Ma꞉tiu 25:1 - Panake Pi La: Ula: Buka pita: Kine Pieke Buka

¹ Yesuma꞉ alota꞉ Koto nate a꞉nda꞉ opolo epea꞉ka꞉na꞉ta꞉ mo hande hepenina꞉ Kilu Tombuao Hala꞉ ekina꞉ hauta꞉ do tupa꞉ pia꞉ka꞉na꞉ handilimikie. Nate ma꞉nda꞉na꞉ kiki yaapo wandiki tonu a꞉nda꞉ma꞉ wanda꞉ mulu pieke hali epeeke manda꞉hande pea handa꞉ mea ipuluekema꞉ ika꞉ ka꞉ta꞉sini ola꞉pake mea mina pemekeme.

Ma꞉tiu 25:1 Mawu Ofanana

Ma꞉tiu 13:24

Koto la paeyeketa꞉ Yesuma꞉ iki pa꞉ta꞉ onkoluma꞉ pi ma꞉nda꞉ta꞉ dupa leekeme. Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ epeke waemanu tande laa peekeme.

Ma꞉tiu 13:31

Yesuma꞉ta꞉ iki pa꞉ta꞉ onkoluma꞉ pi ma꞉nda꞉ la halolo hata꞉ alota꞉ Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ mo ki̱mi̱le̱ma꞉ handeke ale masidadi kiliki nokopa peekeme.

Ma꞉tiu 13:38

Kutupa mo e tupa꞉ta꞉ do kenkee. Mo epeke waemanu tupa꞉ta꞉ mo Koda꞉na꞉ Kilu Tombuao Hala꞉ pa꞉ta꞉ haleme wanda꞉halie. Mo hande hoke ambumanu tupa꞉ta꞉ mo hoke Sadanina꞉ wanda꞉halie.

Ma꞉tiu 13:47

Hepenina꞉ Kilu Tombuao Hala꞉ ekita꞉ do tupa꞉ make ya꞉la꞉me. Mandane ta꞉peli mu haleme haliwekima꞉ ika꞉ tenki nu tieke mea ikali lekena꞉ lopao ta꞉ta꞉ ta꞉ta꞉ piki ta꞉pelimanu paeyao wopu mondu haleme.

Ma꞉tiu 20:1

Mo hepenina꞉ Kilu Tombuao Hala꞉ ekita꞉ do tupa꞉e. Nate homeke ma꞉nda꞉na꞉ hali homeke ma꞉nda꞉ma꞉ mandane haliweki yenki haluekema꞉ ipikana꞉ma꞉ ipika꞉ waini pu e pokaena꞉yeke da ka꞉la꞉paaso siki weilu peekeme.

Ma꞉tiu 22:2

Mo hepenina꞉ Kilu Tombuao Hala꞉ ekina꞉ hau pa꞉la꞉ ekita꞉ do tupa꞉ pa꞉la꞉me. Nate homeke ma꞉nda꞉na꞉ mo kini hali homekema꞉ ipika꞉ eiyekena꞉ wanda꞉ hapita꞉la꞉ ne pambaluekema꞉ tikitiki yayekeme.

Ma꞉tiu 25:7

Koto leeketa꞉ mo wandiki tonu paeyao tiao ika꞉ ola꞉pake lankake honda꞉pa꞉ bepe pimikime.

Ma꞉tiu 3:2

Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Ma꞉tiu 9:15

Koto lemeke Yesuma꞉ iki pa꞉ta꞉ alota꞉ Wanda꞉ panake ta꞉ma꞉ni pita꞉la꞉ natena꞉ wanda꞉ tekehalima꞉ mo ipika꞉ wi leeke epemeke wanda꞉hali ame̱le̱ mandake hao haya꞉ka꞉na꞉ta꞉ ikana꞉ma꞉ ka꞉nda꞉ma꞉ homo halimikie hone witemepe. Dia꞉me. Koto pea꞉peke na ya꞉la꞉me. Pate ipiki mea polo pa꞉la꞉ nate ipilia꞉ natena꞉ta꞉ mo wanda꞉ teke halita꞉ iki ame̱le̱ na halieke. Koto natena꞉ta꞉ ikana꞉ma꞉ nee pi wilimikie.

Dioni 18:3

Koto ekina꞉ Diudasima꞉ta꞉ mandane ami haliweki make mo yeni peao haemeke you haliweki mo Pa꞉tisi haliweki yaapoma꞉ tapaemeke tembolo da handeteke haemeke haliweki make hande e pa꞉ta꞉ hatuku peekeme. Mo haliwekima꞉ ola꞉pake make a꞉ndelimanu make mutia pemekeme.

Dioni 3:29

mo wanda꞉ teke halina꞉ hameketa꞉ mandakena꞉ hata꞉ kone wanda꞉ teke halima꞉ lelie pi opitolo hata꞉ta꞉ ta꞉na꞉ma꞉ homilieke. Koto ekina꞉ yaka ta꞉na꞉ma꞉ homa꞉la꞉ ekita꞉ tumba ula꞉me laa

Aposolo 20:8

Kutupa nikana꞉ma꞉ momboloma꞉ da mandata꞉ lamepa wopu tea꞉me.

