Ma꞉tiu 24:44 - Panake Pi La: Ula: Buka pita: Kine Pieke Buka

⁴⁴ Ikana꞉ma꞉ make koto pieke tupa꞉ kone hoto paeyao tikitiki yao hapa꞉peke. Pa ekipeke. Mo Wanda꞉halina꞉ Eiyeketa꞉ ikana꞉ma꞉ dupita꞉ma꞉ ipilieke hone na wilimi natena꞉ opolo ipilieke.

Ma꞉tiu 24:44 Mawu Ofanana

Ma꞉tiu 24:27

Mo Wanda꞉halina꞉ Eiyekena꞉ epolo pa꞉la꞉ ekita꞉ mo hande ti tekele pita꞉la꞉ ekima꞉ mo ya paeyao olina꞉ onina꞉ pa̱a̱ tieke pita꞉la꞉ tupa꞉ opolo ipilieke.

Ma꞉tiu 24:42

Koto ekina꞉ta꞉ ikana꞉ma꞉ta꞉ u na polu pitiki yu wia hapa꞉peke. Pa ekipeke mo ika꞉ Tekehalina꞉ epolo pa꞉la꞉ dita꞉ iki matelememe.

Ma꞉tiu 24:43

Da tekehali homekema꞉ pake nala꞉ halima꞉ pake noluekema꞉ do natena꞉ opolo ipilieke hone wia꞉ka꞉na꞉ yoluta꞉ kota꞉ ipika꞉ da yamba꞉laama꞉na꞉ alo u na piliki paa tiao yu wia halo pia꞉me.

Ma꞉tiu 25:10

Koto lemeketa꞉ hande hone wopu na wimiki wandiki tonuma꞉ iki mina꞉pa꞉lao mo ika꞉eki ta꞉ta꞉ hambuluekema꞉ pemekeme. Koto pemeke hoki naneta꞉ mo hande wanda꞉ mulu pieke some opolo epeekeme. Kutu pieke toma꞉na꞉ta꞉ mo hande hone wopu wia tikitiki yao haemeke yunki hata꞉ wandiki tonuta꞉ ipiki ame̱le̱ mo hande wanda꞉ mina꞉la꞉ ne noluekema꞉ mombelemeke pa꞉ta꞉ pua pota꞉ poka ne no pitulu pemekeme.

Ma꞉tiu 25:13

Yesuma꞉ koto pi lo a꞉mbolo hata꞉ alota꞉ Mo ika꞉ Tekehalina꞉ epolo pa꞉la꞉ nate di yaapo iki mateleke handaa loa꞉ma꞉ wopu handeteke hao hapa꞉peke leekeme.

Luku 12:39

Kutupa make doeki hone wotu wia꞉pa꞉peke. Mo da teke hali ma꞉nda꞉ma꞉ mo pake nala꞉ hali ma꞉nda꞉ epolo pa꞉la꞉eki amba꞉ handa꞉ wia꞉ka꞉na꞉ta꞉ kota꞉ koto someta꞉ oni ipika꞉ da yamba꞉la na yapena꞉ lelieke.

Luku 12:40

Iki make ota꞉ tikitiki yao hapa꞉peke. Pa ekipeke. Mo hande Wanda꞉halina꞉ Eiyeketa꞉ ipilieke hone na witolo halimi di nina꞉ ipilieke laa loa꞉me leekeme.

Luku 21:36

Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.

Pilipai 4:5

Wanda꞉hali paeyao pa꞉ta꞉ ika꞉ pilimi hau manuma꞉ta꞉ ika꞉ homu piki hau walo hapa꞉peke. Mo Tekehalita꞉ niki teke pa꞉ta꞉ hala꞉me.

Dia꞉mesi 5:9

Kametitio. Koda꞉ma꞉ iki pa꞉ta꞉ pi yokaalu peaapa꞉na꞉ ika꞉ kone pi la alualu na pea꞉pa꞉peke. Opua꞉pe. Hande pi yokaalu pulu pa꞉la꞉ hali Koda꞉ta꞉ pota꞉ kake pa꞉ta꞉ kone a꞉pa hala꞉me.

Peneme Yaeyekeeki 19:7

Koto ekina꞉ niki paeyao ta꞉na꞉ma꞉ homomana꞉e. Ipika꞉ tieke hala꞉ ekina꞉ biki mea miniliamana꞉e. Pa ekipeke mo hande Sipisipi Ma꞉na꞉ Ikikina꞉ wanda꞉ mulu pa꞉la꞉ nateta꞉ opolo a꞉pa꞉la꞉me. Ipika꞉ panake wanda꞉ta꞉ mo ekina꞉ amba꞉ tikitiki yao hala꞉me.