Ma꞉tiu 23:11 - Panake Pi La: Ula: Buka pita: Kine Pieke Buka

¹¹ Mandali epita꞉ iki tukiki pa꞉ta꞉ ika꞉ aneke hali halo pia꞉ka꞉na꞉ta꞉ kota꞉ ipikita꞉ iki paeyaona꞉ hone pa꞉la꞉ hau peao hala꞉ hali yelieke.

Ma꞉tiu 23:11 Mawu Ofanana

Ma꞉tiu 23:10

Kutaa make wanda꞉halima꞉ iki pa꞉ta꞉ You halie pi na lena꞉ lapa꞉peke. Pa ekipeke. Ketiso homeketa꞉ ika꞉ you hali hala꞉me.

Maka 9:35

Kutupa Yesuta꞉ pitiniao pita꞉ mo 12 haliweki wi laa iki pa꞉ta꞉ alota꞉ Hali epima꞉ titina꞉ I̱ halueke hone wia꞉ka꞉na꞉ta꞉ kota꞉ koto halita꞉ wetepena꞉ hali hano laata꞉ wanda꞉hali paeyaona꞉ e pokaasa꞉ hali hano lena꞉e leekeme.

1 Kotindi 9:19

I̱ta꞉ hali ma꞉nda꞉na꞉ pa hameke e pokaaso hali na hake ya kone halome. Kutupu halopate mandane wanda꞉hali wopu muluekema꞉ yaka hone wia kone wanda꞉hali paeyaona꞉ pa hameke e pokaaso hali halome.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Ka꞉leisia 5:13

Ya kame tonuo. Ameta꞉ ikina꞉ do tupa꞉ alome. Ikita꞉ ka꞉la꞉pa꞉ tapao haleme haliweki hamena꞉ Koda꞉ma꞉ wi la꞉la꞉me. Koto pa꞉la꞉pate ika꞉ honema꞉ nikita꞉ ka꞉la꞉pa꞉ tapao haloma꞉me hone witolo pa mo hande lokena꞉ hone pa꞉la꞉ amba꞉ hau manuma꞉ neke na handeteke haena꞉ lapa꞉peke. Kotoeki na pikita꞉ pa ika꞉ kametonu ame̱le̱ pukima꞉ homeleme ekima꞉ ika꞉ ika꞉ kone tamba꞉ mu alualu puemena꞉ lena꞉ lapa꞉peke.