1 Kotindi 11:2

Ikana꞉ma꞉ hoto paeyao I̱ pa꞉ta꞉ hone wiata꞉ I̱ma꞉ iki pa꞉ta꞉ walolo ekimanu pu haleme ekina꞉ta꞉ I̱ma꞉ iki pi laasome.

2 Kotindi 11:2

Koda꞉ma꞉ iki pa꞉ta꞉ hone wopu witolo leke wia hala꞉ tupa꞉ I̱ma꞉ make iki pa꞉ta꞉ homeke hone wopu witolo hata꞉ leke wia halome. Ikita꞉ mo hande ma꞉nda꞉ma꞉ hakopu na tunkuliki pa hala꞉ moputali wandikima꞉ handelememe. Kutupa I̱ma꞉ koto wandikita꞉ ota꞉ hali homeke Ketisoma꞉ kone mina꞉ laa amba꞉ la꞉ ua꞉me.

2 Timodi 4:8

Koto ekina꞉ mo tikitiki pea haeme wanda꞉halima꞉ ika꞉ lombei pimiki ekina꞉ mea꞉peke yenki tieketa꞉ I̱ma꞉ putupiliki miono yeke pa ula꞉me. Do koto ya lombei polo ekina꞉ yenkita꞉ mo Tekehali nika꞉ tikitiki teli peaasa꞉ halima꞉ mo epolo pa꞉la꞉ nate tiekena꞉ I̱ pa꞉ta꞉ kilieke. Koto yenkita꞉ I̱ pa꞉ta꞉ homeke na kulu pa꞉la꞉pate pa mo mandane ipiki peneme yaena꞉ yeke pukima꞉ homolo handeteke hao haleme wanda꞉hali pa꞉ta꞉ tonka꞉na꞉ halieke.

Taitasi 2:13

mo hande ota꞉ ipilie nate opolo epena꞉e laa hone tulaasa꞉ hata꞉ yu wia haloma꞉me. Koto epolo pa꞉la꞉ nateta꞉ mo nika꞉ Koda꞉ tieke make da꞉taala꞉ hali Yesu Ketiso make ipilika꞉ pa̱a̱ tieke peneme yaasa꞉eki opolo ipilieke.

Peneme Yaeyekeeki 14:4

Ikita꞉ wanda꞉weki hakopu na tunkulimieki yaalo yakopiki haliweki haememe. Ikana꞉ma꞉ta꞉ mo Sipisipi Ma꞉na꞉ Ikiki pea꞉ pa꞉ta꞉ta꞉ telipaleke ombu haememe. Ikita꞉ kenke wanda꞉hali paeyao anka꞉lopuna꞉ epeaala꞉ tapakee. Ikita꞉ Koda꞉ pa꞉ta꞉ make mo Sipisipi Ma꞉na꞉ Ikiki pa꞉ta꞉ make titina꞉ halo pa꞉la꞉ tapakee.

Peneme Yaeyekeeki 19:7

Koto ekina꞉ niki paeyao ta꞉na꞉ma꞉ homomana꞉e. Ipika꞉ tieke hala꞉ ekina꞉ biki mea miniliamana꞉e. Pa ekipeke mo hande Sipisipi Ma꞉na꞉ Ikikina꞉ wanda꞉ mulu pa꞉la꞉ nateta꞉ opolo a꞉pa꞉la꞉me. Ipika꞉ panake wanda꞉ta꞉ mo ekina꞉ amba꞉ tikitiki yao hala꞉me.

Peneme Yaeyekeeki 21:2

Mo hande Yakopiki Daoni hande panake Diutuselemeta꞉ wanda꞉ma꞉ ipika꞉ haliki ma̱landi puluekema꞉ amu pea tikitiki yao ipulu pita꞉la꞉ tupa꞉ oli hepeni nanema꞉ Koda꞉ pa꞉ta꞉ yama꞉ opolo epea꞉eki handoa꞉me.

Peneme Yaeyekeeki 21:9

Mo hande paeyaaso watake hata꞉ ke handa꞉la꞉eki manuma꞉ tumbulu baake kawaso miniki haeme hande watake hata꞉ enisolo homekema꞉ I̱ pa꞉ta꞉ a꞉pa alota꞉ I̱ma꞉ mo hande Sipisipi Ma꞉na꞉ Ikikina꞉ ma꞉la꞉ wanda꞉ walono epoe lea꞉me.

Peneme Yaeyekeeki 4:5

Mo kini sea pa꞉ta꞉ yama꞉ta꞉ ti tekelemanu make a꞉ta꞉ a꞉ta꞉ piki tutu make mo tutu tieke lita꞉la꞉eki make yapea꞉me. Mo kini seana꞉ puki tikitikita꞉ watake hata꞉ ola꞉pakemanu talo haya꞉me. Kotota꞉ mo Koda꞉na꞉ watake hata꞉ sipitidimanu ya꞉me.

Peneme Yaeyekeeki 8:10

Kutupa mo tepo peao enisoloma꞉ ipika꞉ bu kanake lia꞉me. Kutu pieketa꞉ mo talo talo hake dosima꞉ handeke hombulanka꞉ tieke ya nanema꞉ lopa꞉niao mo ikali yopula꞉ ekimanu make opa꞉la꞉ ekimanu make tepo tekilipa homeke ma꞉nda꞉ manda lopea꞉me.