Biblia Todo Logo
Baibulo la pa intaneti

- Zotsatsa -




Ma꞉tiu 24:43 - Panake Pi La: Ula: Buka pita: Kine Pieke Buka

43 Da tekehali homekema꞉ pake nala꞉ halima꞉ pake noluekema꞉ do natena꞉ opolo ipilieke hone wia꞉ka꞉na꞉ yoluta꞉ kota꞉ ipika꞉ da yamba꞉laama꞉na꞉ alo u na piliki paa tiao yu wia halo pia꞉me.

Onani mutuwo Koperani




Ma꞉tiu 24:43
18 Mawu Ofanana  

Koto ekina꞉ da ka꞉la꞉puluekema꞉ okona꞉ Yesuta꞉ mo disaipolo haliweki haemeke alena꞉ poluekema꞉ ikali manda ankena꞉ peekeme.


Kutu mo wetepena꞉ yenki mimi haliwekima꞉ ika꞉ yenki meaata꞉ mo e pokaemeke teke hali pa꞉ta꞉ tulu tulu pi wopu alo hata꞉ alota꞉


Koto ekina꞉ta꞉ ikana꞉ma꞉ta꞉ u na polu pitiki yu wia hapa꞉peke. Pa ekipeke mo ika꞉ Tekehalina꞉ epolo pa꞉la꞉ dita꞉ iki matelememe.


Ikana꞉ma꞉ make koto pieke tupa꞉ kone hoto paeyao tikitiki yao hapa꞉peke. Pa ekipeke. Mo Wanda꞉halina꞉ Eiyeketa꞉ ikana꞉ma꞉ dupita꞉ma꞉ ipilieke hone na wilimi natena꞉ opolo ipilieke.


Koto lemeketa꞉ hande hone wopu na wimiki wandiki tonuma꞉ iki mina꞉pa꞉lao mo ika꞉eki ta꞉ta꞉ hambuluekema꞉ pemekeme. Koto pemeke hoki naneta꞉ mo hande wanda꞉ mulu pieke some opolo epeekeme. Kutu pieke toma꞉na꞉ta꞉ mo hande hone wopu wia tikitiki yao haemeke yunki hata꞉ wandiki tonuta꞉ ipiki ame̱le̱ mo hande wanda꞉ mina꞉la꞉ ne noluekema꞉ mombelemeke pa꞉ta꞉ pua pota꞉ poka ne no pitulu pemekeme.


Yesuma꞉ koto pi lo a꞉mbolo hata꞉ alota꞉ Mo ika꞉ Tekehalina꞉ epolo pa꞉la꞉ nate di yaapo iki mateleke handaa loa꞉ma꞉ wopu handeteke hao hapa꞉peke leekeme.


Koto ekina꞉ handeteke hapa꞉peke. Hande da teke halina꞉ epolo pa꞉la꞉ dita꞉ iki mata꞉la꞉me. Timba꞉ timba꞉ alo haena꞉pe o buta꞉ hokina꞉pe o koka꞉la꞉ e̱ alo haena꞉pe o da ka꞉la꞉paaso nanepe.


Yesuma꞉ handaata꞉ ipika꞉ disaipolo haliwekima꞉ deli awolo hata꞉ po tieke wenoko nane epeeke handaa weleke we pimikieki handeekeme. Koto ekina꞉ da ka꞉la꞉puluekema꞉ okona꞉ Yesuta꞉ mo haliweki haemeke alena꞉ poluekema꞉ ikali manda ankena꞉ peekeme. Lombei pu pa poluekema꞉ hone wiekepate


Kutupa make mo you halita꞉ buta꞉ hokina꞉ o hoki nane kone epea꞉ka꞉na꞉ ikana꞉ma꞉ tiki tiki yao ipiki yu wia pilimieki handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie.


Kutupa make doeki hone wotu wia꞉pa꞉peke. Mo da teke hali ma꞉nda꞉ma꞉ mo pake nala꞉ hali ma꞉nda꞉ epolo pa꞉la꞉eki amba꞉ handa꞉ wia꞉ka꞉na꞉ta꞉ kota꞉ koto someta꞉ oni ipika꞉ da yamba꞉la na yapena꞉ lelieke.


Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.


Opie. I̱ta꞉ pake nala꞉ hali leke ipulueke. U̱ na peliki hata꞉ ipika꞉ aka꞉manu wopu handeteke hao hale someta꞉ ta꞉na꞉ma꞉ homilieke. Ipikita꞉ paa tia pominolo hata꞉ wanda꞉hali leke popelekena꞉ yaala꞉ meaapa꞉na꞉yeke pita꞉la꞉me.


Hande iki walea꞉eki opimi ekimanu niminaaso hata꞉ opua ika꞉ hoke haumanu pa꞉ta꞉ a̱i̱ hoki walaapee. Iki a̱i̱ na tiaemeka꞉na꞉ta꞉ kota꞉ I̱ta꞉ iki pa꞉ta꞉ pake nala꞉ hali leke opolo ipulueke. Kutupa ikana꞉ma꞉ta꞉ I̱ epolo polo nateta꞉ hone na wilimikie.


Titsatireni:

Zotsatsa


Zotsatsa