Ma꞉tiu 24:14 - Panake Pi La: Ula: Buka pita: Kine Pieke Buka

¹⁴ Kutaata꞉ do Koda꞉na꞉ Kilu Tombuao Hala꞉ ekina꞉ Pi Seliapota꞉ kenke honiki honiki paeyao pa꞉ta꞉ haleme wanda꞉halima꞉ opina꞉ walo pelimikie. Ana꞉na꞉ walo paeyaalimi toma꞉na꞉ta꞉ kota꞉ mo paelo pa꞉la꞉ nate opolo ipilieke.

Ma꞉tiu 24:14 Mawu Ofanana

Ma꞉tiu 10:7

Kutupa iki puaata꞉ dupiki pi lapa꞉peke Mo hande Hepenina꞉ Kilu Tombuao Hala꞉ ekita꞉ iki teke pa꞉ta꞉ ta a꞉pa hala꞉ handa꞉pe lapa꞉peke.

Ma꞉tiu 18:19

Pa ameta꞉ do pi make apa꞉taaso iki pa꞉ta꞉ alome. Iki paeyao tukiki pa꞉ta꞉ epi yaapo a꞉nda꞉ma꞉ mo pea꞉peke hau homeke a꞉nda꞉ do pate puluekema꞉ epena꞉e laa homeke hone wia hata꞉ yeni pipika꞉na꞉ta꞉ kota꞉ oli ya hepeni hala꞉ Apa꞉ma꞉ opua ipilika꞉ hone pa꞉la꞉ ekita꞉ ota꞉ peawalieke.

Ma꞉tiu 24:3

Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.

Ma꞉tiu 24:6

Ikana꞉ma꞉ a꞉nda꞉ tiekemanu pita꞉la꞉me lelimi ota꞉ pimanu make pa hameke pi lelimi ekimanu make wopu opulu pelemepate ikana꞉ma꞉ pa pomoma꞉ na homa꞉pa꞉peke. Kutupiki hau manuta꞉ ota꞉ epolo pa꞉la꞉pate pa mo yu ya paelo pa꞉la꞉ ekina꞉ patehau dia꞉me.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Ma꞉tiu 9:35

Yesuma꞉ta꞉ koto pa꞉ta꞉ haemeke da paeyao pa꞉ta꞉manu pomu lopeekeme. Ika꞉ teke da tieke pa꞉ta꞉ make ika꞉ da teke pa꞉ta꞉manu make pomu lopo piekeme. Kutaata꞉ ika꞉ yeni pu haemeke damanu pa꞉ta꞉ make pi walo hayekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ make mo ta꞉ta꞉ ta꞉ta꞉ piki yeni haemeke wanda꞉halina꞉ yeni tekemanu tonka꞉na꞉ wamo peatiki pomu hayekeme.

Maka 13:10

Kutu puluekema꞉ haena꞉ titina꞉ amba꞉la mandane wanda꞉halima꞉ mo hande Pi Seliapo kenke ma꞉nda꞉ kenke ma꞉nda꞉ wanda꞉hali paeyao pa꞉ta꞉ walimikie leekeme.

Luku 2:1

Mo Sisa Okasitasima꞉ ipika꞉ kilu tombuao hayeke da wanda꞉hali paeyaona꞉ bikimanu wape pina꞉yeke momba꞉lapa꞉peke laa leekeme.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Luku 4:5

Kutupa mo Sadanima꞉ Yesu oli manda hatuku pua mo kenkena꞉ kilu tombuao hala꞉ ekimanu paeyao siki ti tekele pea ipiki pa꞉ta꞉ waleekeme.

Aposolo 1:2

Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.

Aposolo 11:28

Kutupa homeke halita꞉ Akipasima꞉ mo Holi Sipitidima꞉ la halolo haena꞉ tiao alota꞉ Tea꞉ ki tieke kenke paeyao nane ipilieke laa waleekeme. Kutupa mo Kolodiusima꞉ Sisa hayeke natena꞉ kutu piekeme.

Aposolo 17:31

Pa ekipeke ipikana꞉ma꞉ nate amba꞉ wiaeyeke handa ala꞉me. Koto natena꞉ ipika꞉ haena꞉ la꞉la꞉ hali homekema꞉ kenke wanda꞉hali paeyao pa꞉ta꞉ pi yokaalu tikitikina꞉ pina꞉ lelieke leekeme. Kutu pulu pa꞉la꞉ ekita꞉ wanda꞉hali paeyaoma꞉ opua Ota꞉ekie hone wina꞉yeke mo hande halita꞉ homa peneme yao paa mea tiaeyekeme laa leekeme.

Aposolo 17:6

Kutupa na handa꞉ wieke handaata꞉ Dieisoni make mandane Ketiso haliweki make yola pua mo daonina꞉ ka̱le̱sete haliweki pa꞉ta꞉ wala wi la alota꞉ Hande kenke paeyao la꞉ka꞉la꞉ mina꞉la꞉ haliwekima꞉ do pa꞉ta꞉ make ipulimime.

