Ma꞉tiu 26:52 - Panake Pi La: Ula: Buka pita: Kine Pieke Buka

⁵² Kutu pieke ekina꞉ Yesuma꞉ ipiki pa꞉ta꞉ alota꞉ Mo naka꞉ a꞉nda꞉ kepete hokuluta꞉ pao mea dake pa꞉ta꞉ panka꞉niae. Pa ekipeke. Kepetema꞉ iki tamba꞉ mina꞉e laa wia hao haleme wanda꞉halita꞉ ika꞉ kone mo kepetema꞉ lia homaalieke.

Ma꞉tiu 26:52 Mawu Ofanana

Kini Pieke 9:6

Halita꞉ Koda꞉ leke wepieke ekina꞉ta꞉ ma꞉nda꞉ma꞉ hali ma꞉nda꞉ homena꞉ lia꞉ka꞉na꞉ta꞉ kota꞉ koto someta꞉ hali tonuma꞉ kone lilimikie.

Ma꞉tiu 5:39

Pate ame I̱ma꞉ iki pa꞉ta꞉ la kitolo ekita꞉ dupa. Ma꞉nda꞉ma꞉ neke tekipuleke laeya꞉ka꞉na꞉ta꞉ nakana꞉ma꞉ hombo na peapeke. Hali ma꞉nda꞉ma꞉ naka꞉ popeke nanema꞉ pakena꞉ dakapoma꞉ lia꞉ka꞉na꞉ta꞉ kota꞉ mo hoe nane pakena꞉ make lina꞉ la꞉ka꞉lapeke.

Loma꞉ 12:19

Ya yankeke titio. Ma꞉nda꞉ma꞉ iki pa꞉ta꞉ hokeeki pia꞉ka꞉na꞉ta꞉ kota꞉ yenki mulu peleme hone na wia꞉pa꞉peke. Ika꞉ yenki meaake hauta꞉ Koda꞉ma꞉ mineke panka꞉la꞉ ekima꞉ peaowaena꞉ lapa꞉peke. Hande Baibolo bukana꞉ wape pa꞉la꞉ ekita꞉ dupa Tekehalima꞉ alota꞉ Yenki meaake hauta꞉ I̱ma꞉ pulueke laa wape pa꞉la꞉me.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.

Peneme Yaeyekeeki 13:10

Ma꞉nda꞉ epita꞉ tapake ma꞉nda꞉ma꞉ minina꞉e laa wia꞉ka꞉na꞉ta꞉ kota꞉ ota꞉ minina꞉ lelieke. Epita꞉ bainasima꞉ lia homaena꞉e laa wia꞉ka꞉na꞉ta꞉ kota꞉ ota꞉ mo bainasima꞉ lia homaena꞉ lelieke. Dupiki haumanu pa꞉ta꞉ta꞉ Koda꞉na꞉ wanda꞉hali lopaama꞉na꞉yeke homu pea pa pina꞉e laa yu wia hata꞉ make kima꞉ na homeke hone tu lao haya꞉ka꞉na꞉ta꞉ ana꞉ pilieke.

Peneme Yaeyekeeki 16:6

Pa ekipeke ikana꞉ma꞉ta꞉ mo Koda꞉na꞉ wanda꞉halina꞉ we make mo potopede haliwekina꞉ we make holememe. Koto ekina꞉ ame nakana꞉ma꞉ta꞉ iki make we ikali nena꞉ haleleme. Ikana꞉ma꞉ta꞉ ika꞉ ekina꞉ yenki kone mina꞉lememe laa lea꞉me.