Ma꞉tiu 22:30 - Panake Pi La: Ula: Buka pita: Kine Pieke Buka

³⁰ Amba꞉ homemeke wanda꞉halima꞉ paa tiaemeka꞉na꞉ta꞉ wanda꞉ na miki hali na peke oli hepeni nane enisolo tapake haleme tupa꞉ pa hao halimikie leekeme.

Ma꞉tiu 22:30 Mawu Ofanana

Ma꞉tiu 13:43

Koto natena꞉ta꞉ mo ika꞉ Apa꞉na꞉ Kilu Tombuao Hala꞉ tukiki pa꞉ta꞉ epeke hau peleme wanda꞉hali ikita꞉ mo natena꞉ pa̱a̱ tupa꞉ pu halimikie. Hali epima꞉ ipika꞉ katake lombea꞉ka꞉na꞉ta꞉ kota꞉ do pi ota꞉ opina꞉e.

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Ma꞉tiu 22:31

Kutupa Yesuma꞉ pi ma꞉nda꞉ alota꞉ Mo hande homemeke wanda꞉hali paa tiaalo pelemeeki pa꞉ta꞉ Koda꞉ma꞉ ipika꞉ wape pea ula꞉ pina꞉ iki pa꞉ta꞉ lea꞉ pita꞉ na yata꞉pemepe. Ipikana꞉ma꞉ alota꞉

Ma꞉tiu 24:38

Ikali tala꞉eki tieke a̱i̱ na epeeke toma꞉na꞉ta꞉ wanda꞉halima꞉ ne ikalimanu na꞉moneatiki pu wanda꞉ hapu moneatiki pu pua꞉tiki puaata꞉ mo Noa kawaso pa꞉ta꞉ honda꞉ pambeeke dina꞉ naemekeme.

Luku 17:27

Wanda꞉halima꞉ ika꞉ ne ikali na꞉tiki wanda꞉ mea꞉tiki halina꞉ da pua꞉tiki putia a꞉pa Noa kawaso pa꞉ta꞉ honda꞉ pambeeke nate opolo epeekeme. Kutu piki haumanu pu haemekepate koto tomona꞉ kone ikali talo hata꞉ iki paeyao lu homaeyekeme.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.