Ma꞉tiu 26:18 - Panake Pi La: Ula: Buka pita: Kine Pieke Buka

¹⁸ Ipikana꞉ma꞉ ika꞉ pi hombo peaaso hata꞉ alota꞉ Ikana꞉ma꞉ handeleme daoni tukiki pa꞉ta꞉ hala꞉ some ma꞉nda꞉ pa꞉ta꞉ pua dupa lapa꞉peke Hande Wala꞉la꞉ halima꞉ alota꞉ Ya nateta꞉ teke pa꞉ta꞉ opolo a꞉pa꞉la꞉me. Ya disaipolo haliweki nikana꞉ma꞉ naka꞉ da pa꞉ta꞉ mo Lombei Pupa Yapeeke ne pambulumeke lea꞉ma꞉ lapa꞉peke leekeme.

Ma꞉tiu 26:18 Mawu Ofanana

Ma꞉tiu 21:3

Kutupa ma꞉nda꞉ma꞉ ipiliki pa꞉ta꞉ pi ma꞉nda꞉ lea꞉ka꞉na꞉ta꞉ dupa lapa꞉peke. Tekehalima꞉ muluekema꞉ hone pa꞉la꞉me lapa꞉peke. Koto lepeka꞉na꞉ta꞉ kota꞉ kutaa kone mea epoepena꞉ lelieke leekeme.

Ma꞉tiu 23:10

Kutaa make wanda꞉halima꞉ iki pa꞉ta꞉ You halie pi na lena꞉ lapa꞉peke. Pa ekipeke. Ketiso homeketa꞉ ika꞉ you hali hala꞉me.

Ma꞉tiu 23:8

Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Ma꞉tiu 26:19

Mo disaipolo haliwekima꞉ Yesuma꞉ leeke tupa꞉ mo ne pamba꞉pekeeki tikitiki yao ana꞉lao wimikime.

Ma꞉tiu 26:2

Ika꞉ hone wilimi tupa꞉ nate homeke hao ma꞉nda꞉na꞉ta꞉ mo hande Lombei Pupa Yapeeke Nate ipilieke. Koto natena꞉ta꞉ haliwekima꞉ mo Wanda꞉halina꞉ Eiyeketa꞉ a꞉ka꞉tei wape piki tina꞉ endiao lina꞉ halimikie leekeme.

Ma꞉tiu 26:49

Amba꞉ koto laa wieke tupa꞉ ipikana꞉ma꞉ tikitiki a̱i̱ koto kone Yesu teke pa꞉ta꞉ opolo ipulu alota꞉ Wala꞉la꞉ halio. Neketa꞉ epeke timba nane laata꞉ ipiki hopula꞉ mea nunu piekeme.

Maka 5:35

Yesuma꞉ pi pa alo haena꞉ mandane haliwekima꞉ hande pi hotu haemeke da you halina꞉ da nane hao a꞉pa alota꞉ Naka꞉ wandikita꞉ ota꞉ homea꞉me laa Ekipeke mo Disa honke loloendi pitelepe lemekeme.

Luku 22:53

I̱ta꞉ nate wopu oni tembolo da tukiki pa꞉ta꞉ iki ame̱le̱ haowa꞉pate ikana꞉ma꞉ I̱ da꞉ka꞉pa꞉ minuluekema꞉ na taapememe. Koto pa꞉la꞉pate do timbata꞉ naka꞉ natee. Mo hande timba꞉ leke ekina꞉ honkopuma꞉ handeteke halo pa꞉la꞉ natee leekeme.

Dioni 11:28

Madama꞉ kotoeki laa pa pua hakepiki Meti pa꞉ta꞉ yopu pua alota꞉ Tekehalima꞉ do a꞉pa hata꞉ neke wi ala꞉me.

Dioni 12:23

Yesuma꞉ ipilika꞉ pi hombo peaaso alota꞉ Wanda꞉halina꞉ Eiyekema꞉ mo pa̱a̱ piki kapu tieke mulu pa꞉la꞉ di ame ipula꞉me.

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 17:1

Yesuma꞉ koto pimanu laata꞉ oli ya nane handa꞉liao hata꞉ alota꞉ Apa꞉o. Hande di amba꞉ epa꞉la꞉me. Naka꞉ wekima꞉ naka꞉ bikita꞉ mea a꞉meiyaena꞉yeke naka꞉ wekina꞉ biki nakana꞉ma꞉ mea a꞉meiyapeke.

Dioni 20:16

Yesuma꞉ ipiki pa꞉ta꞉ alota꞉ Metio leekeme. Mo wanda꞉ma꞉ ipiki pa꞉ta꞉ la꞉ka꞉la mina hata꞉ Hibulu pi la alota꞉ Labonaie leekeme. Koto leeke ekita꞉ Wala꞉la꞉ Halio laa leekeme.

Dioni 7:30

Koto leeketa꞉ ipiki da꞉ka꞉pa꞉ minuluekema꞉ pimikipate ipika꞉ nate a̱i̱ dia꞉yeke handaa hali ma꞉nda꞉ma꞉ ipiki na miniekeme. Wanda꞉hali wopuma꞉ ipiki pa꞉ta꞉ hone tulaaso hata꞉ alota꞉

Dioni 7:6

Yesuma꞉ mo haliweki pa꞉ta꞉ alota꞉ Yaka nate a̱i̱ na a꞉pa꞉la꞉me laata꞉ ika꞉ ekita꞉ amba꞉ a꞉pa꞉la꞉me.

Dioni 7:8

Ikita꞉ hande ne pambolo pa꞉la꞉ ekina꞉ pua꞉pa꞉peke. I̱ta꞉ yaka nate a̱i̱ na a꞉pa꞉la꞉ ekina꞉ na polueke leekeme.