Ma꞉tiu 26:22 - Panake Pi La: Ula: Buka pita: Kine Pieke Buka

²² Koto leeke handaa ikana꞉ma꞉ ka꞉nda꞉ma꞉ homolo hata꞉ ma꞉nda꞉ ma꞉nda꞉ma꞉ ipiki pa꞉ta꞉ alota꞉ Tekehalio. Nakana꞉ma꞉ koto le pita꞉ I̱ pa꞉ta꞉ na alo pima꞉e ota꞉ alome laa paeyaoma꞉ lota꞉ puma꞉ puma꞉ pimikime.

Ma꞉tiu 26:22 Mawu Ofanana

Ma꞉tiu 26:21

Koto ne nalo pita꞉ Yesuma꞉ iki pa꞉ta꞉ do tupa꞉ leekeme. I̱ma꞉ ota꞉ pi alome. Do I̱ ame̱le̱ mandake piluma꞉ some homeke ma꞉nda꞉ ipikana꞉ma꞉ I̱ lina꞉yeke a꞉nda꞉ lombilieke laa leekeme.

Ma꞉tiu 26:23

Yesuma꞉ ika꞉ pi hombo peaaso alota꞉ Mo palaowa tenke laasopa꞉ disi pa꞉ta꞉ dika꞉ kiki mandake witolopa꞉ somema꞉ I̱ lina꞉ a꞉nda꞉ lombilieke.

Luku 22:23

Koto leekeeki opitolo hata꞉ ika꞉ ika꞉ kone lota꞉ pu alualu pitolo alota꞉ Niki ma꞉nda꞉ hondo epima꞉ dupiki hau pulu polome ekina꞉ ala꞉pe lemekeme.

Dioni 21:17

Hoto tepo peao Yesuma꞉ ipiki pa꞉ta꞉ alota꞉ Dionina꞉ eiyeke Saimonoo. Nakana꞉ma꞉ I̱ pa꞉ta꞉ hone pa꞉la꞉pe leekeme. Pidama꞉ta꞉ Yesuma꞉ Nakana꞉ma꞉ I̱ pa꞉ta꞉ hone pa꞉la꞉pe pi ipiki pa꞉ta꞉ hoto tepo peao lota꞉ pieke ekina꞉ta꞉ ka꞉nda꞉ma꞉ homolo hata꞉ ipiki pa꞉ta꞉ alota꞉ Tekehalio. Ala꞉ta꞉ ala꞉ta꞉ paeyao nakana꞉ma꞉ handeleme. I̱ma꞉ neke pa꞉ta꞉ hone pa꞉la꞉ ekita꞉ nakana꞉ma꞉ handeleme leekeme. Yesuma꞉ ipiki pa꞉ta꞉ alota꞉ Ya sipisipi ma꞉na꞉ manuta꞉ nakana꞉ma꞉ punao hapeke.

1 Kotindi 11:28

Koto ekina꞉ wanda꞉hali paeyaoma꞉ ika꞉ piteleme hau amba꞉la wotu handaata꞉ hande palaowa kapona꞉ make napa꞉peke alee.