Ma꞉tiu 28:10 - Panake Pi La: Ula: Buka pita: Kine Pieke Buka

¹⁰ Yesuma꞉ ipiliki pa꞉ta꞉ alota꞉ Paala꞉ma꞉ na homeke pua mo hande ya kame tonu pa꞉ta꞉ta꞉ Oli Ka꞉lili nane puaata꞉ I̱ta꞉ koto pa꞉ta꞉ handilimikie lea꞉me laa lawapa꞉peke leekeme.

Ma꞉tiu 28:10 Mawu Ofanana

Ma꞉tiu 14:27

Kutu pimikipate koto kone Yesuma꞉ iki pa꞉ta꞉ pi alo hata꞉ alota꞉ Honkopu hapee. Dota꞉ I̱e. Paala꞉ma꞉ na homa꞉pepee leekeme.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Ma꞉tiu 25:45

kota꞉ ika꞉ pita꞉ mo Kini Halima꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ do biki na wiki kame homeke ma꞉nda꞉ siki tamba꞉ muluekema꞉ kiaemeketa꞉ kota꞉ I̱ kone tamba꞉ na miki kiaememe laa lelieke.

Ma꞉tiu 26:32

Kutu pilimipate I̱ paa mea tiaowa꞉ka꞉na꞉ta꞉ I̱ amba꞉la mo Ka꞉lili nane polueke. Ikita꞉ wetepena꞉ a꞉pa꞉pa꞉peke leekeme.

Ma꞉tiu 28:16

Hande 11 disaipolo haliwekita꞉ mo Ka꞉lili opolo puaata꞉ Yesuma꞉ Pua꞉pekee laa amba꞉ la꞉ wieke peiyene pa꞉ta꞉ pemekeme.

Ma꞉tiu 28:5

Kutupa mo hande enisoloma꞉ hande wanda꞉ yaapo pa꞉ta꞉ alota꞉ Ipilikana꞉ma꞉ paala꞉ma꞉ na homa꞉pepee. Mo hande tamendiao lia꞉ hali Yesu handuluekema꞉ ipilipime hone witolome.

Ma꞉tiu 28:7

Koto ekina꞉ ame do siki a̱i̱ koto kone pua ipika꞉ disaipolo haliweki pa꞉ta꞉ alota꞉ Yesuta꞉ mo hande naku pa꞉ta꞉ pa da꞉taa tiao ameta꞉ mo Ka꞉lili nane ipiki amba꞉la꞉ pulu hala꞉me. Ikana꞉ma꞉ ipiki koto pa꞉ta꞉ handilimikie lapa꞉peke la alota꞉ Do la kitolo pita꞉ hone na yonka꞉lapa꞉peke leekeme.

Ma꞉tiu 28:9

Ipilikana꞉ma꞉ mo pimanu loluekema꞉ a̱i̱ya pepekepate pota꞉ hopikina꞉ penkilipao Yesu manda꞉hande pipikime. Ipikana꞉ma꞉ alota꞉ Epeke da ka꞉la꞉paaso leekeme. Ipiliki Yesu tekepa꞉ta꞉ a꞉pa ipika꞉ anke teke pa꞉ta꞉ howa lopolo panda꞉ pitolo hata꞉ ipikina꞉ pi laepekeme.

Maka 16:7

Kotoeki handaa Pupe laa Pida make Yesu ipika꞉ mandane disaipolo haliweki make Yesuta꞉ mo Ka꞉lili nane titina꞉ amba꞉la pea꞉me lolo pupe. Ipikana꞉ma꞉ iki pa꞉ta꞉ amba꞉ hande lea꞉ tupa꞉ koto pa꞉ta꞉ handilimikie lolo pupe leekeme.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Dioni 6:20

Yesuma꞉ iki pa꞉ta꞉ alota꞉ Paala꞉ma꞉ na homa꞉pa꞉peke dota꞉ I̱e leekeme.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.