Ma꞉tiu 27:24 - Panake Pi La: Ula: Buka pita: Kine Pieke Buka

²⁴ Pailedima꞉ ika꞉ hone topo pea꞉peke pota꞉ ma꞉nda꞉ na hande wieke ekima꞉ta꞉ pa a꞉nda꞉ pu lu alualu pia꞉pekeeki teke pa꞉ta꞉ yekeeki handaata꞉ ipikana꞉ma꞉ ikali meata꞉ ika꞉ leke popelekena꞉ ipika꞉ kiki tanda꞉pa bao hata꞉ alota꞉ Do somena꞉ homolo pa꞉la꞉ ekita꞉ I̱ma꞉ na handeteke haloma꞉ ika꞉ pitelememe leekeme.

Ma꞉tiu 27:24 Mawu Ofanana

Ma꞉tiu 27:4

I̱ma꞉ mo hande hoke hau na piki some homena꞉ yeke a꞉nda꞉ lomboa꞉ ekita꞉ hoke hau poloma꞉ leekeme. Koto leeke mo haliwekima꞉ ipika꞉ pi hombo peaaso alota꞉ Kota꞉ koto pele ekita꞉ nika꞉eki dia꞉ ya꞉la꞉pate pa naka꞉eki homekee lemekeme.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

Ma꞉tiu 26:5

Koto pea ikana꞉ma꞉ alota꞉ Mo ne pambaaso haena꞉ta꞉ dia꞉me. Wanda꞉halima꞉ niki pa꞉ta꞉ mineke pankaapa꞉na꞉ lemekeme.

Aposolo 3:14

Kutu pa꞉la꞉pate ikana꞉ma꞉ Epeke Yakopiki Hali kiao pa Pailedi pa꞉ta꞉ lota꞉ pitolo alota꞉ Ika꞉ hone pa꞉la꞉ ekita꞉ mo hande hali lita꞉la꞉ hali kone pa pena꞉ lae lememe leekeme.

Dioni 19:4

Kutu pieketa꞉ Pailedima꞉ hama꞉ nane paa la꞉ka꞉la pua mo wanda꞉hali pa꞉ta꞉ alota꞉ Handa꞉pe. I̱ma꞉ ipiki pa꞉ta꞉ ketete ma꞉nda꞉ pa꞉la꞉ ekita꞉ na handa꞉ ua꞉eki ikana꞉ma꞉ handoemena꞉ do iki pa꞉ta꞉ hatuku ipulueke leekeme.

Ma꞉tiu 27:54

Mo hande Yesuma꞉ pita꞉la꞉eki handuluekema꞉ handeteke hayeke ami you hali make ipiki ame̱le̱ haemeke ami haliwekima꞉ make mo hande yumomeni make mo pieke mandane hau tonka꞉na꞉ handaata꞉ ikana꞉ma꞉ paala꞉ tiekema꞉ homolo hata꞉ alota꞉ Ipikita꞉ ota꞉ Koda꞉na꞉ Eiyeke ya꞉ka꞉ta꞉me lemekeme.

Ma꞉tiu 27:9

Koto pimiki hauta꞉ mo amba꞉ hayeke potopede hali Dietemaiyama꞉ la꞉ wieke pimanu peneme yayekeme. Ipikana꞉ma꞉ la꞉ wieke pita꞉ dupa Ikana꞉ma꞉ mo silipa mani 30 mimikime. Koto manita꞉ mo Isulai wanda꞉halima꞉ hali homeke hambolo peleme yenki ana꞉ pa꞉la꞉me laa ana꞉ lao wimikime.

Ma꞉tiu 27:19

Pailedima꞉ ipika꞉ pi yokaalu pulu pa꞉la꞉ alena꞉ ula꞉ handeteke hala꞉ seana꞉ pa pita꞉ pelia haena꞉ ipika꞉ wetekema꞉ ipiki pa꞉ta꞉ dupiki pi tapaeyekeme. Koto hoke hau ma꞉nda꞉ na piki hali pa꞉ta꞉ta꞉ nakana꞉ma꞉ hau ma꞉nda꞉ na pea꞉peke. Pa ekipeke ame timba upama꞉ handaata꞉ I̱ma꞉ ka꞉nda꞉ tieke mua꞉me leekeme.

Ma꞉tiu 27:23

Kutupa Pailedima꞉ iki pa꞉ta꞉ alota꞉ Pa ekipeke. Eki hau pa꞉la꞉pe leekepate ikana꞉ma꞉ pi pa daeyao tanda pitolo hata꞉ alota꞉ A꞉ka꞉tei wape piki tina꞉ tamendiae laa wi alo alo haemekeme.

Dioni 13:9

Saimono Pidama꞉ ipika꞉ pi hombo peaaso alota꞉ Tekehalio. Kota꞉ yaka anke homeke dia꞉me laata꞉ Yaka kiki you tonka꞉na꞉ tanda꞉pae leekeme.