Biblia Todo Logo
Baibulo la pa intaneti

- Zotsatsa -




Ma꞉tiu 28:8 - Panake Pi La: Ula: Buka pita: Kine Pieke Buka

8 Koto pi lo paeyeke opuaata꞉ mo wanda꞉ yaapoma꞉ pututuma꞉ homa꞉peke pateta꞉ ta꞉na꞉ tieke make homa꞉ paleke a̱i̱ koto kone mo lapa꞉ mina꞉pa꞉lao mo disaipolo tonu pa꞉ta꞉ la haluekema꞉ a̱i̱ a̱i̱ya pepekeme.

Onani mutuwo Koperani




Ma꞉tiu 28:8
9 Mawu Ofanana  

Koto ekina꞉ ame do siki a̱i̱ koto kone pua ipika꞉ disaipolo haliweki pa꞉ta꞉ alota꞉ Yesuta꞉ mo hande naku pa꞉ta꞉ pa da꞉taa tiao ameta꞉ mo Ka꞉lili nane ipiki amba꞉la꞉ pulu hala꞉me. Ikana꞉ma꞉ ipiki koto pa꞉ta꞉ handilimikie lapa꞉peke la alota꞉ Do la kitolo pita꞉ hone na yonka꞉lapa꞉peke leekeme.


Ipilikana꞉ma꞉ mo pimanu loluekema꞉ a̱i̱ya pepekepate pota꞉ hopikina꞉ penkilipao Yesu manda꞉hande pipikime. Ipikana꞉ma꞉ alota꞉ Epeke da ka꞉la꞉paaso leekeme. Ipiliki Yesu tekepa꞉ta꞉ a꞉pa ipika꞉ anke teke pa꞉ta꞉ howa lopolo panda꞉ pitolo hata꞉ ipikina꞉ pi laepekeme.


Mo wanda꞉manu hama nane opolu bao mo toko wieke alena꞉ mina꞉pa꞉laota꞉ pututu litolo hata꞉ make penkili pitolo hata꞉ pindi pa puaata꞉ paala꞉ma꞉ homemeke handaa ma꞉nda꞉ pa꞉ta꞉ pi na lemekeme.


Iki pa꞉ta꞉ ota꞉ pi alome. Ikana꞉ma꞉ puki tandama꞉ homolo hata꞉ e̱ lolo pelemepate kenke wanda꞉halima꞉ta꞉ ta꞉na꞉ma꞉ homilimikie. Ikita꞉ puki tandama꞉ homolo pelemepate kutupulu pelemeeki mina꞉pa꞉lao ta꞉na꞉ma꞉ homa halimikie.


Iki make koto tupa꞉e. Ikita꞉ ame ka꞉nda꞉ma꞉ homelemepate I̱ma꞉ iki paa handulueke. Kutu pua꞉ka꞉na꞉ta꞉ ika꞉ pukima꞉ ta꞉na꞉ma꞉ homilimikie. Kutupa koto ika꞉ ta꞉na꞉ma꞉ homolo peleme ekita꞉ hali ma꞉nda꞉ma꞉ yokuluekema꞉ na bepolalieke.


Titsatireni:

Zotsatsa


Zotsatsa