Ma꞉tiu 23:8 - Panake Pi La: Ula: Buka pita: Kine Pieke Buka

⁸ Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Ma꞉tiu 23:8 Mawu Ofanana

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Ma꞉tiu 23:10

Kutaa make wanda꞉halima꞉ iki pa꞉ta꞉ You halie pi na lena꞉ lapa꞉peke. Pa ekipeke. Ketiso homeketa꞉ ika꞉ you hali hala꞉me.

Ma꞉tiu 23:7

Makedi hama mombili ale nina꞉ wanda꞉halima꞉ iki manda꞉hande pitolo ika꞉ bikimanu mea a꞉meiyaluekema꞉ Disao. Epeke da ka꞉la꞉paasoe la꞉tiki pina꞉ ta꞉na꞉ma꞉ wopu homelememe.

Ma꞉tiu 26:25

Kutupa mo a꞉nda꞉ lombeke hali Diudasima꞉ Yesu pa꞉ta꞉ alota꞉ Wala꞉la꞉ halio. Nakana꞉ma꞉ le pita꞉ I̱ pa꞉ta꞉ lepe leeke Yesuma꞉ hombo peaaso alota꞉ Koto aletaa leekeme.

Ma꞉tiu 26:49

Amba꞉ koto laa wieke tupa꞉ ipikana꞉ma꞉ tikitiki a̱i̱ koto kone Yesu teke pa꞉ta꞉ opolo ipulu alota꞉ Wala꞉la꞉ halio. Neketa꞉ epeke timba nane laata꞉ ipiki hopula꞉ mea nunu piekeme.

Maka 10:51

Yesuma꞉ ipiki pa꞉ta꞉ alota꞉ Eki peaano hone pa꞉la꞉pe leekeme. Mo leke holupiki halima꞉ ipiki pa꞉ta꞉ alota꞉ Tekehalio. Ya leke yaapo ki laae leekeme.

Maka 11:21

Pidama꞉ hone wia ipiki pa꞉ta꞉ alota꞉ Tekehalio. Handa꞉e. Nakana꞉ma꞉ pima꞉ kone hoeyaeye nose ti koto hapua hala꞉ handa꞉e leeketa꞉

Maka 14:45

Kutupa Diudasima꞉ a꞉paata꞉ kutaa kone Yesu pa꞉ta꞉ pua ipiki pa꞉ta꞉ alota꞉ Tekehalio laa ipikana꞉ma꞉ Yesu nunu piekeme.

Maka 9:5

Pidama꞉ Yesu pa꞉ta꞉ alota꞉ Tekehalio. Do pa꞉ta꞉ do haloma꞉ ekita꞉ a꞉pa꞉la꞉me. Sale da tepo a꞉eyamono lae laata꞉ Homeke naka꞉eki ma꞉nda꞉ Mosesina꞉eki ma꞉nda꞉ Elaidiana꞉eki pea a꞉eyamono lae leekeme.

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Dioni 1:38

Yesuma꞉ la꞉ka꞉la꞉ mina ipiki telia꞉ mea epepekeeki handaa ipiliki lota꞉ pitolo alota꞉ Aleke weitelepepe leekeme. Ipilikana꞉ma꞉ ipika꞉ pi hombo peaaso alota꞉ La꞉baio. Neketa꞉ hando pa꞉ta꞉ hao halepe lepekeme. Do La꞉bai ala꞉ ekita꞉ Disa la kone ala꞉ekie.

Dioni 1:49

Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Dioni 11:8

ipika꞉ disaipolo haliwekima꞉ ipiki pa꞉ta꞉ alota꞉ Disao. Amba꞉ numaneke a꞉nda꞉ mo Diu haliwekima꞉ toopima꞉ neke luekema꞉ taapemepate koto pa꞉ta꞉ paa pomana꞉ alepe lemekeme.

Dioni 20:16

Yesuma꞉ ipiki pa꞉ta꞉ alota꞉ Metio leekeme. Mo wanda꞉ma꞉ ipiki pa꞉ta꞉ la꞉ka꞉la mina hata꞉ Hibulu pi la alota꞉ Labonaie leekeme. Koto leeke ekita꞉ Wala꞉la꞉ Halio laa leekeme.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Dioni 3:26

Koto ekina꞉ Dioni pa꞉ta꞉ pua alota꞉ Disao. Mo Diodani ikali mone tena꞉ neke yaapo mandakena꞉ haya꞉ halita꞉ hande nakana꞉ma꞉ niki pa꞉ta꞉ walea꞉ halima꞉ta꞉ kota꞉ ameta꞉ ipikana꞉ma꞉ bapitaisi peaaseke handaa wanda꞉hali wopu ipiki pa꞉ta꞉ pua꞉tiki pitelememe lemekeme.

