Ma꞉tiu 23:16 - Panake Pi La: Ula: Buka pita: Kine Pieke Buka

¹⁶ Iki pa꞉ta꞉ hoke yenki tieke ipuleke handolo ekina꞉ I̱ paala꞉e. Ikita꞉ leke holupa pota꞉ na handeke hata꞉ kone Do pota꞉na꞉ ipupe laa lo haleme haliwekie. Ika꞉ waleme pi manuta꞉ dupa Mandali epima꞉ mo tembolo dana꞉ biki la alo hata꞉ hali keke pi la꞉ wia kone paa topo pia꞉ka꞉na꞉ta꞉ pa aleta꞉ ma꞉nda꞉ dia꞉ ya꞉la꞉pate pa mo somema꞉ tembolo da tukiki pa꞉ta꞉ ula꞉ kolona꞉ biki la alo hata꞉ hali keke pi wia꞉ka꞉na꞉ta꞉ kota꞉ koto pita꞉ ota꞉ topo pia꞉peke na ya꞉la꞉me laa walo halememe.

Ma꞉tiu 23:16 Mawu Ofanana

Ma꞉tiu 15:14

Pina꞉ma꞉ hone ma꞉nda꞉ na wia꞉pa꞉pe. Ikita꞉ mo leke holu piki wanda꞉halina꞉ leke holu piki you haliweki halememe. Koto ekina꞉ta꞉ leke holu piki somema꞉ mo leke holupiki some ma꞉nda꞉ hatuku mea pea꞉ka꞉na꞉ta꞉ kota꞉ ipiliki telipuna꞉ hombo pa꞉ta꞉ hopulu paleke mandake lopilipikie leekeme.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Ma꞉tiu 23:17

Ikita꞉ leke holu piki you hoke haliwekie. Hando ekita꞉ ota꞉ ekipe. Mo tembolo da pa꞉ta꞉ pa u pelia hala꞉ kolope o mo kolo yako peao hala꞉ tembolo dape laa I̱ma꞉ iki pa꞉ta꞉ lota꞉ pitolome leekeme.

Ma꞉tiu 23:19

Ikita꞉ leke holu piki haliwekie. Hando ekita꞉ ota꞉ ekipe. Mo oloda manda ula꞉ pa hala꞉la꞉ hotekepe o mo hoteke yako peaasa꞉ olodape laa I̱ma꞉ iki pa꞉ta꞉ lota꞉ pitolome leekeme.

Ma꞉tiu 23:24

Ikita꞉ leke holupa pota꞉ na handeke hata꞉ kone do pota꞉na꞉ ipupe laa lo haleme haliwekie. Ika꞉ supumanu pa꞉ta꞉ pila꞉ amumu sikita꞉ epeke tupa꞉ siki talopu mea bao halemepate kone mo kemolo ma꞉na꞉ tieke aneke kone ika꞉ supu tapu pa mea yola꞉niao halememe.

Ma꞉tiu 23:26

Iki leke holupiki Pa꞉tisi haliwekio. Titina꞉ mo ika꞉ kapo tukiki pa꞉ta꞉ tala꞉la꞉ hoke ale amba꞉la tanda꞉pa꞉peke. Kutu pimika꞉na꞉ta꞉ mo kapona꞉ manda make ana꞉na꞉ tanda꞉pa wilieke.

Ka꞉leisia 5:3

Hoto yaapo peao paa kinki pitolo I̱ma꞉ alota꞉ Hali ma꞉nda꞉ epima꞉ ma꞉nda꞉ma꞉ ipiki sekemesaisi hau pina꞉ lea꞉ka꞉na꞉ta꞉ kota꞉ koto halita꞉ mo hande Lo Pi ula꞉eki paeyaona꞉ oto pa꞉ta꞉ homeke hao halieke.

Dia꞉mesi 5:12

Ya kametitio. Pi tieke doe. Ikana꞉ma꞉ pi la꞉ wimika꞉na꞉ta꞉ oli hepenina꞉ biki make do kenkena꞉ biki make ala꞉ta꞉ ma꞉nda꞉na꞉ biki make na la꞉ wia꞉pa꞉peke. Kutupa Aowe loluekema꞉ta꞉ pa Aowe pi homeke lapa꞉peke. Kutupa make Dia꞉me loluekema꞉ta꞉ pa Dia꞉me pi homeke lapa꞉peke. Tekehalima꞉ iki pa꞉ta꞉ pi yokaalu pilieke la loa꞉me.