeme. Ipikana꞉ma꞉ ika꞉ pi hotu haemeke da pa꞉ta꞉ pi waleekeeki opitolota꞉ wanda꞉hali wopuma꞉ penkili pimikime. Do somema꞉ dupiki mana꞉ pi manuta꞉ hando pa꞉ta꞉ opia꞉pe laa lota꞉ pualu alu pitolo alota꞉ Mo hande ipika꞉ pieke na handeke hau manuna꞉ teketa꞉ ekipape laata꞉

Ma꞉tiu 14:14

Yesuma꞉ mo kawaso mina꞉pa꞉lao kenke nane opolo pulu hata꞉ wanda꞉hali wopu handaata꞉ ipika꞉ pukima꞉ e̱ alo hata꞉ iki pa꞉ta꞉ a꞉ta꞉ma꞉ homeekeme. Kutupieke ekina꞉ta꞉ mo homa꞉ pa wieke wanda꞉hali mea tiaeyekeme.

Ma꞉tiu 24:14

Kutaata꞉ do Koda꞉na꞉ Kilu Tombuao Hala꞉ ekina꞉ Pi Seliapota꞉ kenke honiki honiki paeyao pa꞉ta꞉ haleme wanda꞉halima꞉ opina꞉ walo pelimikie. Ana꞉na꞉ walo paeyaalimi toma꞉na꞉ta꞉ kota꞉ mo paelo pa꞉la꞉ nate opolo ipilieke.

Ma꞉tiu 3:2

Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 9:35

Yesuma꞉ta꞉ koto pa꞉ta꞉ haemeke da paeyao pa꞉ta꞉manu pomu lopeekeme. Ika꞉ teke da tieke pa꞉ta꞉ make ika꞉ da teke pa꞉ta꞉manu make pomu lopo piekeme. Kutaata꞉ ika꞉ yeni pu haemeke damanu pa꞉ta꞉ make pi walo hayekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ make mo ta꞉ta꞉ ta꞉ta꞉ piki yeni haemeke wanda꞉halina꞉ yeni tekemanu tonka꞉na꞉ wamo peatiki pomu hayekeme.

Maka 1:14

Dioni dipula mea pitaeyeke hoki naneta꞉ Yesuma꞉ mo Ka꞉lili nane puaata꞉ Koda꞉na꞉ Pi Seliapo wala꞉tiki piekeme.

Maka 1:21

Kutupa Kapeneami da nane pemekepate koto da pa꞉ta꞉ hata꞉ Diu wanda꞉halina꞉ Hoto Pila꞉ Natena꞉ ipikana꞉ma꞉ mo pi hotu haemeke da pa꞉ta꞉ honda꞉ pambaata꞉ pi waleekeme.

Maka 1:39

Koto laata꞉ Yesuma꞉ Ka꞉lili da paeyao pa꞉ta꞉ ika꞉ pi hotu haemeke damanu pa꞉ta꞉ pi walolo hata꞉ hoke temokomanu tolu lutia pomiekeme.

Maka 3:10

Pa ekipeke Yesuma꞉ wanda꞉hali wopu epeaeyeke handaata꞉ mo yeni pambemeke wanda꞉hali paeyaoma꞉ Yesu wataaluekema꞉ pasa꞉tei pimikime.

Maka 6:2

Kutupa mo Hoto Pila꞉ Natena꞉ Diu haliwekina꞉ pi hotu haemeke da tukiki pa꞉ta꞉ honda꞉ pamba puaata꞉ pi waleekeme. Mo yeni pu haemeke da pa꞉ta꞉ pitimiki wanda꞉hali wopuma꞉ opua penkilipa꞉tia pominolo hata꞉ alota꞉ Do wala꞉la꞉eki paeyaota꞉ ipikana꞉ma꞉ hando pa꞉ta꞉ opua pa꞉la꞉pe. Do halima꞉ ipikana꞉ma꞉ epeke honemanu ekipa handa꞉ wia mea pa꞉la꞉pe laa ipikana꞉ma꞉ wele pita꞉la꞉ ekimanu do aleke welema꞉ pita꞉la꞉pe.

Maka 6:6

Ika꞉ hone na tulaemeke ekina꞉ Yesuma꞉ penkilipa꞉tia pominolo hata꞉ ikita꞉ ekipeke pi na opitolo pitelemepe hone wiekeme. Kutupa mo da ma꞉nda꞉ pa꞉ta꞉manu pominolo hata꞉ pi wala꞉tiki piekeme.

