Ma꞉tiu 26:74 - Panake Pi La: Ula: Buka pita: Kine Pieke Buka

⁷⁴ Koto lemekepate Pidama꞉ alota꞉ Do alo pita꞉ Koda꞉ma꞉ opitolo haena꞉ alome. Ya pi loa꞉ka꞉na꞉ta꞉ ipikana꞉ma꞉ I̱ hoeyaena꞉e. Koto aleme halita꞉ I̱ ota꞉ na handolome leekeme. Koto pi alo haena꞉ta꞉ koto kone koka꞉la꞉ tiaeyekeme.

Ma꞉tiu 26:74 Mawu Ofanana

Ma꞉tiu 10:28

Mo ika꞉ loke lia homalo pa꞉lemepate ika꞉ temoko lia homaaluekema꞉ wataapeke na ya꞉la꞉ wanda꞉hali pa꞉ta꞉ paala꞉ma꞉ na homo hapa꞉peke. Pate mo ika꞉ loke pita꞉ temoko yaapo ti to hala꞉ ale pa꞉ta꞉ tapao hoeyaapeke Koda꞉ pa꞉ta꞉ homeke ota꞉ paala꞉ma꞉ homo hapa꞉peke.

Ma꞉tiu 26:34

Yesuma꞉ ipiki pa꞉ta꞉ alota꞉ I̱ma꞉ neke pa꞉ta꞉ ota꞉ pi alome. Ame timba kone koka꞉la꞉ e̱ a̱i̱ na leke haena꞉ nakana꞉ma꞉ hoto tepo yaka biki amba꞉la hoeyaalipikie leekeme.

Ma꞉tiu 26:73

Hosiki hao hoki nanema꞉ mo pa꞉ta꞉ haemeke haliwekima꞉ Pida pa꞉ta꞉ alota꞉ Neketa꞉ ota꞉ ipika꞉ tapake halie. Ota꞉ alome. Mo naka꞉ ale pi makema꞉ kone niki pa꞉ta꞉ peneme yaasa꞉me lemekeme.

Ma꞉tiu 26:75

Kutu pieke toma꞉na꞉ta꞉ Pidama꞉ta꞉ Yesuma꞉ amba꞉ ipiki pa꞉ta꞉ la꞉ witolo Koka꞉la꞉ a̱i̱ na tiake haena꞉ nakana꞉ma꞉ hoto tepo ya biki a꞉mbao lo hoeyaalipikie leekeeki Pidama꞉ niminaeyekeme. Koto ekima꞉ta꞉ ipiki hama opolu bao tikene pua hata꞉ ipika꞉ pukima꞉ ka꞉nda꞉ tieke minolo hata꞉ e̱ tieke leekeme.

Ma꞉tiu 27:25

Iki paeyaoma꞉ ipika꞉ pi hombo peaaso doeki lemekeme. Koto halina꞉ weta꞉ nika꞉ biki manda make nika꞉ wekiwandiki paeyao manda make lopa wina꞉e lemekeme.

Maka 14:30

Yesuma꞉ ipiki pa꞉ta꞉ alota꞉ Neke pa꞉ta꞉ ota꞉ pi alome. Ame timba kone koka꞉la꞉ma꞉ hoto yaapo peao e a̱i̱ na leke haena꞉ nakana꞉ma꞉ hoto tepo yaka biki amba꞉la hoeyaalipikie leekeme.

Maka 14:68

Koto leekepate Pidama꞉ alota꞉ I̱ dia꞉me. I̱ mata꞉la꞉me laata꞉ Nakana꞉ma꞉ le pita꞉ eki epina꞉ lepe. I̱ na handolome leekeme. Kutupa hama nane pua hayekeme. Koto kone koka꞉la꞉ma꞉ tiaaso hata꞉ e̱ leekeme.

Luku 22:60

Koto leeke handaa Pidama꞉ hombo peaaso alota꞉ Someo. Nakana꞉ma꞉ koto ale ekita꞉ I̱ mata꞉la꞉me leekeme. Kutupa koto tomona꞉ kone pi pa alo haena꞉ mo koka꞉la꞉ma꞉ tiao e̱ leekeme.

Dioni 18:27

Pidama꞉ Dia꞉me pi paa alo haena꞉ kone mo hali koka꞉la꞉ma꞉ e̱ leekeme.

Loma꞉ 9:3

I̱ma꞉ iki tamba꞉ mulueke alo hata꞉ pa Koda꞉ma꞉ I̱ hoeyaena꞉ laata꞉ Ketiso yaapo ta꞉ma꞉ni pea haloeki ka꞉taalu pea ta꞉ta꞉ halo polo pua꞉ka꞉na꞉ yoluta꞉ koto ana꞉ polu pia꞉me.

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

Peneme Yaeyekeeki 3:19

I̱ma꞉ta꞉ yaka pukima꞉ homolo wanda꞉hali paeyaota꞉ pima꞉ hando laa panisi peao halome. Koto ekina꞉ ika꞉ hoke hau manuta꞉ ota꞉ hone witolo hata꞉ hoki wala꞉pe.