Ma꞉tiu 28:16 - Panake Pi La: Ula: Buka pita: Kine Pieke Buka

¹⁶ Hande 11 disaipolo haliwekita꞉ mo Ka꞉lili opolo puaata꞉ Yesuma꞉ Pua꞉pekee laa amba꞉ la꞉ wieke peiyene pa꞉ta꞉ pemekeme.

Ma꞉tiu 28:16 Mawu Ofanana

Ma꞉tiu 26:32

Kutu pilimipate I̱ paa mea tiaowa꞉ka꞉na꞉ta꞉ I̱ amba꞉la mo Ka꞉lili nane polueke. Ikita꞉ wetepena꞉ a꞉pa꞉pa꞉peke leekeme.

Ma꞉tiu 28:10

Yesuma꞉ ipiliki pa꞉ta꞉ alota꞉ Paala꞉ma꞉ na homeke pua mo hande ya kame tonu pa꞉ta꞉ta꞉ Oli Ka꞉lili nane puaata꞉ I̱ta꞉ koto pa꞉ta꞉ handilimikie lea꞉me laa lawapa꞉peke leekeme.

Ma꞉tiu 28:7

Koto ekina꞉ ame do siki a̱i̱ koto kone pua ipika꞉ disaipolo haliweki pa꞉ta꞉ alota꞉ Yesuta꞉ mo hande naku pa꞉ta꞉ pa da꞉taa tiao ameta꞉ mo Ka꞉lili nane ipiki amba꞉la꞉ pulu hala꞉me. Ikana꞉ma꞉ ipiki koto pa꞉ta꞉ handilimikie lapa꞉peke la alota꞉ Do la kitolo pita꞉ hone na yonka꞉lapa꞉peke leekeme.

Maka 14:28

Kutu pilimipate I̱ paa mea tiaeya꞉ka꞉na꞉ta꞉ I̱ amba꞉la Ka꞉lili nane polueke. Ikita꞉ wetepena꞉ a꞉pa꞉peke leekeme.

Maka 15:41

Yesuta꞉ Ka꞉lili nane hayeke pita꞉ koto wanda꞉wekima꞉ ipika꞉ hoki nane teli mea pomu hata꞉ ipika꞉ ne yankatiki pu haemekeme. Mandane wanda꞉weki wopu make ipiki ame̱le̱ Diutuseleme da a꞉paata꞉ koto alena꞉ haemekeme.

Maka 16:14

Kutupa wetepena꞉ mo hande kiki yaapona꞉ ankena꞉ homeke pu haliweki kone ne nalo pitina꞉ iki pa꞉ta꞉ ipika꞉ kone waleekeme. Yesuma꞉ mo haliwekima꞉ ipika꞉ tiao hayekeeki handemeke wanda꞉halina꞉ pi na opimiki handaata꞉ Yesuma꞉ mo haliwekina꞉ pi na opimiki ekina꞉ make ika꞉ puki taka꞉laeyeke ekina꞉ make pi leekeme.

Maka 16:7

Kotoeki handaa Pupe laa Pida make Yesu ipika꞉ mandane disaipolo haliweki make Yesuta꞉ mo Ka꞉lili nane titina꞉ amba꞉la pea꞉me lolo pupe. Ipikana꞉ma꞉ iki pa꞉ta꞉ amba꞉ hande lea꞉ tupa꞉ koto pa꞉ta꞉ handilimikie lolo pupe leekeme.

Dioni 6:70

Yesuma꞉ ika꞉ pi hombo peaaso alota꞉ Iki 12 haliwekita꞉ I̱ma꞉ na talopu mea hamina꞉ loeke yekea. Kutu pua꞉pate iki ame̱le̱ hala꞉ hali homeketa꞉ hoke temoko hala꞉me leekeme.

1 Kotindi 15:15

Kutupa niki make Koda꞉ma꞉ Ketiso paa mea tiaeyekeeki walomeke handaata꞉ yayapiki pi aloma꞉ haliweki halo puma꞉me. Do ekina꞉yeke loa꞉me. Koda꞉ma꞉ homemeke wanda꞉hali paa na mea tiaeya꞉ka꞉na꞉ta꞉ kota꞉ Ketiso make na mea tiaalo pia꞉me.