Ma꞉tiu 22:7 - Panake Pi La: Ula: Buka pita: Kine Pieke Buka

⁷ Kutu pimikieki mo kini halima꞉ opitolo hata꞉ mineke tieke wopu pankeke handaa mo hande haliweki lu make ika꞉ da tekemanu yanko pina꞉ ipika꞉ ami haliweki tapaeyekeme.

Ma꞉tiu 22:7 Mawu Ofanana

Ma꞉tiu 22:6

Kutaa make mandane haliwekima꞉ta꞉ mo hande tapaeyeke haliweki da꞉ka꞉pa꞉ minaata꞉ luma꞉ luma꞉ pimikime.

Ma꞉tiu 22:8

Kutu pieketa꞉ mo kini halima꞉ ipika꞉ e pokaemeke haliweki pa꞉ta꞉ alota꞉ Ya wekina꞉ wanda꞉ mina꞉la꞉ ne pamba꞉la꞉ ekita꞉ tikitiki yao ula꞉pate mo hande biki amba꞉ wia꞉ wanda꞉halita꞉ ana꞉ na piki wanda꞉hali ya꞉la꞉ ekina꞉

Luku 19:27

Kutupa ameta꞉ hande I̱ta꞉ ika꞉ kini hamena꞉ kiaemeke a꞉nda꞉ tunkuliki haliweki ikita꞉ hatuku a꞉pa yaka leke popelekena꞉ hata꞉ lia꞉pa꞉peke laa leekeme leekeme.

Luku 21:21

Koto dina꞉ta꞉ mo Diudia nane halo peleme wanda꞉halita꞉ mo potemanu pa꞉ta꞉ pindipa pena꞉e. Ma꞉nda꞉ epi mo daonimanu pa꞉ta꞉ haya꞉ka꞉na꞉ta꞉ mina꞉pa꞉laena꞉e. Kutupa ma꞉nda꞉ epi mo da kenke tea꞉na꞉ haya꞉ka꞉na꞉ta꞉ pa mo daoni pa꞉ta꞉ ota꞉ na pena꞉e.

Luku 21:24

Mandane wanda꞉halita꞉ kepete dolo manuma꞉ lu homao mandaneta꞉ mandane kenke yu ma꞉nda꞉ nane dipula leke mea pua kutupa mo Diendaili wanda꞉halima꞉ta꞉ Diutuseleme tumbuatia pua ika꞉ nate mulu epea꞉ka꞉na꞉ mina꞉pa꞉lalimikie.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.