Ma꞉tiu 22:40 - Panake Pi La: Ula: Buka pita: Kine Pieke Buka

⁴⁰ Do pi ula꞉eki yaapona꞉ tukiki pa꞉ta꞉ mo hande Mosesima꞉ pi wiekeeki paeya tapao make potopede haliwekima꞉ walemeke ekimanu make paeyao do titina꞉ pi ula꞉eki yaapoma꞉ handeteke hala꞉me leekeme.

Ma꞉tiu 22:40 Mawu Ofanana

Ma꞉tiu 7:12

Wanda꞉halima꞉ mandane haumanu iki pa꞉ta꞉ pina꞉e laa hone peleme tupa꞉ ikana꞉ma꞉ koto haumanu kone iki pa꞉ta꞉ pu hapa꞉peke. Kota꞉ Mosesima꞉ mo Lo Pi wiekeeki make potopede haliwekima꞉ wimiki mana꞉ pi make do koto hau peomono loluekema꞉ wieke pie.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Loma꞉ 13:9

Hande pi ula꞉eki manuta꞉ Hali ma꞉nda꞉na꞉ wanda꞉na꞉ hakopu na tunkuliki o ma꞉nda꞉ ota꞉ homena꞉ honema꞉ kone na liki o pake na neke o ma꞉nda꞉na꞉ alemanu muluekema꞉ leke na pola꞉paapa꞉peke laa la꞉ ula꞉ pimanu make mandane ekimanu tonka꞉na꞉ koto pimanu paeyaona꞉ titina꞉ pi homeketa꞉ dupa ula꞉me. Nakana꞉ma꞉ta꞉ neke pa꞉ta꞉ kone pukima꞉ homele tupa꞉ koto tupa꞉ ma꞉nda꞉ pa꞉ta꞉ make pukima꞉ homa꞉peke laa wape pa꞉la꞉me.

Ka꞉leisia 5:14

Mo hande Lo Pi ula꞉eki paeyao apa꞉tao hone wiomonota꞉ kota꞉ pa pa uluma꞉ pi homeke homeke ula꞉me. Dupa. Naka꞉ kone pukima꞉ homele tupa꞉ kota꞉ naka꞉ yankeketonu pa꞉ta꞉ make pukima꞉ homa꞉pa꞉peke laa la ula꞉me.

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.

Dia꞉mesi 2:8

Nika꞉ you halima꞉ta꞉ mo Baibolo buka pa꞉ta꞉ mo hande Lo Pimanu wape pa꞉la꞉ ekita꞉ Naka꞉ kone pukima꞉ homele tupa꞉ wanda꞉hali pa꞉ta꞉ make pukima꞉ homa꞉peke ala꞉ pi opua pimika꞉na꞉ta꞉ epeke hau pilimikie.