Ma꞉tiu 26:70 - Panake Pi La: Ula: Buka pita: Kine Pieke Buka

⁷⁰ Koto leeke Pidama꞉ iki paeyaona꞉ leke popelekena꞉ alota꞉ Naka꞉ ale pita꞉ I̱ mata꞉la꞉me. Alekena꞉ alepe leekeme.

Ma꞉tiu 26:70 Mawu Ofanana

Ma꞉tiu 26:51

Kutu pimiki handaata꞉ mo Yesu ame̱le̱ haemeke hali homekema꞉ ipika꞉ a꞉nda꞉ kepete poneke hokulu yola꞉ mea mo yeni peao hayeke you halina꞉ pa hameke e pokao hayeke hali pokeekepate pa ipika꞉ katake homeke tunkula꞉ poka lopaeyekeme.

Ma꞉tiu 26:56

Pate do ikana꞉ma꞉ piteme hau manuta꞉ mo hande amba꞉ potopede haliweki ikana꞉ma꞉ mo Baibolo tukiki pa꞉ta꞉ wape pea ula꞉ pimanu peneme yaaluekema꞉ pitememe leekeme. Koto toma꞉na꞉ta꞉ ipika꞉ disaipolo haliweki paeyaoma꞉ Yesu mina꞉pa꞉lao kilipa pemekeme.

Ma꞉tiu 26:58

Pidama꞉ Yesu telimea peekepateta꞉ ipika꞉ teke pa꞉ta꞉ na peketa꞉ pa mo hande yeni peao hayeke you halina꞉ da hankepe nane honda꞉pa꞉ lopa Yesu pa꞉ta꞉ta꞉ eki haumanu pilimipe laa handuluekema꞉ mo hande pota꞉ kake handeteke haemeke haliweki ame̱le̱ pitiekeme.

Ma꞉tiu 26:69

Pida mo hande da hankepe pa꞉ta꞉ pa pitolo haena꞉ mo yeni peao hayeke you halina꞉ e pokao hayeke wandiki homekema꞉ ipiki pa꞉ta꞉ a꞉pa alota꞉ Neke make koto Ka꞉lili hali Yesu ame̱le̱ pomu haeme hali ya꞉ka꞉ta꞉taa leekeme.

Ma꞉tiu 26:71

Koto laata꞉ ipikana꞉ma꞉ mo pota꞉ kake pa꞉ta꞉ peekepate wandiki ma꞉nda꞉ma꞉ ipiki handaa mo haemeke haliweki pa꞉ta꞉ alota꞉ Do halita꞉ mo hande Na꞉sa꞉tete halina꞉ ta꞉ma꞉ni halie laa leekeme.

Luku 22:57

Koto leekepate Pidama꞉ Dia꞉me laa honi mea baaso alota꞉ Wanda꞉o. Ipikita꞉ I̱ na handolome leekeme.

Loma꞉ 11:20

Koto make ota꞉eki ya꞉la꞉pate Diu wanda꞉hali ikana꞉ma꞉ hone na tulaemeke handaa ipikana꞉ma꞉ tonda꞉pa꞉ mepi pea pa꞉la꞉me. Diendaili wanda꞉hali ikana꞉ma꞉ hone tulaaseme ekina꞉ tunao halememe. Kutupa halemepate ikana꞉ma꞉ I̱ handaena꞉ haumanu hone na wiki ika꞉ loke tonkao paala꞉ma꞉ homa yopu hapa꞉peke.

1 Kotindi 10:12

Koto ekina꞉ mo some epima꞉ I̱ta꞉ da̱o̱la hata꞉ epeke tiao halome laa hone wia꞉ka꞉na꞉ta꞉ kota꞉ koto someta꞉ lopaapa꞉na꞉ wotu hapeke aleo.

Peneme Yaeyekeeki 21:8

Pate hone pamboneke tapake make ba꞉sa꞉ piteleme tapake make ata꞉ka꞉ peaaseme tapake make honema꞉ kone hali lu homaaseme tapake make pake nalo loke apa꞉taaseme tapake make ti̱o̱ hau pu haleme tapake make toopi ti wepia ula꞉ ale pa꞉ta꞉ yeni pu haleme tapake make mo yayapiki pi lo haleme tapake make paeyaota꞉ ika꞉ hala꞉peke ya꞉la꞉ ekita꞉ oni ti uleke kiake make titipupiki lanka꞉ ma꞉nda꞉ biki solopa bu lo hala꞉ pa꞉ta꞉e. Koto hau pita꞉la꞉ ekita꞉ mo yaapo peao homa꞉la꞉ekie.