Dioni 4:31

Koto hau pitolo haena꞉ta꞉ hande disaipolo haliwekima꞉ Yesu honke alo alota꞉ Disao. Ne ma꞉nda꞉ nae lemekepate

Dioni 6:25

Mo wanda꞉halima꞉ta꞉ Yesuta꞉ mo hande tunkula꞉pa pitieke ikali mone tea꞉na꞉ hayekeeki handaata꞉ ipiki pa꞉ta꞉ alota꞉ Disao. Do pa꞉ta꞉ handima꞉ a꞉pa pipe lemekeme.

Dioni 9:2

Kutupa ipika꞉ disaipolo haliwekima꞉ Yesu lota꞉ pitolo alota꞉ Disao. Do mendieke pa꞉ta꞉ kone do halina꞉ leke holupiki hauta꞉ epima꞉ pa꞉la꞉ hoke hauna꞉ pa꞉la꞉pe laa ateke inkikina꞉ ekina꞉ pa꞉la꞉pe o ipika꞉ ekima꞉ kone pa꞉la꞉pe laa lota꞉ pimikime.

2 Kotindi 1:24

Nikana꞉ma꞉ta꞉ ika꞉ hone tulaalemeeki manuta꞉ dupi dupi alo dia꞉me. Ikana꞉ma꞉ hone tulaaseme ekita꞉ amba꞉ koto honkopu hao wia haleme handa꞉e. Koto ekina꞉ nikana꞉ma꞉ta꞉ iki ta꞉na꞉ma꞉ homelemeeki mea a꞉paaluekema꞉ iki ame̱le̱ apa꞉tao e pokoloma꞉me.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Epesese 3:15

Oli hepeni do kenke yaapo pa꞉ta꞉ haloma꞉ tapake wanda꞉hali paeyaoma꞉ta꞉ nika꞉ ota꞉ bikimanu paeyaota꞉ ipiki pa꞉ta꞉ minoloma꞉me.

Pailimono 1:16

Pate ame ipikita꞉ amba꞉ hande pa hameke e pokea꞉ some tupa꞉ dia꞉me ameta꞉ koto hau ota꞉ topo pea dika꞉ epeke Ketiso kame talo ipula꞉me. Ame ipikita꞉ ota꞉ ya tamba꞉ mina꞉la꞉ epeke hali hala꞉pate wetepe naka꞉ pa hameke e pokalia꞉ hali make naka꞉ Tekehali Ketiso pa꞉ta꞉ hala꞉ kame makee hone witolo ipiki pa꞉ta꞉ pukima꞉ homo halipikie.

Dia꞉mesi 3:1

Ya kametitio. Iki pa꞉ta꞉ haliweki wopu wala꞉la꞉ hali haluekema꞉ hone na wia꞉pa꞉peke. Do ekina꞉yeke loa꞉me. Koda꞉ma꞉ta꞉ mo pa wanda꞉halina꞉eki pilie tupa꞉ na piki pa mo disa haliweki nikina꞉ hau wotu handilieke.

1 Pida 5:3

Ikana꞉ma꞉ handeteke hamena꞉ ka꞉la꞉ wanda꞉halita꞉ tumbaaluekema꞉ na tapeke ikana꞉ma꞉ pu halimi epeke hau manuma꞉ mo sipisipi ma꞉na꞉manu wala tiaaso hata꞉ hapa꞉peke.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.

Peneme Yaeyekeeki 22:9

ipikana꞉ma꞉ I̱ pa꞉ta꞉ alota꞉ Kotoeki na pia꞉pema laata꞉ I̱ta꞉ e pokaaso naka꞉ yankekee. Kutupa make mo hande naka꞉ potopede kame manuna꞉ make do bukana꞉ ula꞉ wapena꞉ opua pita꞉la꞉ wanda꞉hali paeyaona꞉ yankeke kone halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me.