Ma꞉tiu 23:7 - Panake Pi La: Ula: Buka pita: Kine Pieke Buka

⁷ Makedi hama mombili ale nina꞉ wanda꞉halima꞉ iki manda꞉hande pitolo ika꞉ bikimanu mea a꞉meiyaluekema꞉ Disao. Epeke da ka꞉la꞉paasoe la꞉tiki pina꞉ ta꞉na꞉ma꞉ wopu homelememe.

Ma꞉tiu 23:7 Mawu Ofanana

Ma꞉tiu 11:16

Amedo do haleme wanda꞉halita꞉ alekema꞉ handelememe lonope. Ikita꞉ mo makedi hama putupa alu pea pilimi wekiwandiki leke halememe. Ane kalale pitimi tapakema꞉ mone kalale pitimi tapake wi la꞉ moneao alota꞉

Ma꞉tiu 23:8

Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Ma꞉tiu 26:25

Kutupa mo a꞉nda꞉ lombeke hali Diudasima꞉ Yesu pa꞉ta꞉ alota꞉ Wala꞉la꞉ halio. Nakana꞉ma꞉ le pita꞉ I̱ pa꞉ta꞉ lepe leeke Yesuma꞉ hombo peaaso alota꞉ Koto aletaa leekeme.

Ma꞉tiu 26:49

Amba꞉ koto laa wieke tupa꞉ ipikana꞉ma꞉ tikitiki a̱i̱ koto kone Yesu teke pa꞉ta꞉ opolo ipulu alota꞉ Wala꞉la꞉ halio. Neketa꞉ epeke timba nane laata꞉ ipiki hopula꞉ mea nunu piekeme.

Maka 10:51

Yesuma꞉ ipiki pa꞉ta꞉ alota꞉ Eki peaano hone pa꞉la꞉pe leekeme. Mo leke holupiki halima꞉ ipiki pa꞉ta꞉ alota꞉ Tekehalio. Ya leke yaapo ki laae leekeme.

Maka 11:21

Pidama꞉ hone wia ipiki pa꞉ta꞉ alota꞉ Tekehalio. Handa꞉e. Nakana꞉ma꞉ pima꞉ kone hoeyaeye nose ti koto hapua hala꞉ handa꞉e leeketa꞉

Maka 12:38

Ipikana꞉ma꞉ iki pa꞉ta꞉ pi walolo hata꞉ alota꞉ Mo wape pea wala꞉tiki pu haleme haliwekina꞉ hau wotu handeteke hapa꞉peke leekeme. Hokulupiki daumanu pambao pomu hata꞉ta꞉ makedina꞉ hatiki pita꞉la꞉ wanda꞉halima꞉ iki pa꞉ta꞉ pi la halena꞉ hone u halememe.

Maka 14:45

Kutupa Diudasima꞉ a꞉paata꞉ kutaa kone Yesu pa꞉ta꞉ pua ipiki pa꞉ta꞉ alota꞉ Tekehalio laa ipikana꞉ma꞉ Yesu nunu piekeme.

Maka 9:5

Pidama꞉ Yesu pa꞉ta꞉ alota꞉ Tekehalio. Do pa꞉ta꞉ do haloma꞉ ekita꞉ a꞉pa꞉la꞉me. Sale da tepo a꞉eyamono lae laata꞉ Homeke naka꞉eki ma꞉nda꞉ Mosesina꞉eki ma꞉nda꞉ Elaidiana꞉eki pea a꞉eyamono lae leekeme.

Luku 11:43

Pa꞉tisi haliwekio ika꞉ hoke yenki tiekena꞉ I̱ paala꞉e. Ikana꞉ma꞉ta꞉ oni yeni pu hala꞉ da pa꞉ta꞉ mo you haliwekina꞉ wiala꞉ sea manuna꞉ pituluekema꞉ hone wotu u haleme make oni makedi hama haleme wanda꞉halima꞉ ika꞉ biki miniliaaso Epeke daka꞉la꞉paaso꞉e la꞉tiki pina꞉ hone wopu u halememe.

Dioni 1:38

Yesuma꞉ la꞉ka꞉la꞉ mina ipiki telia꞉ mea epepekeeki handaa ipiliki lota꞉ pitolo alota꞉ Aleke weitelepepe leekeme. Ipilikana꞉ma꞉ ipika꞉ pi hombo peaaso alota꞉ La꞉baio. Neketa꞉ hando pa꞉ta꞉ hao halepe lepekeme. Do La꞉bai ala꞉ ekita꞉ Disa la kone ala꞉ekie.

Dioni 1:49

Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Dioni 11:8

ipika꞉ disaipolo haliwekima꞉ ipiki pa꞉ta꞉ alota꞉ Disao. Amba꞉ numaneke a꞉nda꞉ mo Diu haliwekima꞉ toopima꞉ neke luekema꞉ taapemepate koto pa꞉ta꞉ paa pomana꞉ alepe lemekeme.

Dioni 20:16

Yesuma꞉ ipiki pa꞉ta꞉ alota꞉ Metio leekeme. Mo wanda꞉ma꞉ ipiki pa꞉ta꞉ la꞉ka꞉la mina hata꞉ Hibulu pi la alota꞉ Labonaie leekeme. Koto leeke ekita꞉ Wala꞉la꞉ Halio laa leekeme.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Dioni 3:26

Koto ekina꞉ Dioni pa꞉ta꞉ pua alota꞉ Disao. Mo Diodani ikali mone tena꞉ neke yaapo mandakena꞉ haya꞉ halita꞉ hande nakana꞉ma꞉ niki pa꞉ta꞉ walea꞉ halima꞉ta꞉ kota꞉ ameta꞉ ipikana꞉ma꞉ bapitaisi peaaseke handaa wanda꞉hali wopu ipiki pa꞉ta꞉ pua꞉tiki pitelememe lemekeme.

Dioni 4:31

Koto hau pitolo haena꞉ta꞉ hande disaipolo haliwekima꞉ Yesu honke alo alota꞉ Disao. Ne ma꞉nda꞉ nae lemekepate

Dioni 6:25

Mo wanda꞉halima꞉ta꞉ Yesuta꞉ mo hande tunkula꞉pa pitieke ikali mone tea꞉na꞉ hayekeeki handaata꞉ ipiki pa꞉ta꞉ alota꞉ Disao. Do pa꞉ta꞉ handima꞉ a꞉pa pipe lemekeme.

Dioni 9:2

Kutupa ipika꞉ disaipolo haliwekima꞉ Yesu lota꞉ pitolo alota꞉ Disao. Do mendieke pa꞉ta꞉ kone do halina꞉ leke holupiki hauta꞉ epima꞉ pa꞉la꞉ hoke hauna꞉ pa꞉la꞉pe laa ateke inkikina꞉ ekina꞉ pa꞉la꞉pe o ipika꞉ ekima꞉ kone pa꞉la꞉pe laa lota꞉ pimikime.