Ma꞉tiu 3:11 - Panake Pi La: Ula: Buka pita: Kine Pieke Buka

¹¹ I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Ma꞉tiu 3:11 Mawu Ofanana

Ma꞉tiu 3:6

Kutupata꞉ mo wanda꞉halima꞉ ika꞉ hoke haumanu ka꞉la꞉polo liaena꞉ ikita꞉ Dionima꞉ mo Diodani ikali pa꞉ta꞉ bapitaisi peayekeme.

Maka 1:4

Koto wape pieke tupa꞉ bapitaisi peao hayeke hali Dionima꞉ hapu hayeke alena꞉ a꞉pa hayekeme. Kutupa ipikana꞉ma꞉ wanda꞉hali bapitaisi peaaso hata꞉ pi make wala꞉tiki piekeme. Dupa leekeme. Hone la꞉ka꞉la mina wimika꞉na꞉ta꞉ I̱ma꞉ iki bapitaisi peaalueke. Koto ekina꞉ Koda꞉ma꞉ ika꞉ hoke haumanu paeyaalieke leekeme.

Luku 1:17

Ipikita꞉ Tekehalina꞉ tapaalia꞉ hali pua hata꞉ta꞉ hande Elaidia tupa꞉ honkopu hao wele pitolo hata꞉ kutupa wekiwandiki ateke ameda titi make paa mea apa꞉taota꞉ mo hande pi na opueleme wanda꞉halima꞉ tikitiki piki hone wina꞉yeke mea la꞉ka꞉laota꞉ mo hande Tekehalina꞉ epolo pa꞉la꞉ dina꞉yeke ipika꞉ wanda꞉hali mea tikitiki yao haena꞉ lelieke leekeme.

Luku 3:16

Koto ekina꞉ Dionima꞉ iki pa꞉ta꞉ alota꞉ I̱ma꞉ ikita꞉ ikalima꞉ bapitaisi peao halopate hali ma꞉nda꞉ wetepena꞉ ipilia꞉ halita꞉ ota꞉ honkopu wotu hala꞉me. I̱ta꞉ ipiki yaapo ana꞉ pea꞉peke na ya꞉la꞉me. Ipika꞉ anke dake holaapeke make I̱ta꞉ ana꞉ na pa꞉la꞉me leekeme. Ipikana꞉ma꞉ ikita꞉ Holi Sipitidi pita꞉ ti uleke yaapoma꞉ bapitaisi pealieke leekeme.

Luku 3:3

Kutu pieke handaata꞉ Dionima꞉ mo Diodani ikali tea꞉na꞉ wieke yu paeyao pa꞉ta꞉ Koda꞉na꞉ pi latiki pomuolo hata꞉ alota꞉ Wanda꞉halio. Iki paeyaoma꞉ ika꞉ amba꞉ pimi haumanu make ika꞉ honemanu make la꞉ka꞉la꞉ minaata꞉ bapitaisi peano lapa꞉peke. Koto haumanu ota꞉ pimika꞉na꞉ta꞉ kota꞉ Koda꞉ma꞉ ika꞉ pimi haumanu paeyaosiki paeyaaso hata꞉ paa na niminaalieke leekeme.

Dioni 1:15

Dionima꞉ Yesu hala꞉eki niki pa꞉ta꞉ la kuluekema꞉ wi la alota꞉ I̱ma꞉ amba꞉ hande lo haowa꞉ ekita꞉ dupae. Ya hoki nane ipilie halita꞉ I̱ na mendiki haena꞉ kone ipiki amba꞉la hao hayeke ekima꞉ I̱ ankulala꞉me. Kutupa hande lo haowa꞉ ekita꞉ ameta꞉ do hali pa꞉ta꞉ loa꞉me.

Dioni 1:30

Hande loa꞉ ale hali ma꞉nda꞉ yaka hoki nane ipiliepate I̱ na mendiki haena꞉ kone ipikita꞉ amba꞉ hao hayeke ekima꞉ I̱ ankulala꞉me loa꞉me laata꞉

Aposolo 1:5

Kutupa Dionima꞉ta꞉ pa ikalima꞉ bapitaisi peao haya꞉pate hosikisiki hao hao peaata꞉ Holi Sipitidima꞉ bapitaisi peaalieke loa꞉ pita꞉ amba꞉ opimime leekeme.

Aposolo 19:4

Kutupa Poloma꞉ alota꞉ Dionima꞉ wanda꞉halima꞉ hone ma꞉nda꞉ la꞉ka꞉la mina witolo haena꞉ bapitaisi peao hayekepate wanda꞉hali pa꞉ta꞉ alota꞉ Ya hoki nane ipilie halina꞉ pi mea꞉pa꞉peke laa la꞉la꞉me leekeme. Koto ekita꞉ Yesu pa꞉ta꞉ la꞉la꞉me leekeme.

Aposolo 8:36

Ameta꞉ mo pota꞉ hokuluna꞉ pu hao ikali pa꞉ta꞉ opolo pua kutupa mo yuniki halima꞉ alota꞉ Handa꞉e. Ikali doe leekeme. Epima꞉ ya bapitaisi pulu poloeki sa꞉sa꞉ piliepe leekeme.

Aposolo 8:38

Kutupa mo hande hosima꞉ yola yopula꞉ ale dataiwa hali pa꞉ta꞉ alota꞉ Koto pate hae laa Pilipi mo hali yaapo telipina꞉ ikali pa꞉ta꞉ pua kutupa Pilipima꞉ hande hali bapitaisi peaeyekeme.

1 Kotindi 12:13

Koto tupa꞉ kone niki paeyaota꞉ Diu wanda꞉hali pita꞉ Diendaili wanda꞉hali yaapo make ma꞉nda꞉na꞉ e pa hameke pokaaseme wanda꞉hali pita꞉ ka꞉la꞉pa꞉ ta꞉pao haleme wanda꞉hali yaapo make niki paeyao mo homeke Sipitidima꞉ kone bapitaisi pea homeke loke tunao haloma꞉me. Kutupa nikana꞉ma꞉ ikali no haloma꞉ tupa꞉ mo homeke Sipitidi kone na꞉tiki pu haloma꞉me.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Taitasi 3:5

ipikana꞉ma꞉ niki pa꞉ta꞉la tamba꞉ miekeme. Pa nikana꞉ma꞉ nika꞉ epeke hau pumeke handa na pieke yekepate pa mo ipika꞉ a꞉ta꞉ma꞉ homeeke ekina꞉ niki tamba꞉ miekeme. Kutu piekeeki manuta꞉ niki panake weki tupa꞉ da꞉ta hamono Koda꞉ma꞉ ipika꞉ Holi Sipitidi pa꞉ta꞉ yama꞉ tanda pa꞉la꞉me.

1 Pida 5:5

Koto mandake tupa꞉ kone iki panake panake haliwekima꞉ make mo keileke haliweki pa꞉ta꞉ homu pea hao hapa꞉peke. Kutu pa꞉ta꞉ iki paeyaoma꞉ homu pea ha alualu pita꞉la꞉ hau manuta꞉ ika꞉ aka꞉ leke yama hao hapa꞉peke. Kota꞉ Baiboloma꞉ alota꞉ Koda꞉ma꞉ mo hakoko lita꞉la꞉ wanda꞉halita꞉ kiao hala꞉pate mo homu pea hala꞉ wanda꞉hali pa꞉ta꞉ ipika꞉ a꞉ta꞉ma꞉ homa tamba꞉ mina꞉la꞉eki halo hala꞉me.