Ma꞉tiu 24:30 - Panake Pi La: Ula: Buka pita: Kine Pieke Buka

³⁰ Kutu pilia꞉ natena꞉ta꞉ mo Wanda꞉halina꞉ Eiyekena꞉ epolo pa꞉la꞉ patehauta꞉ oli yana꞉ peneme yaalieke. Kutu pilia꞉eki wanda꞉hali paeyaoma꞉ handolo hata꞉ e̱ tieke lelimikie. Ikana꞉ma꞉ mo Wanda꞉halina꞉ Eiyekema꞉ koa manda ha mea ipulu hata꞉ ipika꞉ wele wotu pita꞉la꞉eki make pa̱a̱ tieke pita꞉la꞉eki make mea opolo ipilia꞉eki handilimikie.

Ma꞉tiu 24:30 Mawu Ofanana

Ma꞉tiu 24:3

Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.

Ma꞉tiu 24:37

Hande Noana꞉ natena꞉ pimiki tupa꞉ta꞉ hande Wanda꞉halina꞉ Eiyeke epea꞉ka꞉na꞉ make mandake hau kone pilimikie.

Ma꞉tiu 24:39

Koto wanda꞉halima꞉ta꞉ wetepe epolo pieke hau manuta꞉ hone na wiki pa ika꞉ hone pieke haumanu pua꞉tiki pulu haena꞉ hande ikali tieke taa ipulu iki paeyao handa꞉pa꞉la꞉ mea peekeme. Mo hande Wanda꞉halina꞉ Eiyeke opolo ipuluta꞉ koto piekeeki kone pilieke.

Ma꞉tiu 26:64

Yesuma꞉ hombo peaaso alota꞉ Koto aletaa leekeme. I̱ma꞉ iki paeyao pa꞉ta꞉ alome. Wetepena꞉ta꞉ mo Wanda꞉halina꞉ Eiyeketa꞉ mo wele pita꞉la꞉ Koda꞉na꞉ popeke nane kikina꞉ pitilia꞉eki make hando ya nane koa tukiki pa꞉ta꞉ hola꞉pa꞉niao ipilia꞉eki make ikana꞉ma꞉ hando pilimikie leekeme.

Maka 13:26

Koto natena꞉ta꞉ Wanda꞉halina꞉ Eiyeketa꞉ koa tukiki pa꞉ta꞉ hata꞉ wele wotu pitolo hata꞉ make pa̱a̱ tieke pitolo hata꞉ make epolo pa꞉la꞉eki handilimikie leekeme.

Maka 13:4

La kie lemekeme. Hande le ekita꞉ handima꞉ ipiliepe laa lota꞉ pimikime. Kutupa ipuluekema꞉ haena꞉ eki hau pulu pa꞉la꞉eki handuluma꞉pe laa lota꞉ pimikime.

Luku 21:27

Koto tomona꞉ kone Wanda꞉halina꞉ Eiyeketa꞉ oli koa pa꞉ta꞉ honkopu tieke make pa̱a̱ peaasa꞉eki ame̱le̱ opolo ipilieke.

Luku 22:69

Koto pa꞉la꞉pate ame do kini pea puaata꞉ hande Wanda꞉halina꞉ Eiyeketa꞉ oli wele wotu piki Koda꞉na꞉ popeke nane kikina꞉ pua pitu halieke leekeme.

Aposolo 1:11

Ka꞉lili haliwekio. Do pa꞉ta꞉ hata꞉ ya pa꞉ta꞉ ombu ekipeke handa꞉liao halemepe lepekeme. Do iki mina꞉pa꞉lao ya nane pula꞉ Yesuta꞉ paa ipulu make do ya nane puleke handa handeleme tupa꞉ kone paa ipilia꞉eki make koto tupa꞉ kone ipiliekee lepekeme.

2 Desalonaika 1:7

Kutupa iki niki paeyaona꞉ ka꞉nda꞉ pa꞉la꞉eki ipikana꞉ma꞉ yoka꞉ mea baalieke. Koda꞉ma꞉ kutu piki hauta꞉ Tekehali Yesu ipika꞉ honkopu tieke haasa꞉ enisolomanu tonka꞉na꞉ hepeni mina꞉pa꞉lao opolo epemeka꞉na꞉ kutu pilieke.

Peneme Yaeyekeeki 1:7

Ipikita꞉ ya hapi manda oli ipula꞉ handa꞉e. Paeyaoma꞉ handilimikie. Mo ipiki ikoko lia doloma꞉ awemeke haliwekina꞉ make loa꞉me. Kutupa do kenkena꞉ hala꞉ wanda꞉hali paeyaoma꞉ta꞉ ipiki handolo hata꞉ e̱ tieke lelimikie. Koto ekina꞉ta꞉ kutu pilieke.

Peneme Yaeyekeeki 12:1

Kutupa ta꞉ta꞉ ma꞉nda꞉ pea hone mateke hau tieke oli yana꞉ opolo epea꞉me. Wanda꞉ homeke koto pa꞉ta꞉ pitia꞉me. Ipika꞉ dauta꞉ mo nate yamea꞉me. Kutupa mo kaisepota꞉ ipika꞉ anke oto pa꞉ta꞉ wia kutupa ipika꞉ you aka꞉ta꞉ kiki yaapona꞉ ankena꞉ yaapo hombulanka꞉ pambaeya꞉me.