Aposolo 19:27

Kutupa nika꞉ bisinisina꞉ hoke biki wiaapa꞉na꞉ homeke dia꞉ya꞉la꞉pate mo hande koda꞉wanda꞉ Atemisina꞉ toopima꞉ a꞉eya꞉la꞉ yeni hau pita꞉la꞉ da make pa aleta꞉ ma꞉nda꞉ma꞉ handilieke laata꞉ kutupa ipika꞉ pu hala꞉eki make hoeyaalieke. Mo hande Eisia wanda꞉hali make do kenke honiki honiki pa꞉ta꞉ haleme wanda꞉halima꞉ make do koda꞉wanda꞉ pa꞉ta꞉ yeni pu halemepate dia꞉me dupiki hau pilieke leekeme.

Aposolo 20:25

Kutupa ameta꞉ opua꞉pe. Iki paeyao pa꞉ta꞉ pominolo hata꞉ Koda꞉na꞉ Kilu Tombuao Hala꞉eki waloendi pu haowa꞉pate I̱ma꞉ handolome. Ya leke mineke paa na handilimikie lea꞉me.

Loma꞉ 10:18

Kutu pitelemepate I̱ma꞉ lota꞉ pitoloeki dupae. Hande pita꞉ wanda꞉halima꞉ na opelememe ala꞉ ekita꞉ ota꞉ alemepe. Dia꞉me amba꞉ opimime. Hande Baibolo bukana꞉ wape pa꞉la꞉ ekita꞉ dupa Mo pi mea puaaseme haliwekina꞉ kakema꞉ lemeke pi manuta꞉ kenke paeyao pa꞉ta꞉ amba꞉ pa꞉la꞉me. Ikana꞉ma꞉ lemeke pi manuta꞉ kenke honiki pa꞉ta꞉ haleme wanda꞉halima꞉ amba꞉ opelememe laa wape pa꞉la꞉me.

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

Kolosi 1:6

Mo Pi Seliapoma꞉ta꞉ mo kenke honiki honiki paeyao pa꞉ta꞉ putupolo hata꞉ kiliki a꞉etolo ombu hala꞉me. Do homeke Pi Seliapota꞉ ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉eki titina꞉ opimi natena꞉ pia꞉ tupa꞉ kone kini pea a꞉pa ame do teke handa꞉ wilimi natena꞉ make pa a꞉etolo ombu hala꞉me.

Hibulu 1:6

Kotoeki na piekepate ipika꞉ mupeke weki do kenkena꞉ tapaalo pieke ekina꞉ta꞉ pi dupa leekeme. Mo Koda꞉na꞉ enisolo tonu paeyaoma꞉ta꞉ mo Weki pa꞉ta꞉ panda꞉ puniaaso ipika꞉ biki yeiya꞉ lalimikie leeke pateta꞉

Hibulu 2:5

Do ipilieke lo haloma꞉ kenke panakeeki handeteke haena꞉ta꞉ Koda꞉ma꞉ enisolomanu na mea haena꞉ la꞉la꞉me.

Peneme Yaeyekeeki 14:6

Kutupa enisolo ma꞉nda꞉ oli ya manda a̱e̱nolo hata꞉ do kenke wanda꞉hali paeyao pa꞉ta꞉ mo pa u hala꞉ Pi Seliapo laluekema꞉ pia꞉me. Mo wanda꞉halita꞉ tutu ta꞉ta꞉ ta꞉ta꞉ make tapake ta꞉ta꞉ ta꞉ta꞉ make kapomani eleke elekema꞉ handeteke hala꞉ kenke make paeyao pa꞉ta꞉ loluekema꞉ pieke handoa꞉me.

Peneme Yaeyekeeki 16:14

Ikita꞉ mo na handeke haumanu pu haleme hoke temokomanue. Mo hoke temoko tepoma꞉ta꞉ do kenke honiki paeyao pa꞉ta꞉ hala꞉ kinimanu pua hatuku mea a꞉pa mo Wele Wopupiki Koda꞉na꞉ Aneke natena꞉ a꞉nda꞉ pina꞉ yeke pimikime.

Peneme Yaeyekeeki 3:10

Mo kenkena꞉ haleme wanda꞉hali paeyao la handuluekema꞉ ipula꞉ ka꞉nda꞉manu pa꞉ta꞉ta꞉ I̱ma꞉ iki handeteke halueke. Pa ekipeke ikana꞉ma꞉ta꞉ mo ka꞉nda꞉ pa꞉la꞉eki pa꞉ta꞉ hata꞉ kone kima꞉ na homeke honkopu hao hapa꞉peke laa la꞉ ua꞉ ekita꞉ na mina꞉pa꞉lake pa pea꞉tiki peleme ekina꞉ loa꞉me.