Ma꞉tiu 27:19 - Panake Pi La: Ula: Buka pita: Kine Pieke Buka

¹⁹ Pailedima꞉ ipika꞉ pi yokaalu pulu pa꞉la꞉ alena꞉ ula꞉ handeteke hala꞉ seana꞉ pa pita꞉ pelia haena꞉ ipika꞉ wetekema꞉ ipiki pa꞉ta꞉ dupiki pi tapaeyekeme. Koto hoke hau ma꞉nda꞉ na piki hali pa꞉ta꞉ta꞉ nakana꞉ma꞉ hau ma꞉nda꞉ na pea꞉peke. Pa ekipeke ame timba upama꞉ handaata꞉ I̱ma꞉ ka꞉nda꞉ tieke mua꞉me leekeme.

Ma꞉tiu 27:19 Mawu Ofanana

Kini Pieke 31:11

Kutupa mo Koda꞉na꞉ enisoloma꞉ upama꞉ I̱ pa꞉ta꞉ alota꞉ Dieikopeo leeke I̱ma꞉ Wae loa꞉me.

Kini Pieke 31:24

Koto timbata꞉ Koda꞉ma꞉ Leibeni pa꞉ta꞉ upama꞉ alota꞉ Nakana꞉ma꞉ Dieikopena꞉ ala꞉ta꞉ ma꞉nda꞉ mulueke alo hata꞉ paala꞉ tiaapeke hau ma꞉nda꞉ ota꞉ na pea꞉peke laa leekeme.

Kini Pieke 31:29

I̱ma꞉ta꞉ neke hoeyalo polo honkoputa꞉ ula꞉pate naka꞉ apa꞉na꞉ Koda꞉ma꞉ta꞉ ambaneke timba I̱ kinki pitolo alota꞉ Neke paala꞉ tiaapeke hau ma꞉nda꞉ ota꞉ na pea꞉peke lea꞉me.

Ma꞉tiu 1:20

Diosepema꞉ koto piki honemanu witolo haena꞉ta꞉ timba ma꞉nda꞉na꞉ ipika꞉ upa pa꞉ta꞉ yama꞉ Koda꞉na꞉ enisolo homeke opolo a꞉pa alota꞉ Deipidina꞉ weki Diosepeo. Meti naka꞉ wanda꞉ haena꞉ muluekema꞉ta꞉ paala꞉ma꞉ na homa꞉peke. Pa ekipeke mo weki pita꞉la꞉ ekita꞉ mo Holi Sipitidima꞉ kone peawala꞉me.

Ma꞉tiu 2:19

Mo hande Kini Hetodi homeekeeki hoki naneta꞉ Diosepeta꞉ Idiepi kenke pa꞉ta꞉ pa haena꞉ mo enisolo homekema꞉ ipika꞉ upa pa꞉ta꞉ opolo a꞉pa alota꞉

Ma꞉tiu 2:22

Pate Akelosima꞉ ipika꞉ ateke Hetodi mo Diudia kenke Kini halina꞉ anketeke ma꞉la꞉me pi Diosepema꞉ opuaata꞉ koto kenke nane pua꞉peke paala꞉ma꞉ homeekeme. Kutu pieketa꞉ Koda꞉ma꞉ Diosepena꞉ upa pa꞉ta꞉ pea꞉pekeeki mandaneeki ma꞉nda꞉ paa waleekeme. Koto ekina꞉ta꞉ Diosepema꞉ Ka꞉lili kenke nane hayeke da ma꞉nda꞉

Ma꞉tiu 27:18

Pa ekipeke Pailedi ipika꞉ honema꞉ta꞉ mo Diu tumiki haliwekima꞉ Yesu honditi pitolo hata꞉ ipiki pa꞉ta꞉ mea halemeke ekita꞉ ipika꞉ honema꞉ amba꞉ handa꞉ witolo hata꞉ koto leekeme.

Ma꞉tiu 27:24

Pailedima꞉ ika꞉ hone topo pea꞉peke pota꞉ ma꞉nda꞉ na hande wieke ekima꞉ta꞉ pa a꞉nda꞉ pu lu alualu pia꞉pekeeki teke pa꞉ta꞉ yekeeki handaata꞉ ipikana꞉ma꞉ ikali meata꞉ ika꞉ leke popelekena꞉ ipika꞉ kiki tanda꞉pa bao hata꞉ alota꞉ Do somena꞉ homolo pa꞉la꞉ ekita꞉ I̱ma꞉ na handeteke haloma꞉ ika꞉ pitelememe leekeme.

