Ma꞉tiu 22:22 - Panake Pi La: Ula: Buka pita: Kine Pieke Buka

²² Mo haliwekima꞉ koto pi opuaata꞉ penkili polo hata꞉ Yesu haena꞉ mina꞉pa꞉lao pemekeme.

Ma꞉tiu 22:22 Mawu Ofanana

Ma꞉tiu 10:16

Opua꞉pe. Ikita꞉ mo honkopu wopu na hake sipisipimanu tupa꞉ ya꞉la꞉pate I̱ma꞉ iki mo tikene iyamanu tukiki pa꞉ta꞉ hamena꞉ tapaasome. Koto ekina꞉ mo hande ketoma꞉ kimelema꞉ pomua꞉la꞉ tupa꞉ iki make kimelema꞉ pomua꞉pa꞉peke. Kutaa make mo hande dokolo ba manuma꞉ epeke tupa꞉ momba꞉la pitu haleme tupa꞉ iki make sembepela hao hapa꞉peke.

Ma꞉tiu 22:33

Mo mombelemeke wanda꞉halima꞉ koto leeke pi opitolota꞉ mo pina꞉ paala꞉ pieke penkili polo hata꞉ leke opo handa꞉ hake wimikime.

Ma꞉tiu 22:46

Mo koto Yesuma꞉ iki pa꞉ta꞉ lota꞉ pieke pina꞉ta꞉ homeke ma꞉nda꞉ a꞉nda꞉ma꞉ hombo peapeke na yeekeme. Kutupa koto pi la hayeke aneta꞉ hali ma꞉nda꞉ma꞉ ipiki la handuluekema꞉ mo lota꞉ pita꞉la꞉ pi mandane ekimanu lapeke paala꞉ma꞉ homolo hata꞉ ota꞉ na leke paekeme.

Ma꞉tiu 8:10

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipika꞉ hoki nane telimiki wanda꞉hali pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Mo Isulai tapake tukiki pa꞉ta꞉ dupiki hone tulaake some homeke ma꞉nda꞉ a꞉nda꞉ I̱ na handolome.

Maka 12:12

Mo hande yeni peao haemeke teke haliwekima꞉ make mo wape pea wala꞉tiki pu haemeke haliwekima꞉ make tondiki haliwekima꞉ make paeyaoma꞉ do onkoluma꞉ pita꞉ niki pa꞉ta꞉ lea꞉me hone witolo hata꞉ Yesu minina꞉ loluekema꞉ taapemekepate wanda꞉hali pa꞉ta꞉ paala꞉ma꞉ homemeke handaata꞉ Yesu mina꞉pa꞉lao pemekeme.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Aposolo 6:10

Kutu pimikipate Holi Sipitidima꞉ wele peaaso haena꞉ ipika꞉ hone epekeeki wia hata꞉ pi la꞉tiki pieke ekita꞉ ma꞉nda꞉ma꞉ bepolaapeke na yekeme.

Kolosi 4:6

Ika꞉ aleme pi manuta꞉ tende peao make ta꞉na꞉ma꞉ homa꞉tiake tupa꞉ lapa꞉peke. Kutupa ikana꞉ma꞉ paeyao pa꞉ta꞉ epeke hombo peaasa꞉eki hala꞉la꞉ ekita꞉ hone wopu wia꞉peke ya꞉la꞉me.