Luku 10:9

Koto da yu pa꞉ta꞉ yeni haleme wanda꞉hali wopu mea epeapa꞉peke. Kutupa koto pa꞉ta꞉ haleme wanda꞉hali pa꞉ta꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ amba꞉ opolo a꞉pa꞉la꞉me lapa꞉peke.

Luku 13:10

Mo hoto pila꞉ nate ma꞉nda꞉na꞉ Yesuta꞉ mo pi hotu haemeke da ma꞉nda꞉ pa꞉ta꞉ pi walo hayekeme.

Luku 16:16

Mo Lo Pi wieke ekimanu make mo hande potopede haliwekima꞉ wape pimiki ekimanu make la꞉tia a꞉pa hande bapitaisi peao hayeke hali Dionima꞉ walo paeyaeyekeme. Koto natena꞉ kini pu mea a꞉pa ame do natena꞉ kone Koda꞉na꞉ Kilu Tombuao Hala꞉ ekina꞉ Pi Seliapota꞉ wala꞉tia pu haleketa꞉ kota꞉ mo wanda꞉hali aneke hapuma꞉ koto pa꞉ta꞉ ipuluekema꞉ honkopu wotu halememe leekeme.

Luku 20:1

Nate ma꞉nda꞉na꞉ Yesuta꞉ tembolo da pa꞉ta꞉ pita꞉ wanda꞉hali Koda꞉na꞉ mana꞉ pi alo make mo Pi Seliapo walo hayekeme. Kutupa mo yeni peao haemeke haliwekina꞉ you haliweki make mo Lo Pi walo haemeke haliwekima꞉ make mandane da handeteke haemeke you haliweki paeyao a꞉pa

Luku 4:14

Mo Holi Sipitidina꞉ honkopuma꞉ Yesu handeteke haena꞉ laa Yesu mo Ka꞉lili nane paa peekeme. Kutupa koto da yu paeyao pa꞉ta꞉ haemeke wanda꞉halima꞉ Yesuna꞉ biki kende tupa꞉ wina꞉ lemekeme.

Luku 5:17

Nate ma꞉nda꞉na꞉ Yesuma꞉ wanda꞉hali pa꞉ta꞉ Koda꞉na꞉ pi walolo haena꞉ta꞉ mandane Pa꞉tisi haliweki make mo Lo Pimanu wala꞉la꞉ haliweki make pitimikime. Koto haliwekita꞉ Ka꞉lili kenke pa꞉ta꞉ hala꞉ daonimanu make Diudia kenke pa꞉ta꞉ hala꞉ daonimanu make mo Diutuseleme teke da pa꞉ta꞉ make a꞉pa pitimikime. Koto natena꞉ta꞉ mo yeni homemeke wanda꞉hali paeyao Yesuma꞉ mea epeaena꞉ mo Tekehali Koda꞉na꞉ weleta꞉ ipiki pa꞉ta꞉ aneke hapu hayekeme.

Luku 6:17

Kutupa Yesuma꞉ mo Aposolo haliweki ame̱le̱ mo hande potena꞉ hao hola꞉pa꞉niao ikita꞉ epeke hawete epeekena꞉ Yesu ipika꞉ hoki nane tolu haemeke haliweki paeyao ame̱le̱ hata꞉ tiao hayekeme.

Luku 6:6

Mo hoto pila꞉ nate ma꞉nda꞉na꞉ Yesuta꞉ mo Diu haliwekina꞉ pi hotu haemeke da ma꞉nda꞉ pa꞉ta꞉ honda꞉ pamba Koda꞉na꞉ pi waleekeme. Kutupa koto pa꞉ta꞉ mo popeke nane kiki hapueke endiki hali ma꞉nda꞉ hayekeme.

Luku 7:21

Koto tomona꞉ kone Yesuma꞉ yeni ta꞉ta꞉ ta꞉ta꞉ hake wanda꞉hali make hoke temoko pitieke wanda꞉hali wopu make leke holu piki wanda꞉hali make paeyao mea epeatiki piekeme.

