Ma꞉tiu 26:14 - Panake Pi La: Ula: Buka pita: Kine Pieke Buka

¹⁴ Isekatioti hali Diudasima꞉ mo hande 12 disaipolo hayeke halima꞉ kone mo yeni peao hayeke you haliweki pa꞉ta꞉ pua

Ma꞉tiu 26:14 Mawu Ofanana

Ma꞉tiu 10:4

Saimono Seloti make mo hande Yesu lina꞉ a꞉nda꞉ lombea꞉ hali Diudasi Isekatioti make ika꞉ biki paeyaota꞉ koto wape pea ula꞉ handa꞉pe.

Ma꞉tiu 26:25

Kutupa mo a꞉nda꞉ lombeke hali Diudasima꞉ Yesu pa꞉ta꞉ alota꞉ Wala꞉la꞉ halio. Nakana꞉ma꞉ le pita꞉ I̱ pa꞉ta꞉ lepe leeke Yesuma꞉ hombo peaaso alota꞉ Koto aletaa leekeme.

Ma꞉tiu 26:47

Yesuma꞉ koto pimanu alo haena꞉ kone mo hande 12 haliweki ame̱le̱ hayeke hali Diudasita꞉ ipiki pa꞉ta꞉ epeekeme. Mo yeni peao haemeke you haliweki pita꞉ tondiki haliweki yaapoma꞉ tapaemeke haliweki wopuma꞉ Diudasi ame̱le̱ kepete tieke make dolo tieke make mea miniki epemekeme.

Ma꞉tiu 27:3

Yesuta꞉ lina꞉e laa la꞉ wimiki pita꞉ mo hande a꞉nda꞉ lombeeke hali Diudasima꞉ opitolo hata꞉ta꞉ Ekipeke pua꞉pe laa ka꞉nda꞉ma꞉ homolo hata꞉ hande mieke silipa mani 30 meata꞉ mo hande yeni peao haemeke you haliweki pita꞉ tondiki haliweki ika꞉ haemeke ale pa꞉ta꞉ pua alota꞉

Dioni 12:4

Mo disaipolo hali homeke Isekatioti hali Diudasita꞉ hande Yesu a꞉nda꞉ lombolo pieke hali ipikana꞉ma꞉ alota꞉

Dioni 13:2

Welealo nane Yesu ipika꞉ disaipolo haliweki ame̱le̱ ne no pitimikime. Isekatioti hali Saimonona꞉ eiyeke Diudasima꞉ta꞉ Yesu mina꞉yeke a꞉nda꞉ lombolo pieke honeta꞉ ipiki pa꞉ta꞉ Sadanima꞉ amba꞉ mea wiaeyekeme.

Dioni 13:26

Yesuma꞉ ipika꞉ pi hombo peaaso alota꞉ Do palaowata꞉ kawaso pa꞉ta꞉ tenke lao halue halita꞉ koto halie leekeme. Kotoeki la ipikana꞉ma꞉ palaowa meata꞉ tenke lao mo Isekatioti hali Saimono ipika꞉ eiyeke Diudasi pa꞉ta꞉ haleekeme.

Dioni 13:30

Diudasima꞉ mo palaowa meata꞉ kuta kone hama opolu bao peekeme. Koto dina꞉ta꞉ timba꞉ la꞉ pambeekeme.

Dioni 18:2

Amba꞉ta꞉ Yesuma꞉ koto pa꞉ta꞉ ipika꞉ disaipolo haliweki manda꞉hande pu hayeke handaata꞉ kutu pu hayeke ekita꞉ hande Yesu a꞉nda꞉ lombeeke hali Diudasima꞉ koto alena꞉ handeekeme.

Aposolo 1:16

Kutupa ipikana꞉ma꞉ alota꞉ Yaka ana꞉ kame titio. Hande Baibolo bukana꞉ wape pa꞉la꞉ pita꞉ ota꞉ yaapeke ya꞉la꞉me. Hande Holi Sipitidima꞉ Deipidina꞉ hone u tiaaso haena꞉ta꞉ Yesu da꞉ka꞉pa꞉ minina꞉ haliweki hatuku polo pia꞉ hali Diudasima꞉ pulu piekeeki dupilieke laa Deipidima꞉ wape piekeme.

Aposolo 1:18

Hande Diudasima꞉ta꞉ hokeeki puluekema꞉ ma꞉na꞉ yapa꞉ pea mieke manima꞉ta꞉ kenkesiki ma꞉nda꞉ hamba꞉ miekeme. Koto kenke pa꞉ta꞉ta꞉ ipika꞉ kone lopa꞉niaota꞉ ota꞉ homeekeme. Ipika꞉ weleke tekelipe lia weleke yoka꞉ petepete pea wiekeme.