Ma꞉tiu 27:16 - Panake Pi La: Ula: Buka pita: Kine Pieke Buka

¹⁶ Koto dina꞉ta꞉ mo biki kende wiki hali homeke ma꞉nda꞉ ipika꞉ bikita꞉ Yesu Batabasi pitiekeme.

Ma꞉tiu 27:16 Mawu Ofanana

Ma꞉tiu 27:15

Lombei Pupa Yapeeke Natena꞉ ne pambao haemeke pita꞉ mo Pailedi ipika꞉ pu hayeke tupa꞉ dipula pitieke hali homeke hondo da tapatiki pu hayekeme. Mo wanda꞉halima꞉ ika꞉ hone pieke honke lemeke tupa꞉ mo Loma꞉ Kapomani tumiki halima꞉ koto some tapatiki pu hayekeme.

Ma꞉tiu 27:17

Koto ekina꞉ wanda꞉hali paeyao wopuma꞉ momba꞉la haena꞉ Pailedima꞉ iki pa꞉ta꞉ alota꞉ Ika꞉ honema꞉ta꞉ hande Yesu Batabasi tapanope o mo Ketiso aleme hali Yesu tapaanope leekeme.

Maka 15:7

Koto dina꞉ta꞉ haliweki mandane ekimanu dipula da pa꞉ta꞉ pitimikime. Koto haliwekima꞉ kapomani pa꞉ta꞉ a꞉nda꞉ limiki pita꞉ wanda꞉hali limikime. Kutupa iki ame̱le̱ hali homeke ipika꞉ bikita꞉ Batabasi pitiekeme.

Luku 23:25

Ipikana꞉ma꞉ mo wanda꞉halima꞉ pena꞉e lemeke halita꞉ pena꞉ tapaeyekeme. Mo hande kapomani pa꞉ta꞉ a꞉nda꞉ lia make mandane wanda꞉hali lieke some kone pena꞉ tapaeyekeme. Kutupa Yesuta꞉ mo wanda꞉halima꞉ ika꞉ hone pa꞉la꞉eki pina꞉yeke hala꞉ moneayekeme.

Dioni 18:40

Mo haliwekima꞉ ipika꞉ pi hombo peaaso wi la alualu pea alota꞉ Dia꞉me. Ipikita꞉ dia꞉me. Nika꞉ hone pa꞉la꞉ ekita꞉ Batabasie lemekeme. Mokoto Batabasita꞉ hali lu ta꞉ta꞉na꞉ ala꞉ta꞉ ala꞉ta꞉ pa yola꞉tiki pomu hayeke halie.

Aposolo 3:14

Kutu pa꞉la꞉pate ikana꞉ma꞉ Epeke Yakopiki Hali kiao pa Pailedi pa꞉ta꞉ lota꞉ pitolo alota꞉ Ika꞉ hone pa꞉la꞉ ekita꞉ mo hande hali lita꞉la꞉ hali kone pa pena꞉ lae lememe leekeme.

Loma꞉ 1:32

Koda꞉na꞉ pi ula꞉ ekima꞉ alota꞉ Mo kutu piki haumanu pu haleme wanda꞉halita꞉ homa꞉la꞉eki mea꞉pa꞉peke ya꞉la꞉me laa la꞉la꞉me. Koto la꞉la꞉ pi mo wanda꞉halima꞉ opitelemepate ika꞉ hande hoke ekimanu paa pia꞉tiki pu hao kutupa make mandane wanda꞉halima꞉ koto hande hoke ekimanu pimika꞉na꞉ta꞉ a꞉pa꞉la꞉ma꞉ pa pipe laa lo halememe.

Loma꞉ 16:7

Hande nika꞉ mandakena꞉ dipula pituma꞉ Diu hali yaapo A꞉ndotonaikusi pita꞉ Diuniasi yaapo pa꞉ta꞉ make a꞉taloe pi la꞉niaasome. Mo hande aposolo haliwekima꞉ta꞉ koto hali yaapo wotu handa wilimime. I̱ta꞉ pi a̱i̱ na miki hano kone ipilikana꞉ma꞉ amba꞉la Ketiso haliweki haepekeme.