Ma꞉tiu 26:42 - Panake Pi La: Ula: Buka pita: Kine Pieke Buka

⁴² Koto laata꞉ Yesuma꞉ hoto yaapo peao paa pua yeni pitolo hata꞉ alota꞉ Ya Apa꞉o. Do ka꞉nda꞉ma꞉ tumbiki kapo ipula꞉eki a꞉nda꞉ na yoka꞉ mea baeka꞉na꞉ ota꞉ nono lea꞉ka꞉na꞉ta꞉ kota꞉ a꞉pa꞉la꞉ma꞉ naka꞉ hone peleeki pea꞉peke leekeme.

Ma꞉tiu 26:42 Mawu Ofanana

Ma꞉tiu 20:22

Koto leekepate Yesuma꞉ mo wanda꞉na꞉ eiyeke yaapo pa꞉ta꞉ alota꞉ Ipilika꞉ honke alepe ekita꞉ hone wotu na wiki hata꞉ alepeme. I̱ma꞉ mo ka꞉nda꞉ pa꞉la꞉ ekina꞉ kapona꞉ nolua꞉ ekita꞉ ipilikana꞉ma꞉ make napa꞉peke yelepe leekeme. Ipilikana꞉ma꞉ ipika꞉ pi hombo peaaso alota꞉ Diki ana꞉ pa꞉la꞉me lepekeme.

Ma꞉tiu 26:39

Hosiki mo pate leke puaata꞉ kenkena꞉ puki yama peliniaaso dupiki yeni piekeme. Ya Apa꞉o. Nakana꞉ma꞉ pea꞉peke ya꞉ka꞉na꞉ta꞉ kota꞉ do ipula꞉ ka꞉nda꞉ tieke wopu tumbiki kapota꞉ I̱ pa꞉ta꞉ na epena꞉ leke yoka꞉ muelena꞉e laa hone pa꞉la꞉pate ya hone pa꞉la꞉eki dia꞉me. Pa naka꞉ hone pa꞉la꞉eki homekee leekeme.

Ma꞉tiu 26:43

Koto yeni pu paeyeke paa la꞉ka꞉la ipulu hata꞉ mo haliweki handeekepate pa u̱ pelimikieki handeekeme. Kutu piki hauta꞉ ota꞉ ika꞉ leke pa꞉ta꞉ u̱ pambolo hata꞉ piekeme.

Ma꞉tiu 6:10

Naka꞉ Kilu Tombuao Haleeki do ane opolo epena꞉e. Naka꞉ hone pa꞉la꞉eki oli hepeni nane peao haleme tupa꞉ do kenkena꞉ make peawaenae.

Maka 14:36

Ipikana꞉ma꞉ alota꞉ Ya apa꞉o. Hau paeyao nakana꞉ma꞉ pea꞉peke ya꞉la꞉me. Do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉eki homekee leekeme.

Luku 22:42

Ipikana꞉ma꞉ alota꞉ Apa꞉o. Ana꞉ pia꞉ka꞉na꞉ta꞉ do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉ ekina꞉ homeke pina꞉e leekeme.

Dioni 6:38

I̱ma꞉ta꞉ oli hepeni nane hao hola꞉pa꞉niao a꞉pa yaka hone pa꞉la꞉eki puluekema꞉ na epeke I̱ tapaala꞉ halina꞉ hone pa꞉la꞉eki puluekema꞉ epolo ekina꞉ loa꞉me.

Hibulu 4:15

Nika꞉ Yeni peao hala꞉ You halima꞉ta꞉ nika꞉ honkopu na hake dete piki haumanu handaa a꞉ta꞉ma꞉ na homolo pa꞉la꞉ hali dia꞉me. Kotoeki na pikita꞉ nika꞉ Yeni peao hala꞉ You halita꞉ mo niki la handa꞉peke ya꞉la꞉ ekimanu paeyaoma꞉ ipiki make la handetiki piekepate hoke hau homeke siki ma꞉nda꞉ a꞉nda꞉ ota꞉ na piekeme.