Ma꞉tiu 22:18 - Panake Pi La: Ula: Buka pita: Kine Pieke Buka

¹⁸ Koto lemeketa꞉ Yesuma꞉ ika꞉ kekeke hake hone pambao wimikieki handolo hata꞉ alota꞉ Ikita꞉ hoke makeaasa꞉ haliwekie. Ya anketa꞉ ekipeke yola꞉ lemepe laa la alota꞉

Ma꞉tiu 22:18 Mawu Ofanana

Ma꞉tiu 12:15

Ipiki luekema꞉ a꞉nda꞉ lomba꞉ wimikieki Yesuma꞉ opuaata꞉ koto pa꞉ta꞉ mina꞉pa꞉lao peekeme. Kutu pieketa꞉ wanda꞉hali wopuma꞉ ipiki telimea pemekeme. Yesuma꞉ ika꞉ homa꞉pa wimiki wanda꞉hali paeyao epeao haena꞉ laata꞉

Ma꞉tiu 19:3

Mandane Pa꞉tisi haliwekima꞉ ipiki tamuluekema꞉ yeke ipiki pa꞉ta꞉ lota꞉ pita꞉la꞉ pi ma꞉nda꞉ dupa lemekeme. Hali ma꞉nda꞉ma꞉ ota꞉ pa ipika꞉ hone pa꞉la꞉ tupa꞉ ipika꞉ wanda꞉ kiaaso yoka꞉la꞉ ekita꞉ mo nika꞉ Lo Pi Ula꞉ ekima꞉ta꞉ waleke ma꞉nda꞉ wiala꞉pe laa lota꞉ pimikime.

Ma꞉tiu 22:17

Naka꞉ wili honeta꞉ eki hone wilipe. Niki opuomono lakia꞉peke. Mo kapomani tieke Sisa pa꞉ta꞉ dakisi mani hala꞉la꞉ ekita꞉ a꞉pa꞉la꞉pe o hoela꞉pe. Halomana꞉pe o na halomana꞉pe lemekeme.

Ma꞉tiu 22:19

Mo dakisi hamba꞉la꞉ toopi homeke I̱ pa꞉ta꞉ wala꞉pe leekeme. Koto leeke ikana꞉ma꞉ toopi homeke ipiki pa꞉ta꞉ mea a꞉pa halemekeme. Kutu pimiki handa iki pa꞉ta꞉ mea walolo alota꞉

Maka 12:5

E teke halima꞉ paa ma꞉nda꞉ tapaeyekepate ota꞉ limikime. Koto haliwekima꞉ mandaneeki wopu pa꞉ta꞉ make kutu pimikime. Mandane ekimanu yombua baota꞉ mandane ekimanu ota꞉ limikime.

Maka 2:8

Koto kone Yesu ipika꞉ honema꞉ kone mo haliwekina꞉ hone wimiki ekimanu handa꞉ wiaata꞉ iki pa꞉ta꞉ alota꞉ Ekipeke koto hone witeleme ekimanu weitelemepe leekeme.

Luku 10:25

Mo Lo Pi walo hayeke hali homekema꞉ Yesu tamuluekema꞉ la handolo alota꞉ Disao. Deto hala꞉eki muluekema꞉ eki pionope laa lota꞉ piekeme.

Luku 20:23

Koto lemekepate Yesuma꞉ ika꞉ makeaaso pimikieki amba꞉ handaata꞉ mo haliweki pa꞉ta꞉ alota꞉

Luku 5:22

Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 9:47

Yesuma꞉ ika꞉ hone pa꞉ta꞉ wimiki ekimanu handaata꞉ hosiki weki siki ma꞉nda꞉ hatuku a꞉pa tiao hata꞉

Dioni 2:25

Wanda꞉halina꞉ puki pa꞉ta꞉ ula꞉ ekimanu Yesuma꞉ wotu handeeke ekina꞉ hali ma꞉nda꞉ma꞉ ipiki pa꞉ta꞉ la hala꞉peke na yeekeme.

Dioni 8:6

Yesu pa꞉ta꞉ pi loluekema꞉ weitolo hata꞉ ipikana꞉ma꞉ ala꞉eki opuluekema꞉ yokaemekeme. Koto lemekepate Yesuma꞉ panda꞉puniao pita꞉ kiki ma̱lekema꞉ kenkena꞉ wape wape piekeme.

Aposolo 5:9

Pidama꞉ mo wanda꞉ pa꞉ta꞉ alota꞉ Ipiliki yaapoma꞉ ipilika꞉ honema꞉ mo Tekehalina꞉ Holi Sipitidi pa꞉ta꞉ hoke hone mea wialuekema꞉ ekipeke pipipe leekeme. Handa꞉e. Naka꞉ haliki mea hoilu pa꞉la꞉ haliwekita꞉ neke mea hoilu puluekema꞉ amba꞉ do pota꞉ kake pa꞉ta꞉ do a꞉pa haleme handa꞉e leekeme.

Peneme Yaeyekeeki 2:23

Kutupa ipika꞉ hoki nane tolu haleme tapake make lu homaalueke. Kutu pua꞉ka꞉na꞉ta꞉ mo siosi paeyaoma꞉ I̱ta꞉ wanda꞉hali paeyaona꞉ honemanu make hone u halemeeki manuna꞉ hone ulu somee hone wilimikie. I̱ma꞉ta꞉ iki paeyao ika꞉ peleme ekina꞉ homeke homeke lo ana꞉na꞉ kone yenki kulueke.