Ma꞉tiu 24:12 - Panake Pi La: Ula: Buka pita: Kine Pieke Buka

¹² Kenke paeyao pa꞉ta꞉ hoke hoke haumanu opa daeyatiki pea꞉ka꞉na꞉ta꞉ kota꞉ wanda꞉halina꞉ a꞉ta꞉ma꞉ homa꞉la꞉ hau manuta꞉ alupilieke.

Ma꞉tiu 24:12 Mawu Ofanana

Ma꞉tiu 24:11

Koto mandake dina꞉ koneta꞉ yayapiki pi walaasa꞉ potopede haliweki wopu tiaaso hata꞉ wanda꞉hali wopu makealieke.

Ma꞉tiu 24:13

Kutu polo haena꞉ kone pa mo hone tulaasa꞉ some epima꞉ ota꞉ hone tulaatiki pu haya꞉ka꞉na꞉ta꞉ kota꞉ koto someta꞉ da꞉ta haena꞉ tamba꞉ milieke.

Dia꞉mesi 1:21

Koto ekina꞉ keke loluekema꞉ hoke hone wita꞉la꞉ haumanu paeyao make daeyatia pulu hata꞉ hoke hau pita꞉la꞉ ekimanu paeyao make ota꞉ mina꞉pa꞉laota꞉ kutupa Koda꞉ pa꞉ta꞉ homu pea hata꞉ neke mea da꞉taapeke ya꞉la꞉ pi alemanu ipikana꞉ma꞉ ika꞉ puki pa꞉ta꞉ noka꞉paeya꞉ka꞉na꞉ta꞉ ota꞉ mea mendia꞉pa꞉peke.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.

Peneme Yaeyekeeki 3:15

I̱ma꞉ ika꞉ peleme hau manuta꞉ hone ulume. Iki titipu make kosa꞉ make na pa꞉la꞉me laa hone ulume. Ikita꞉ titipu make kosa꞉ make ma꞉nda꞉ hondo pina꞉e hone witolopate