Ma꞉tiu 24:15 - Panake Pi La: Ula: Buka pita: Kine Pieke Buka

¹⁵ Amba꞉ potopede hali Da꞉nielema꞉ ipilieke laa la꞉ wieke yeke hoke hoeyaapeke yeke ale ma꞉nda꞉ handilimikie. Koto aleta꞉ mo hande hoke ale ma꞉nda꞉ wia꞉peke na yeke yako piki da panda꞉ tiao halia꞉eki handilimikie. Do wape yata꞉pa꞉la꞉ halima꞉ hone ota꞉ wopu wina꞉e.

Ma꞉tiu 24:15 Mawu Ofanana

Ma꞉tiu 24:16

Koto dina꞉ta꞉ mo Diudia nane halo peleme wanda꞉halita꞉ mo potemanu pa꞉ta꞉ pindipa pena꞉e.

Maka 13:14

Hoeyaapeke ya꞉la꞉ aleta꞉ mo hoke ale wia꞉peke na ya꞉la꞉ alena꞉ mea wia haena꞉ handemeka꞉na꞉ta꞉ Do pi yata꞉pa꞉la꞉ halima꞉ hone wina꞉e mo Diudia nane halo peleme wanda꞉halita꞉ mo potemanu pa꞉ta꞉ pindipa pena꞉e leekeme.

Luku 19:43

Nate ma꞉nda꞉ a꞉nda꞉na꞉ta꞉ naka꞉ a꞉nda꞉ tunkuliki haliweki a꞉pa a꞉nda꞉ pape tieke tieke hopa꞉liao pokaata꞉ naka꞉ pota꞉ poka꞉niao pitilimikie. A꞉nda꞉ puluekema꞉ta꞉ mandane mandane a꞉pa dupalimikie.

Luku 21:20

Ikana꞉ma꞉ mo Diutuseleme da a꞉nda꞉ ami titima꞉ dupasa꞉eki handemeka꞉na꞉ta꞉ kota꞉ ikana꞉ma꞉ta꞉ teke pa꞉ta꞉ ipiki hoeyaalieke hone wilipikie.

Dioni 11:48

Pa pina꞉ paoma꞉ka꞉na꞉ta꞉ wanda꞉hali paeyaoma꞉ ipiki pa꞉ta꞉ hone tulaalimikie. Kutupa make mo Loma꞉ haliwekima꞉ a꞉paata꞉ nika꞉ tembolo da make nika꞉ tapake make telipina꞉ hoeyaalimikie lemekeme.

Aposolo 21:28

Isulai haliwekio. A꞉pa niki pa꞉ta꞉la꞉pe lemekeme. Nika꞉ wanda꞉hali pa꞉ta꞉ make mo hande Lo Pimanu pa꞉ta꞉ make do da pa꞉ta꞉ make wanda꞉hali paeyaoma꞉ hoke hone wina꞉yeke la꞉tia pomina꞉la꞉ hali doe lemekeme. Kutupa make do tembolo da tukiki pa꞉ta꞉ Kitiki haliweki hatuku a꞉paata꞉ do pi ula꞉ da amba꞉ hoeyaeya꞉ka꞉ta꞉me laa lemekeme.

Aposolo 6:13

Kutupa hande la꞉ wimiki tupa꞉ mo yayapiki wekitisi haliwekima꞉ tiao alota꞉ Do halita꞉ do yakopiki tembolo da pa꞉ta꞉ make hande Lo Pimanu pa꞉ta꞉ make hoke pi lo hala꞉ halie lemekeme.

Hibulu 2:1

Koto ekina꞉ta꞉ niki ipilipa lopa mo opuma꞉ ota꞉ pimanu mina꞉pa꞉lao puaama꞉na꞉ma꞉ koto pita꞉ hone ota꞉ wopu wia miniki hamana꞉ pea꞉peke alee.

Peneme Yaeyekeeki 1:3

Ma꞉nda꞉ epima꞉ do buka pa꞉ta꞉ la꞉ ula꞉ ekimanu ipula꞉ ekita꞉ Koda꞉ma꞉ ota꞉ epeaasa꞉me. Kutupa make epi amedama꞉ do la꞉ ula꞉ pimanu opitolo hata꞉ ika꞉ puki tukiki nane mendimika꞉na꞉ta꞉ ikita꞉ Koda꞉ma꞉ ota꞉ epeaasa꞉me. Pa ekipeke do haumanu pulu pa꞉la꞉ nateta꞉ teke pa꞉ta꞉ ya꞉leke loa꞉me.

Peneme Yaeyekeeki 3:22

Haleke haemeka꞉na꞉ta꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me.