Ma꞉tiu 24:21 - Panake Pi La: Ula: Buka pita: Kine Pieke Buka

²¹ Koto nate manuna꞉ ka꞉nda꞉ma꞉ homa꞉la꞉eki manuta꞉ ota꞉ hone matekeeki ipilieke. Amba꞉ hande Koda꞉ma꞉ ala꞉ta꞉ ala꞉ta꞉ kini pea wepia wina꞉ leeke dina꞉ kini pu mea a꞉pa ame do haloma꞉ dina꞉ make wanda꞉halima꞉ kutupiki ka꞉nda꞉ ma꞉nda꞉ ota꞉ na handemekeme. Wetepe koto hoki nane make kutu piki ka꞉nda꞉ma꞉ homa꞉la꞉eki ma꞉nda꞉ na ipilieke.

Ma꞉tiu 24:21 Mawu Ofanana

Ma꞉tiu 24:20

Koto pilia꞉ dina꞉ta꞉ mo kosa꞉ki make hoto pila꞉ nate make na ipu pina꞉ma꞉ yeni wopu pea꞉pa꞉peke.

Ma꞉tiu 24:29

Koto ka꞉nda꞉manu milimi natemanu paelia꞉ hoki naneta꞉ oli natema꞉ timba꞉ lo pamba hao make sumba꞉na꞉ pa̱a̱ make na pilieke. Kutaa oli yana꞉ hombulanka꞉manu make ya nane hao honda꞉ papa pu lopa꞉tiki pilieke. Kutaa oli ya nane wele peaasa꞉ ekimanu make la꞉ma꞉ la꞉ma꞉ pupa wilimikie.

Maka 13:9

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

Luku 21:24

Mandane wanda꞉halita꞉ kepete dolo manuma꞉ lu homao mandaneta꞉ mandane kenke yu ma꞉nda꞉ nane dipula leke mea pua kutupa mo Diendaili wanda꞉halima꞉ta꞉ Diutuseleme tumbuatia pua ika꞉ nate mulu epea꞉ka꞉na꞉ mina꞉pa꞉lalimikie.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.

Peneme Yaeyekeeki 16:18

Kutupa ti tekelemanu make a꞉ta꞉ a꞉ta꞉ piki tutumanu make tutu tiekemanu make ota꞉ hoke yu momeni make pia꞉me. Amba꞉ hali wepia kini pea a꞉pa ame do make kutupiki yu momeni na pa꞉la꞉pate do yu momeni homeketa꞉ paeyao ankulake ota꞉ hoke ta꞉ta꞉ ma꞉nda꞉ pikieki ya꞉mee.

Peneme Yaeyekeeki 7:14

I̱ma꞉ alota꞉ Someo. I̱ hone na ulupate nakana꞉ma꞉ta꞉ hone wilime loa꞉me. Ipikana꞉ma꞉ I̱ pa꞉ta꞉ alota꞉ Ikita꞉ mo hande ota꞉ hoke tanda pa꞉ta꞉ yama꞉ kone epeke tupa꞉ epeleme wanda꞉halie lea꞉me. Ikana꞉ma꞉ta꞉ ika꞉ aka꞉ manuta꞉ mo Sipisipi Ma꞉na꞉ Ikikina꞉ wema꞉ tanda꞉pa hake peao pelememe.