Ma꞉tiu 27:4

I̱ma꞉ mo hande hoke hau na piki some homena꞉ yeke a꞉nda꞉ lomboa꞉ ekita꞉ hoke hau poloma꞉ leekeme. Koto leeke mo haliwekima꞉ ipika꞉ pi hombo peaaso alota꞉ Kota꞉ koto pele ekita꞉ nika꞉eki dia꞉ ya꞉la꞉pate pa naka꞉eki homekee lemekeme.

Luku 23:41

Dikita꞉ dika꞉ pupa꞉ ekina꞉ yenki ana꞉na꞉ minolopa꞉pate ipiki homeke hau ma꞉nda꞉ na pa꞉la꞉me laa

Luku 23:47

Mo hande ami haliwekina꞉ you halima꞉ mo piekeeki hando haota꞉ Koda꞉na꞉ biki mea miniliaaso hata꞉ alota꞉ Ipikita꞉ ota꞉ epeke hali yekeme leekeme.

Dioni 19:13

Pailedima꞉ koto lemekeeki opuaata꞉ Yesu hatuku hama peekeme. Kutupa pi yokaalu puluekema꞉ pitu hayeke seana꞉ pitiekeme. Koto sea wieke alena꞉ bikita꞉ Toopi Yameekeekie. Koto bikita꞉ mo Hibulu pima꞉ Ka꞉ba꞉ta lemekeme.

Aposolo 12:21

Hetodima꞉ la꞉ wieke nate ma꞉nda꞉na꞉ kini halima꞉ ipika꞉ yamo haya꞉ aka꞉manu yamaata꞉ ipika꞉ yama pitu hayeke seana꞉ pita꞉ wanda꞉hali pa꞉ta꞉ pi leekeme.

Aposolo 18:12

Kutu piekepate Ka꞉liota꞉ mo Akaya nane kapomani tieke haena꞉ leeke pita꞉ta꞉ mo Diu haliwekima꞉ Polo luekema꞉ apa꞉tao pi yokaalu puluekema꞉ mea pua alota꞉

Aposolo 18:16

Kutupa hama tolu liekeme.

Aposolo 18:17

Kutupa paeyaoma꞉ mo hande pi hotu haemeke da handeteke hayeke hali Sosenisi da꞉ka꞉pe minaata꞉ mo pi yokaalu pu haemeke da hama꞉ nane hata꞉ yombua baemekepate Ka꞉lioma꞉ pi ma꞉nda꞉ na leekeme.

Aposolo 25:10

Koto leeke Poloma꞉ alota꞉ Sisama꞉ pi yokaalu peao hala꞉ da pa꞉ta꞉ta꞉ do halota꞉ laata꞉ do da pa꞉ta꞉ kone pea꞉peke ya꞉la꞉me. Do Diu haliweki pa꞉ta꞉ I̱ma꞉ hau ma꞉nda꞉ na poloeki make naka꞉ kone handeleme.

Aposolo 25:17

Mo haliwekita꞉ do pa꞉ta꞉ epemeketa꞉ kota꞉ I̱ma꞉ handa꞉ pelia na hake da kelepea꞉eke kone mo pi yokaalu pu haloma꞉ da tukiki pa꞉ta꞉ pua pita꞉ mo hali hatuku epena꞉ loa꞉me.

Aposolo 25:6

Koto pi laata꞉ Pesitasi ipikita꞉ hoto ketepo hata꞉ o no̱i̱ hata꞉ iki ame̱le̱ pelia hao Sesatia da pa꞉ta꞉ peekeme. Pua da kelepeeketa꞉ mo pi yokaalu pu haemeke da tukiki pa꞉ta꞉ pua pitata꞉ Polo hatuku ipupe laa leekeme.

1 Pida 2:22

Yesuma꞉ta꞉ hoke haumanu paeyao na piekeme. Kutupa ipika꞉ kake hambilikima꞉ yayapiki pi na leekeme. Wanda꞉hali paeyao ma꞉nda꞉ma꞉ a꞉nda꞉ ota꞉ na opimikime.

1 Dioni 2:1

Yaka wekiwandiki ikana꞉ma꞉ hokeeki na pulu peleme tupa꞉ I̱ma꞉ doeki iki pa꞉ta꞉ laasome. Pate ma꞉nda꞉ epima꞉ hokeeki pia꞉ka꞉na꞉ta꞉ kota꞉ nika꞉ hau peaaso hata꞉ Apa꞉ pa꞉ta꞉ honke lawaasa꞉ some ma꞉nda꞉ hala꞉me. Ipikita꞉ tikitiki piki some Yesu Ketiso hala꞉me.