Luku 7:22

Kutupa Yesuma꞉ mo Dionima꞉ tapaeyeke hali yaapona꞉ pi hombo peaaso hata꞉ alota꞉ Ipiliki paa la꞉ka꞉la puaata꞉ do handepe ekimanu make do opipieki paeyaota꞉ Dioni pa꞉ta꞉ pua la hala꞉pa꞉peke. Dupa lapa꞉peke. Mo leke holu piki wanda꞉halita꞉ ameta꞉ paa handelememe. Mo anke dola꞉pake piki wanda꞉hali make ameta꞉ pota꞉ pulimime. Kutupa mo kindi yeni hala꞉ wanda꞉hali make ameta꞉ epeke tupa꞉ halememe. Mo katake poka꞉la꞉ wanda꞉hali make ameta꞉ pi ana꞉na꞉ opitelememe. Ota꞉ homemeke wanda꞉hali make ameta꞉ paa mea tiao epeke tupa꞉ halememe. Kutupa maketa꞉ mo hande Pi Seliapota꞉ mo natehali wanda꞉hali sunu pa꞉ta꞉ wala꞉la꞉me laata꞉

Luku 8:1

Hosiki siki hao wetepe naneta꞉ Yesuta꞉ mo daoni paeyao pa꞉ta꞉ make mo hosiki da sunu pa꞉ta꞉ make pominolo hata꞉ Koda꞉na꞉ Kilu Tombuao Hala꞉ ekina꞉ Pi Seliapo wanda꞉hali paeyao pa꞉ta꞉ la hala꞉tiki pomiekeme. Kutupa make ipika꞉ 12 disaipolo haliweki make ipiki ame̱le̱ pemekeme.

Luku 9:11

Kutu pimikieki opitolo hata꞉ wanda꞉hali wopuma꞉ momba꞉latia pulu hata꞉ Yesu teli mea pemekeme. Yesuma꞉ mo epemeke wanda꞉hali handaata꞉ ta꞉na꞉ma꞉ homolo hata꞉ Koda꞉na꞉ Kilu Tombuao Hala꞉ ekina꞉ pi walolota꞉ yeni homemeke wanda꞉halita꞉ mea epeaeyekeme.

Luku 9:60

Yesuma꞉ alota꞉ Homeeke wanda꞉halima꞉ kone ika꞉ homa꞉la꞉ wanda꞉hali toko mea hoina꞉ma꞉ neketa꞉ Koda꞉na꞉ Kilu Tombuao Hala꞉ ekina꞉ pi pua wala꞉tiki pu hae leekeme.

Dioni 18:20

Yesuma꞉ ipika꞉ pi hombo peaaso alota꞉ Wanda꞉halina꞉ leke popelekena꞉ hata꞉ wanda꞉hali paeyao pa꞉ta꞉ walo haowa꞉me. Kutupa Diu wanda꞉hali mombolo haleme alena꞉ make mo pi hotu haleme da pa꞉ta꞉manu make mo tembolo da pa꞉ta꞉ make I̱ma꞉ koto pa꞉ta꞉ hata꞉ pi wala꞉tiki pua꞉me. Pi ma꞉nda꞉ na a꞉mbao loa꞉me.

Dioni 6:59

Do la꞉la꞉ pi manuta꞉ Yesuma꞉ mo Kapeneami nane hayeke pi hotu haemeke da pa꞉ta꞉ hata꞉ waleeke pimanue.

Dioni 7:1

Kutu pieke hoki naneta꞉ Diu haliwekima꞉ ipiki lu pimiki hone wimiki handaa Yesuta꞉ Diudia nane pomuluekema꞉ hone na wiki mo Ka꞉lili nane pomiekeme.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 18:4

Kutupa Hoto Pila꞉ Nate paeyaona꞉ mo pi hotu haemeke da pa꞉ta꞉ Diu haliweki make Kitiki haliweki make ika꞉ hone la꞉ka꞉laluekema꞉ pi yokaalu pia꞉tiki pu hayekeme.

Aposolo 20:25

Kutupa ameta꞉ opua꞉pe. Iki paeyao pa꞉ta꞉ pominolo hata꞉ Koda꞉na꞉ Kilu Tombuao Hala꞉eki waloendi pu haowa꞉pate I̱ma꞉ handolome. Ya leke mineke paa na handilimikie lea꞉me.

Aposolo 28:31

ma꞉nda꞉ma꞉ sa꞉sa꞉ na pitolo haena꞉ ipikana꞉ma꞉ honkopu haaso hata꞉ Koda꞉na꞉ Kilu Tombuao Hala꞉ ekina꞉ make mo Tekehali Yesu Ketisona꞉eki make pi wala꞉tiki pu hayekeme.

Loma꞉ 10:15

Kutupa hande pi mea pua walaaseme wanda꞉hali na tapaemeka꞉na꞉ta꞉ kota꞉ ekipa pi walaalimikipe. Mo hande Baibolo bukana꞉ wape pa꞉la꞉ ekita꞉ dupa. Mo ota꞉ epeke pi seliapo mea a꞉paaseme wanda꞉halina꞉ anke manuta꞉ ota꞉ yole pea ula꞉me laa la꞉la꞉me.