Ma꞉tiu 3:15 - Panake Pi La: Ula: Buka pita: Kine Pieke Buka

¹⁵ Koto leekepate Yesuma꞉ ipika꞉ pi hombo peaaso hata꞉ alota꞉ Pina꞉ma꞉ hone ma꞉nda꞉ na wiki. Do pulu polopa꞉ hauta꞉ Koda꞉na꞉ hone pa꞉la꞉ hauna꞉ pitolo pitolopa꞉me. Koto leekeeki Dionima꞉ opuaata꞉ A꞉pa꞉la꞉me bapitaisi peanoe leekeme.

Ma꞉tiu 3:15 Mawu Ofanana

Ma꞉tiu 3:14

Kutu piekepate Yesuna꞉ hone topo pina꞉yeke Dionima꞉ ipiki pa꞉ta꞉ dupa leekeme. Nakana꞉ma꞉ I̱ bapitaisi peapekealeo. Pa neketa꞉ I̱ma꞉ bapitaisi peano I̱ pa꞉ta꞉ epeka꞉ta꞉me leekeme.

Luku 1:6

Mo wanda꞉ hali yaapota꞉ Koda꞉na꞉ leke popelekena꞉ tikitiki yao hata꞉ ipika꞉ pi ula꞉ ekimanu paeyao opu haepekeme.

Dioni 13:15

I̱ma꞉ iki pa꞉ta꞉ peaowa꞉ ekita꞉ ikana꞉ma꞉ make puemena꞉yeke wala꞉ tiaaso pua꞉me.

Dioni 15:10

I̱ma꞉ta꞉ yaka Apa꞉na꞉ pi ula꞉ ekimanu opua peata꞉ ipika꞉ pukima꞉ homa꞉la꞉eki pa꞉ta꞉ halo tupa꞉ ikana꞉ma꞉ make yaka pi ula꞉ ekimanu opua pimika꞉na꞉ta꞉ yaka pukima꞉ homoloeki pa꞉ta꞉ halimikie laa leekeme.

Dioni 4:34

Yesuma꞉ iki pa꞉ta꞉ alota꞉ Yaka neta꞉ dupae. I̱ tapaala꞉ halina꞉ hone pa꞉la꞉eki puluekema꞉ make ipikana꞉ma꞉ I̱ pa꞉ta꞉ walea꞉ e make pokao paeyawaaluekema꞉ loa꞉me leekeme.

Dioni 8:29

Kutupa I̱ tapaeya꞉ halita꞉ dika꞉ mandakena꞉ halopa꞉me. I̱ma꞉ ipiki ta꞉na꞉ma꞉ homaaso hau hoto paeyao pu halo ekina꞉ I̱ honumake hano I̱ na mina꞉pa꞉lala꞉me leekeme.

Hibulu 7:26

Koto ekina꞉ Yesuta꞉ Yeni Peao Hala꞉ You Hali hata꞉ nika꞉ ka꞉nda꞉manu ana꞉na꞉ tamba꞉ mea꞉peke ya꞉la꞉me. Ipikita꞉ yako piki hali hala꞉me. Kutupata꞉ ipiki pa꞉ta꞉ eki a꞉nda꞉ ma꞉nda꞉ o hoke hau ma꞉nda꞉ ota꞉ na ula꞉me. Ipika꞉ hauta꞉ hoke hau pu haleme wanda꞉halina꞉ hau leke na pieke handaa Koda꞉ma꞉ Neketa꞉ ota꞉ ta꞉ta꞉ pa꞉la꞉ halie laa ota꞉ oli hepeni manda nane mini liao haena꞉ la꞉la꞉me.

1 Dioni 2:6

Ma꞉nda꞉ epima꞉ Koda꞉ yaapo ta꞉ma꞉ni pea halome lea꞉ka꞉na꞉ta꞉ kota꞉ ipikita꞉ mo Yesu Ketisoma꞉ pieke tupa꞉ kone hao pelia꞉peke ya꞉la꞉me.