Ma꞉tiu 26:25 - Panake Pi La: Ula: Buka pita: Kine Pieke Buka

²⁵ Kutupa mo a꞉nda꞉ lombeke hali Diudasima꞉ Yesu pa꞉ta꞉ alota꞉ Wala꞉la꞉ halio. Nakana꞉ma꞉ le pita꞉ I̱ pa꞉ta꞉ lepe leeke Yesuma꞉ hombo peaaso alota꞉ Koto aletaa leekeme.

Ma꞉tiu 26:25 Mawu Ofanana

Ma꞉tiu 23:7

Makedi hama mombili ale nina꞉ wanda꞉halima꞉ iki manda꞉hande pitolo ika꞉ bikimanu mea a꞉meiyaluekema꞉ Disao. Epeke da ka꞉la꞉paasoe la꞉tiki pina꞉ ta꞉na꞉ma꞉ wopu homelememe.

Ma꞉tiu 23:8

Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Ma꞉tiu 26:14

Isekatioti hali Diudasima꞉ mo hande 12 disaipolo hayeke halima꞉ kone mo yeni peao hayeke you haliweki pa꞉ta꞉ pua

Ma꞉tiu 26:49

Amba꞉ koto laa wieke tupa꞉ ipikana꞉ma꞉ tikitiki a̱i̱ koto kone Yesu teke pa꞉ta꞉ opolo ipulu alota꞉ Wala꞉la꞉ halio. Neketa꞉ epeke timba nane laata꞉ ipiki hopula꞉ mea nunu piekeme.

Ma꞉tiu 26:64

Yesuma꞉ hombo peaaso alota꞉ Koto aletaa leekeme. I̱ma꞉ iki paeyao pa꞉ta꞉ alome. Wetepena꞉ta꞉ mo Wanda꞉halina꞉ Eiyeketa꞉ mo wele pita꞉la꞉ Koda꞉na꞉ popeke nane kikina꞉ pitilia꞉eki make hando ya nane koa tukiki pa꞉ta꞉ hola꞉pa꞉niao ipilia꞉eki make ikana꞉ma꞉ hando pilimikie leekeme.

Ma꞉tiu 27:11

Pailedima꞉ Yesu lota꞉ pitolo alota꞉ Neketa꞉ mo Diu wanda꞉halina꞉ Kini hali halepe leekeme. Kutupa Yesuma꞉ hombo peaaso alota꞉ Koto aletaa leekepate

Luku 22:70

Mo hali paeyaoma꞉ alota꞉ Kota꞉ neketa꞉ Koda꞉na꞉ Eiyeke ya꞉ka꞉ta꞉pe laa lota꞉ pimikime. Yesuma꞉ hombo peaaso alota꞉ Ika꞉ kone I̱e laata꞉ koto alemetaa leekeme.

Dioni 18:37

Koto leeke ekina꞉ Pailedima꞉ ipiki lota꞉ pitolo alota꞉ Kota꞉ neketa꞉ kini hali ya꞉ka꞉ta꞉pe leekeme. Yesuma꞉ ipika꞉ pi hombo peaaso alota꞉ I̱ pa꞉ta꞉ kini halie ale ekita꞉ naka꞉ alee. I̱ta꞉ hau homeke puluekema꞉ epoa꞉me. Mo ota꞉ pi waluekema꞉ loa꞉me. Kutu pionoyeke yaka ama꞉ma꞉ I̱ mendieke do kenkena꞉ epoa꞉me. Kutupa mo ota꞉ pi opuluekema꞉ katake na a꞉mba haleme wanda꞉halima꞉ I̱ma꞉ pi alo ekita꞉ opu halememe.

Dioni 4:31

Koto hau pitolo haena꞉ta꞉ hande disaipolo haliwekima꞉ Yesu honke alo alota꞉ Disao. Ne ma꞉nda꞉ nae lemekepate