Ma꞉tiu 26:46 - Panake Pi La: Ula: Buka pita: Kine Pieke Buka

⁴⁶ Pomana꞉ tiaape. Hande I̱ minina꞉ a꞉nda꞉ lomba꞉la꞉ halita꞉ koto ipula꞉ handa꞉e leekeme.

Ma꞉tiu 26:46 Mawu Ofanana

Ma꞉tiu 26:45

Kutupiki yeni pea paeyeke ipika꞉ disaipolo haliweki pa꞉ta꞉ paa la꞉ka꞉la a꞉pa alota꞉ Ikita꞉ hoto pita꞉ u̱ polu pita꞉ pimipe. A꞉e handepe. A꞉nda꞉ lomba꞉la꞉ halima꞉ Wanda꞉halina꞉ Eiyeketa꞉ mo hoke hau pu haleme haliwekima꞉ minina꞉ ala꞉me.

Ma꞉tiu 26:47

Yesuma꞉ koto pimanu alo haena꞉ kone mo hande 12 haliweki ame̱le̱ hayeke hali Diudasita꞉ ipiki pa꞉ta꞉ epeekeme. Mo yeni peao haemeke you haliweki pita꞉ tondiki haliweki yaapoma꞉ tapaemeke haliweki wopuma꞉ Diudasi ame̱le̱ kepete tieke make dolo tieke make mea miniki epemekeme.

Maka 14:42

Pomana꞉ tiaape. I̱ minina꞉ a꞉nda꞉ lomba꞉la꞉ hali koto ipula꞉ handa꞉e leekeme.

Luku 12:50

I̱ta꞉ bapitaisi pea꞉peke hau homeke mulueke hone ulupate pa a̱i̱ na pu paeyaaso ekina꞉ kota꞉ yaka weleke pukima꞉ ka꞉nda꞉ tieke minolome.

Luku 22:15

Kutupa ipikana꞉ma꞉ iki pa꞉ta꞉ alota꞉ I̱ yaka hone tiekema꞉ta꞉ I̱ tanda noluekema꞉ hata꞉ta꞉ do Lombei Pupa Yapeeke Natena꞉ neta꞉ iki ame̱le̱ noluekema꞉ hone wotu pa꞉la꞉me leekeme.

Luku 22:21

Koto pa꞉la꞉pate handa꞉e. Mo hande I̱ minina꞉yeke a꞉nda꞉ lombolo pa꞉la꞉ halina꞉ kikita꞉ yakaeki ame̱le̱ mandakena꞉ do teipolona꞉ wia piluma꞉ handa꞉e.

Luku 9:51

Yesu oli hepeni nane mea polo pieke nate teke pa꞉ta꞉ yolo epeeketa꞉ ipikita꞉ mo Diutuseleme teke da nane ota꞉ polueke hone u paleke peekeme.

Dioni 14:31

Pa I̱ma꞉ yaka Apa꞉ pa꞉ta꞉ pukima꞉ homolo ekita꞉ do kenke wanda꞉halima꞉ handena꞉ loluekema꞉yeke ipikana꞉ma꞉ I̱ pa꞉ta꞉ doeki pea꞉peke lea꞉ haumanu paeyao pu halome laata꞉ Tiao do pa꞉ta꞉ mina꞉pa꞉lao pomana꞉e laa leekeme.

Dioni 21:20

Pidama꞉ la꞉ka꞉la꞉moneao Yesuma꞉ pukima꞉ homeeke halita꞉ ipika꞉ hoki nane epeekeeki handeekeme. Mo halita꞉ hande ne nalo pita꞉ Yesu teke pa꞉ta꞉ panda꞉puniao lota꞉ pitolo alota꞉ Tekehalio. Neke a꞉nda꞉ lombolo pa꞉la꞉ hali epipe leeke halie.

Aposolo 21:13

Kutupa Poloma꞉ alota꞉ Ikita꞉ do e̱ e̱ aleme ekima꞉ ya puki hoeyaaluekema꞉ alemepe lea꞉me. I̱ma꞉ta꞉ Tekehali Yesuna꞉ bikina꞉ mo Diutuseleme da nane dipula pituluekema꞉ homeke na loa꞉me. Ota꞉ homuluekema꞉ kone tikitiki yao halome lea꞉me.