Ma꞉tiu 27:1 - Panake Pi La: Ula: Buka pita: Kine Pieke Buka

¹ Da ka꞉la꞉paaso siki hande yeni peao haemeke you haliweki pita꞉ tondiki haliweki ikana꞉ma꞉ Yesu homena꞉ loluekema꞉ pi hoti wimikime.

Ma꞉tiu 27:1 Mawu Ofanana

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Maka 15:1

Da ka꞉la꞉paaso siki yeni peao haemeke you haliwekima꞉ make tondiki haliwekima꞉ make wape pea wala꞉tiki pu haemeke haliwekima꞉ make ka̱le̱sete haliweki paeyaoma꞉ make pi hotimikime. Kutupa mo haliwekima꞉ Yesu tonkao mea Pailedi pa꞉ta꞉ hatuku pemekeme.

Luku 13:1

Koto natena꞉ta꞉ koto pa꞉ta꞉ haemeke mandane haliwekima꞉ Yesu pa꞉ta꞉ a꞉pa mo Pailedima꞉ Ka꞉lili mandane haliwekita꞉ ika꞉ hotekemanu lia Koda꞉ pa꞉ta꞉ halolo haena꞉ kone lieke ekina꞉ pi la halemekeme.

Luku 22:66

Da kelepeeketa꞉ mo Diu haliwekina꞉ ka̱le̱sete mombuluekema꞉ mo tondiki haliweki make yeni peao haemeke teke haliweki make Lo Pi walo haemeke haliweki paeyao mombololo hata꞉ Yesu hatuku epemekeme.

Dioni 18:28

Kaiya꞉pasi hayeke alena꞉ mina꞉pa꞉lao mo Kapomani You halina꞉ da pa꞉ta꞉ Yesu hatuku mea pemekeme. Da panake ka꞉la꞉polo haena꞉ mea pemekeme. Diu haliwekima꞉ta꞉ mo Lombei Pupa Yapeeke ekina꞉ ne pambemekeeki noluekema꞉ iki hoeyaama꞉na꞉ ika꞉ nindi pelemeeki hone witolo hata꞉ mo da tukiki pa꞉ta꞉ na peke hama꞉ nane pa haemekeme.

Aposolo 5:21

Mo hande aposolo haliwekima꞉ koto leeke pi opuaata꞉ da panake ka꞉la꞉polo haena꞉ mo tembolo da tukiki pa꞉ta꞉ honda꞉ pamba pua pi walemekeme. Mo yeni peao haemeke you haliwekina꞉ you halima꞉ ipiki ame̱le̱ mandakena꞉ haemeke haliweki tonka꞉na꞉ ikana꞉ma꞉ Diu ka̱le̱sete haliweki paeyaoma꞉ pi tieke hotuluekema꞉ mombelena꞉ lemekeme. Kutupa mo dipula da nane make pi tapaaso alota꞉ Koto hande haliwekita꞉ niki pa꞉ta꞉ hatuku mea ipupe laa lemekeme.