Ma꞉tiu 23:3 - Panake Pi La: Ula: Buka pita: Kine Pieke Buka

³ Koto ekina꞉ta꞉ kota꞉ mo ikana꞉ma꞉ waleleme mana꞉ pimanu paeyao ota꞉ telimea pu hapa꞉peke. Kutu pulu pelemepate mo ika꞉ lokema꞉ pu haleme haumanu homeketa꞉ ota꞉ na honda꞉ mea pea꞉pa꞉peke. Pa ekipeke ikana꞉ma꞉ta꞉ mo ika꞉ waleme pimanu kone ikana꞉ma꞉ta꞉ ota꞉ na pu halemeke handa loa꞉me.

Ma꞉tiu 23:3 Mawu Ofanana

Ma꞉tiu 21:30

Kutupa mo halima꞉ ipika꞉ wetepe weki pa꞉ta꞉ make homeke tupa꞉ kone pua leekeme. Koto leekeeki opuaata꞉ ipika꞉ wetepe wekima꞉ alota꞉ A꞉pa꞉la꞉ma꞉ pulueke leekepate pa na pulupeke kiaeyekeme.

Ma꞉tiu 23:2

Mo hande pi ula꞉ ekimanu walo haleme haliwekima꞉ make mo Pa꞉tisi tonuma꞉ make iki paeyaoma꞉ta꞉ mo hande Mosesima꞉ waleeke tupa꞉ kone iki pa꞉ta꞉ moka꞉la꞉ tiao walo halememe.

Ma꞉tiu 23:4

Ikana꞉ma꞉ta꞉ wanda꞉halina꞉ peiyoko manda ka꞉nda꞉ piki alemanu tonkao tiao halemepate pa ikana꞉ma꞉ kiao ika꞉ kiki ma̱lekesiki tindipao ma꞉nda꞉ a꞉nda꞉ ota꞉ na tamba꞉ mea tialimikie.

Aposolo 5:29

Pidama꞉ mo aposolo haliweki ame̱le̱ hata꞉ ipika꞉ pi hombo peaaso alota꞉ Nikana꞉ma꞉ta꞉ haliwekina꞉ pi amba꞉la na opiki Koda꞉na꞉ pi opua꞉pa꞉peke ya꞉la꞉me.

Loma꞉ 13:1

Iki paeyaoma꞉ta꞉ mo kapomanina꞉ biki ula꞉ haliwekina꞉ pi opua꞉peke ya꞉la꞉me. Do ekina꞉yeke loa꞉me. Koda꞉ma꞉ you hali ma꞉nda꞉ma꞉ta꞉ wanda꞉hali handeteke haena꞉ mea haena꞉ lea꞉ka꞉na꞉ta꞉ kota꞉ handeteke hapeke ya꞉la꞉me. Kutupa ame do handeteke haleme you haliwekita꞉ Koda꞉ma꞉ pina꞉e laa mea haleke handa halememe.

2 Timodi 3:5

Ikana꞉ma꞉ mo Koda꞉ pa꞉ta꞉ yeni pita꞉la꞉ hauta꞉ pa pea꞉tiki pea꞉tiki pu halemepate mo yenina꞉ wele pita꞉la꞉ ekita꞉ hoki walaa kiaaso halememe. Kutu piki wanda꞉hali ame̱le̱ apa꞉tao na hapeke.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.