Ma꞉tiu 25:4 - Panake Pi La: Ula: Buka pita: Kine Pieke Buka

⁴ Pate hande hone wopu wimiki wandiki tonu ika꞉ ola꞉pake ta꞉pao paeyaama꞉na꞉ iki homeke homekema꞉ ika꞉ ola꞉pake tonka꞉na꞉ ka꞉ta꞉sini kanake mea miniki miniki pea pemekeme.

Ma꞉tiu 25:4 Mawu Ofanana

Ma꞉tiu 10:16

Opua꞉pe. Ikita꞉ mo honkopu wopu na hake sipisipimanu tupa꞉ ya꞉la꞉pate I̱ma꞉ iki mo tikene iyamanu tukiki pa꞉ta꞉ hamena꞉ tapaasome. Koto ekina꞉ mo hande ketoma꞉ kimelema꞉ pomua꞉la꞉ tupa꞉ iki make kimelema꞉ pomua꞉pa꞉peke. Kutaa make mo hande dokolo ba manuma꞉ epeke tupa꞉ momba꞉la pitu haleme tupa꞉ iki make sembepela hao hapa꞉peke.

Ma꞉tiu 25:2

Kutupa kiki homeke wandiki tonuma꞉ta꞉ hone wopu na wimikipate pa kiki homeke ma꞉nda꞉ haemeke wandiki tonuma꞉ta꞉ hone wopu wimiki wandiki yekeme.

Ma꞉tiu 25:3

Hande hone wopu na wimiki wandiki tonuma꞉ta꞉ ika꞉ ola꞉pake epeke keo mina pemekepate pa wetepena꞉ hola꞉ pamba꞉peke ekita꞉ ma꞉nda꞉ na yupu miniki pemekeme.

Ma꞉tiu 25:5

Hande wanda꞉ mulu pieke some a̱i̱ na opolo epeeketa꞉ mo hande wandiki paeyao u tonda꞉pao u polu pitimikime.

Ma꞉tiu 7:24

Kutaata꞉ wanda꞉hali epima꞉ do ya pimanu opuaata꞉ koto alo ekimanu ota꞉ pu haya꞉ka꞉na꞉ta꞉ kota꞉ ipikita꞉ mo hande hone wopu wia toopi manda da a꞉eyeke hali tupa꞉ hala꞉me.

Dioni 3:34

Koda꞉ma꞉ tapaala꞉ halima꞉ta꞉ Koda꞉na꞉ pimanu lalieke. Koda꞉ma꞉ ipiki pa꞉ta꞉ Holi Sipitidi hala꞉la꞉ ekita꞉ tombo wia na hala꞉la꞉ ekina꞉ loa꞉me.

Loma꞉ 8:9

Kutupu halemepate ika꞉ lokena꞉ hone pa꞉la꞉eki manuma꞉ iki na handeteke hatiki pita꞉la꞉pateta꞉ Koda꞉ ipika꞉ Sipitidita꞉ iki tukiki pa꞉ta꞉ ota꞉ pitia꞉ka꞉na꞉ta꞉ kota꞉ hande Sipitidima꞉ walo hala꞉eki pea꞉tiki pu halememe. Hali ma꞉nda꞉ pa꞉ta꞉ Ketiso ipika꞉ Sipitidi na pitia꞉ka꞉na꞉ta꞉ kota꞉ ipikita꞉ Ketisona꞉eki dia꞉me.

2 Kotindi 1:22

Koda꞉ma꞉ kone niki ma̱leke lila꞉me. Ipikana꞉ma꞉ ombu nikita꞉ ipika꞉ ekie laata꞉ ipika꞉ tombo niki pa꞉ta꞉ ula꞉me. Koda꞉ma꞉ mo niki pa꞉ta꞉ ka꞉la꞉ Holi Sipitidita꞉ ipika꞉ wetepena꞉ kulu pa꞉la꞉ ale paeyaona꞉ titina꞉ tombo ka꞉la꞉mee.

1 Dioni 2:20

Kutu pimipate pa ya wekiwandikio. Ikita꞉ mo hande Ketisoma꞉ kua꞉neala꞉ Holi Sipitidi amba꞉ koto miniki halememe. Koto ekina꞉ iki paeyaoma꞉ta꞉ mo ota꞉ ekita꞉ hone wilimime.

1 Dioni 2:27

Koto pa꞉la꞉pate iki pa꞉ta꞉ta꞉ Ketisoma꞉ ipika꞉ Sipitidi amba꞉ ka꞉la꞉me. Koto ekina꞉ ipika꞉ Sipitidi iki pa꞉ta꞉ a꞉nda꞉ pita꞉ pelia haena꞉ta꞉ iki wala꞉peke some ma꞉nda꞉ta꞉ weiya꞉peke na ya꞉la꞉me. Pa ekipeke mo Sipitidima꞉ta꞉ iki pa꞉ta꞉ hau paeyao walieke. Kutupa ipikana꞉ma꞉ wala꞉la꞉ ekita꞉ yayapikieki dia꞉ya꞉la꞉pate ota꞉ekie. Koto ekina꞉ kota꞉ mo Sipitidima꞉ wala꞉la꞉eki opua pitolo hata꞉ make Ketiso pa꞉ta꞉ ta꞉ma꞉ni pu pelia hapeke ya꞉la꞉me.

Diudi 1:19

Do ika꞉ lokena꞉ hone pa꞉la꞉ hau manuma꞉ handeteke hata꞉ mo hande ka꞉taasa꞉ hau pu halememe. Ikita꞉ mo hande Sipitidi na pila꞉ wanda꞉halie.