Ma꞉tiu 24:29 - Panake Pi La: Ula: Buka pita: Kine Pieke Buka

²⁹ Koto ka꞉nda꞉manu milimi natemanu paelia꞉ hoki naneta꞉ oli natema꞉ timba꞉ lo pamba hao make sumba꞉na꞉ pa̱a̱ make na pilieke. Kutaa oli yana꞉ hombulanka꞉manu make ya nane hao honda꞉ papa pu lopa꞉tiki pilieke. Kutaa oli ya nane wele peaasa꞉ ekimanu make la꞉ma꞉ la꞉ma꞉ pupa wilimikie.

Ma꞉tiu 24:29 Mawu Ofanana

2 Pida 3:10

Koto pa꞉la꞉pate Tekehalina꞉ Nateta꞉ mo hande pake nala꞉ hali ipula꞉ tupa꞉ ipilieke. Koto Natena꞉ta꞉ oli yata꞉ pututu piki e̱ wi laa alupilieke. Oli yana꞉ hala꞉ ale manuta꞉ tima꞉ taa hoeyaota꞉ do kenke make kenke pa꞉ta꞉ ula꞉ ale paeyao make taa alupaalieke.

Peneme Yaeyekeeki 8:12

Kutupa mo tonkopu enisoloma꞉ ipika꞉ bu kanake lia꞉me. Kutu pieketa꞉ nate make kaisepo make hombulanka꞉manu make tepo tekilipa homeke ma꞉nda꞉ manuta꞉ lu tondo peaya꞉eki yaalo ika꞉ pa̱a̱ peaasa꞉ ekita꞉ tepo tekilipa homeke ma꞉nda꞉ta꞉ alupaememe. Kutupa mo natepata꞉ tepo tekilipa homeke ma꞉nda꞉ pa꞉ta꞉ta꞉ pa̱a̱ na pia꞉me. Timba꞉ ala꞉eki make homeke hau kone pia꞉me.

Ma꞉tiu 24:21

Koto nate manuna꞉ ka꞉nda꞉ma꞉ homa꞉la꞉eki manuta꞉ ota꞉ hone matekeeki ipilieke. Amba꞉ hande Koda꞉ma꞉ ala꞉ta꞉ ala꞉ta꞉ kini pea wepia wina꞉ leeke dina꞉ kini pu mea a꞉pa ame do haloma꞉ dina꞉ make wanda꞉halima꞉ kutupiki ka꞉nda꞉ ma꞉nda꞉ ota꞉ na handemekeme. Wetepe koto hoki nane make kutu piki ka꞉nda꞉ma꞉ homa꞉la꞉eki ma꞉nda꞉ na ipilieke.

Ma꞉tiu 24:8

Kutu piki patehau manuta꞉ mo hande wanda꞉na꞉ weki hoki kini pea nala꞉eki manda꞉ pilieke.