Ma꞉tiu 24:27 - Panake Pi La: Ula: Buka pita: Kine Pieke Buka

²⁷ Mo Wanda꞉halina꞉ Eiyekena꞉ epolo pa꞉la꞉ ekita꞉ mo hande ti tekele pita꞉la꞉ ekima꞉ mo ya paeyao olina꞉ onina꞉ pa̱a̱ tieke pita꞉la꞉ tupa꞉ opolo ipilieke.

Ma꞉tiu 24:27 Mawu Ofanana

Ma꞉tiu 16:27

Wanda꞉halina꞉ Eiyeke ipika꞉ Atekena꞉ pa̱a̱ taapuna꞉ ipika꞉ enisolo hatuku a̱i̱ kutaa kone ipilieke. Kutaata꞉ wanda꞉hali homeke homekema꞉ ika꞉ pu haeme hau manuna꞉ ana꞉ piki yenki kone iki pa꞉ta꞉ hale hale pilieke.

Ma꞉tiu 16:28

I̱ma꞉ iki pa꞉ta꞉ ota꞉ pi la kitolo alome. Wanda꞉halina꞉ Eiyeketa꞉ Kini hali hata꞉ epolo pa꞉la꞉eki handuluekema꞉ do haleme mandane wanda꞉hali ikita꞉ ambi na homeke pa halimikie alome leekeme.

Ma꞉tiu 24:26

Pa mandane wanda꞉halima꞉ make iki pa꞉ta꞉ alo hata꞉ Ei. Ipikita꞉ oli hapu hala꞉ alena꞉ hala꞉me lemeka꞉na꞉ make koto pa꞉ta꞉ na pua꞉peke. O pa ma꞉nda꞉ma꞉ alota꞉ Ipikita꞉ do pa꞉ta꞉ panka꞉ pila꞉me lemeka꞉na꞉ make ika꞉ pi ota꞉ na opua꞉pa꞉peke.

Ma꞉tiu 24:3

Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.

Ma꞉tiu 24:37

Hande Noana꞉ natena꞉ pimiki tupa꞉ta꞉ hande Wanda꞉halina꞉ Eiyeke epea꞉ka꞉na꞉ make mandake hau kone pilimikie.

Ma꞉tiu 24:39

Koto wanda꞉halima꞉ta꞉ wetepe epolo pieke hau manuta꞉ hone na wiki pa ika꞉ hone pieke haumanu pua꞉tiki pulu haena꞉ hande ikali tieke taa ipulu iki paeyao handa꞉pa꞉la꞉ mea peekeme. Mo hande Wanda꞉halina꞉ Eiyeke opolo ipuluta꞉ koto piekeeki kone pilieke.

Ma꞉tiu 24:44

Ikana꞉ma꞉ make koto pieke tupa꞉ kone hoto paeyao tikitiki yao hapa꞉peke. Pa ekipeke. Mo Wanda꞉halina꞉ Eiyeketa꞉ ikana꞉ma꞉ dupita꞉ma꞉ ipilieke hone na wilimi natena꞉ opolo ipilieke.

Ma꞉tiu 8:20

Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.

Dia꞉mesi 5:8

Kutupa iki make handeteke hapa꞉peke. Tekehalina꞉ epolo pa꞉la꞉ nate koto kone ya꞉leke handa ika꞉ puki hana꞉ noka꞉pa hapa꞉peke.

2 Pida 3:4

Ipikita꞉ ipulueke pita꞉ na la꞉ wiekea. Ameta꞉ ipikita꞉ handoka꞉ta꞉pe. Nika꞉ apa꞉ amedata꞉ amba꞉ koto homelemepate pa mo ala꞉ta꞉ ala꞉ta꞉ paeyaota꞉ amba꞉ mo hande kenke ya wepitolo wieke tupa꞉ kone hande mande laa pa do ula꞉taa laa lelimikie.